2 SAMUEL 6:12 - KA BAIBL

¹² Te la ïathuh ha u syiem Dabid, da kaba ong, “U Trai u la kyrkhu ïa ka ïing u Obed-edom, bad ïa kiei kiei baroh ki jong u, na ka bynta kata ka synduk U Blei.” Kumta te, u Dabid u la leit wallam noh artet ïa ka synduk U Blei na ïing u Obed-edom sha ka nongbah u Dabid da ka jingkmen.

Khasi CL Bible (BSI)

¹² U Syiem Dabid u ïohsngew ba namar ka Synduk ka Jutang, U Trai u la kyrkhu ïa ka longïing jong u Obed Edom bad baroh kat kiba u don; kumta u leit shim noh ïa ka Synduk ka Jutang na ka ïing jong u Obed ban leit rah ïa ka sha Jerusalem ryngkat bad ka jinglehkmen kaba khraw.

2 SAMUEL 6:12 ပူးပေါင်းရင်းမြစ်များ

2 SAMUEL 5:7

Pynban, u Dabid u la jop ïa ka kut jong ka Seïon; kata ka long “Ka nongbah u Dabid”.

1 SYIEM 8:1

Kumta, u Solomon u la ïalum lang ïa ki tymmen basan jong ki Israel, bad baroh ki nongïalam jong ki jaid, ki rangbah ki kpa ki khun Israel, sha u syiem Solomon ha Jerusalem, ban wallam noh artet ïa ka synduk ka jutang jong U Trai na ka shnong u Dabid, ka Seïon keiñ.

1 SYIEM 8:3

Te ki tymmen basan ki Israel baroh ki ïawan, bad ki lyngdoh ki la ïarah ïa kata ka synduk.

1 SYIEM 8:4

Bad ki la wallam noh ïa ka synduk U Trai, bad ka ïingjaiñ jong ka jingïaseng, bad ki kynja pliang bakhuid baroh kiba ha kata ka ïingjaiñ; ïa kine keiñ ki lyngdoh bad ki Lebi ki la wallam noh.

1 KHRONIKL 15:15

Bad ki khun ki Lebi ki la ïabah ïa ka synduk U Blei halor ki tyrpeng jong ki lem bad ki dieng jingbah ha ka, kumba u Moses u la hukum katba kum ka ktien U Trai.

1 KHRONIKL 15:25

Kumta, u Dabid, bad ki tymmen basan ki Israel, bad ki rangbah shihajar, ki la leit ban wallam artet ïa ka synduk ka jutang U Trai na ka ïing u Obed-edom da ka jingkmen:

1 KHRONIKL 16:16

kata ka jutang ïa kaba u la teh bad u Abraham, bad ka jingsmai jong u ha u Isaak;

1 KHRONIKL 26:4

Bad u Obed-edom u la don ki khun shynrang; u Shemaïah u banyngkong, u Jehosabad u ba-ar, u Joah u balai, bad u Sakar u basaw, bad u Nethanil u basan;

1 KHRONIKL 26:5

u Ammiel u bahynriew, u Issakhar u bahynñiew, u Peullethai u baphra: namar U Blei u la kyrkhu ïa u.

2 KHRONIKL 5:2

Ynda kumta, u Solomon u la ïalum lang ïa ki tymmen basan ki Israel bad ïa ki nongïalam jong ki jaid, ïa ki rangbah ki ïing ki kpa ki khun Israel, ha Jerusalem, ban wallam artet ïa ka synduk ka jutang U Trai na ka shnong u Dabid, kaba long ka Seïon.

MATHAÏOS 10:42

Bad uno uno ruh u ban ai dih tang shi khuri ka um khriat ïa uwei na kine ki barit, ha ka kyrteng u synran, shisha nga ong ha phi, un ym duh shuh la ka nong.”