2 SAMUEL 6:16 - KA BAIBL

¹⁶ Te katba ka synduk U Trai ka la wan poi shapoh ka nongbah u Dabid, hangta ka Mikhal ka khun u Saul haba ka la khmih na ka jingkhang ïit, ka la ïohi ïa u syiem Dabid ba u da rynsied bad ba u da shad ha khmat U Trai; bad ka la beiñ ïa u ha la ka dohnud.

Khasi CL Bible (BSI)

¹⁶ Katba dang wallam ïa ka Synduk shapoh ka nongbah, ka Mikhal, ka khun jong u Saul, ka la peit na ka jingkhangïit bad ka la ïohi ïa u Syiem Dabid ba u shad bad kynthih kylleng sawdong ha ka jingshad bakyntang, bad ka la i ngiah ïa u.

2 SAMUEL 6:16 ပူးပေါင်းရင်းမြစ်များ

2 SAMUEL 3:14

Bad u Dabid u la phah ïa ki nongkit-ktien ha u Ishbosheth u khun u Saul, u da ong, “Ai noh ha nga ïa ka tnga jong nga, ka Mikhal keiñ, ïa kaba nga la tehktien na ka bynta shispah tylli ki sher jong ki Philistia.”

2 SAMUEL 5:7

Pynban, u Dabid u la jop ïa ka kut jong ka Seïon; kata ka long “Ka nongbah u Dabid”.

2 SAMUEL 6:15

Kumta, u Dabid bad ka ïing Israel baroh ki la wallam noh artet ïa ka synduk U Trai da ka jingrisa, bad ka jingsawa ka ronsing.

2 SAMUEL 6:20

Ynda kumta, u Dabid u la leit phai noh ïa ka ban kyrkhu ïa la ki ba-ha-ïing. Te ka Mikhal ka khun u Saul ka la leit tan ïa u Dabid, bad ka la ong, “A katno uba donburom mo u syiem ki Israel u la long ha kane ka sngi, uba ha kane ka sngi u la pynlyngkhuit ïa lade ha khmat ki shakri kynthei jong ki shakri jong u, kumjuh kumba u 'riewthala u pynlyngkhuit khlem rain ïa lade!”

1 KHRONIKL 15:29

Te haba ka synduk ka jutang U Trai ka la wan sha ka shnong u Dabid, ka Mikhal ka khun u Saul ka la khmih na ka jingkhang ïit, bad ka la ïohi ïa u syiem Dabid ba u da shad bad ba u tem; bad ka la ibeiñ ïa u ha ka dohnud jong ka.

SALM 123:3

To isynei ïa ngi, A Trai, to isynei ïa ngi: naba la pynshlei ïa ngi da ka jingñiewbeiñ.

SALM 69:7

Namar na ka bynta jong me, nga la shah ka jingkrenbeiñ; ka jinglehrain ka la tap ïa ka khmat jong nga.

ISAÏAH 53:3

U la long ba la ibeiñ, bad ba la kyntait da ki briew: u briew ki jingsngewsih, bad uba tip ïa ka khuslai: bad kum uba ki briew ki ju buhrieh ïa la ka khmat na u la ibeiñ ïa u, te ngim shym la ñiew ïa u.

KI KAM 2:13

Hynrei, kiwei da kaba beiñ ki la ong, “Ki la kdang Waiñ thymmai.”

1 KORINTH 2:14

Hynrei, u briew bakynja doh um pdiang ïa kita kiei kiei ruh ki jong U Mynsiem U Blei; namar ki long ka jingbieit ha u; bad um lah hi ban ithuh ïa ki, naba, da kaba kynja mynsiem ba bishar ïa ki.

1 SAMUEL 18:17

Te u Saul u la ong ha u Dabid, “Ha khmih, ka khun nyngkong jong nga, ka Merab, ïa ka ngan ai kurim ha me: hynrei, tang ba men long uba shlur ïa nga, bad ba men ïaleh ïa ka jingïaleh thma U Trai.” Namar u Saul u la ong, “Ka kti jong nga kan ym long halor jong u, hynrei, to ka kti ki Philistia kan long halor jong u.”

1 SAMUEL 18:20

Te ka Mikhal ka khun u Saul ka la ieit ïa u Dabid: bad ki la ïathuh ha u Saul, bad u la sngewbha ïa kata.