2 SAMUEL 6:18 - KA BAIBL

¹⁸ Bad ynda u Dabid u la pyndep ban kñia ainguh ïa kita ki jingainguh thang bad ïa kita ki jingainguh bapynïasuk, u la kyrkhu keiñ ïa uta u paidbah ha ka kyrteng U Trai ki paid.

Khasi CL Bible (BSI)

¹⁸ Haba u la dep ai ki jingkñia, u la kyrkhu ïa u paidbah ha ka kyrteng U Trai Badonbor Baroh

2 SAMUEL 6:18 ပူးပေါင်းရင်းမြစ်များ

JENESIS 14:19

Te u la kyrkhu ïa u, bad u da ong, “To long ba la kyrkhu ïa u Abram na U Blei U Bahalor Tam Eh, U Trai ka bneng bad ka khyndew:

2 SAMUEL 6:19

Bad u la sam ha kita ki briew baroh, kata ha u paidlang ki Israel baroh, ha ki shynrang bad ha ki kynthei ruh, ha uwei pa uwei baroh, uwei u kpu, bad shi tukra ka doh, bad iwei i kpu da u soh Khajur. Kumta uta u paidbah baroh ki la leit wan noh uwei pa uwei baroh ha la ka jong ka ïing.

1 SYIEM 8:14

Te u syiem u la phai la ka khmat sawdong, bad u la kyrkhu ïa uta u paidbah ki Israel baroh: bad u paidbah ki Israel baroh u ïeng.

1 SYIEM 8:15

Te u la ong, “Long ba la kyrkhu ïa U Trai, U Blei jong ki Israel, uba la kren da la ka shyntur ha u Dabid u kpa jong nga, bad u la pyndep ïa ka da la ka kti, u da ong,

1 SYIEM 8:55

Te u la ïeng, bad u la kyrkhu ïa ka jingïaseng ki Israel baroh da ka ktien bajam, u da ong,

1 KHRONIKL 16:2

Te haba u Dabid u la pyndep kaba ainguh ïa ka jingainguh thang bad ki jingainguh pynïasuk, u la kyrkhu ïa u paidbah ha ka kyrteng U Trai.

2 KHRONIKL 30:27

Te ki lyngdoh ki Lebi ki la ïeng bad ki la kyrkhu ïa ki paidbah: bad la ïohsngew ïa ka ktien jong ki, bad ka jingduwai jong ki ka la kiew haduh ka jaka shong bakhuid jong u, shaduh bneng keiñ.

2 KHRONIKL 31:8

Te haba u Hesekaïah bad ki rangbah, ki la wan bad ki la ïohi ïa ki kynton, ki la kyrkhu ïa U Trai, bad ïa u paidlang jong u ki Israel.

2 KHRONIKL 6:3

Bad u Syiem u la phai la ka khmat, bad u la kyrkhu ïa u paidbah Israel baroh: bad u paidbah Israel baroh u ïeng.

SALM 129:8

Lymne kita kiba ïaid sha jan kin ym ong, “To ka jingkyrkhu U Trai kan long ïa phi; ngi kyrkhu ïa phi ha ka kyrteng U Trai.”

EKSODOS 39:43

Bad u Moses u la khmih ïa kata ka kam baroh, te, ha khmih, ki la lah leh ïa ka kumba U Trai u la lah hukum, kumta hi keiñ, ki la leh ïa ka: bad u Moses u la kyrkhu ïa ki.

KI KAM 3:26

Ha phi nyngkong, U Blei u la pynmih ïa la U Khun, bad U la phah ïa u, ban kyrkhu ïa phi, da kaba pynphai noh ïa uwei pa uwei na phi na ki jingbymhok jong phi.”

JOSHUA 22:6

Kumta, u Joshua u la kyrkhu ïa ki, bad u la phah noh ïa ki: te ki la leit sha la ki ïingjaiñ.