2 SAMUEL 5:9 - KA BAIBL

⁹ Te u Dabid u la shong ha kata ka kut, bad u la khot kyrteng ïa ka “Ka nongbah u Dabid”. Bad u Dabid u la tei kynroh baroh sawdong naduh Millo bad shapoh.

Khasi CL Bible (BSI)

⁹ Hadien ka jingïohknieh ïa ka kut, u Dabid u la shong hapoh jong ka bad u la khot kyrteng ïa ka “Ka Nongbah u Dabid.” U la tei ïa ka nongbah sawdong jong ka, da kaba sdang na ka jaka ha kaba la pyndap khyndew ha ka phang mihngi jong u lum.

2 SAMUEL 5:9 ပူးပေါင်းရင်းမြစ်များ

2 SAMUEL 5:7

Pynban, u Dabid u la jop ïa ka kut jong ka Seïon; kata ka long “Ka nongbah u Dabid”.

2 SAMUEL 5:8

Ha kata ka sngi, u Dabid u la ong, “Jar u ban pom ïa ki Jebus, to un leit kiew na kane ka nur um, bad un pom ïa kita ki ba-dkoh bad ïa ki bamatlah, kiba ka mynsiem u Dabid ka isih.” Namar kata, ki ïa-ong, “Ki bamatlah bad ki ba-dkoh ki hangta; um lah rung ruh shapoh ïing.”

2 SAMUEL 6:10

Kumta, u Dabid um treh shuh ban pynkynriah ïa ka synduk U Trai ha lade sha ka nongbah u Dabid; hynrei, u Dabid u la pynphai ïa ka sha ïing u Obed-edom u nong Gath.

1 SYIEM 11:27

Kane te ka la long ka daw ba u la rah ïa la ka kti pyrshah ïa u syiem: u Solomon u la tei ïa ka Millo, bad u la shna ïa kaba twa ka shnong u Dabid u kpa jong u.

1 SYIEM 2:10

Kumta u Dabid u la thiah noh bad ki kpa jong u, bad la tep ïa u ha ka shnong u Dabid.

1 SYIEM 9:15

Te kane ka long ka daw ba u syiem Solomon u la pynmih ïa kita ki paid, ïa ka ban tei ïa ka ïing U Trai, bad ïa la ka jong ka ïing, bad ka Millo, bad ïa ka kynroh ka Jerusalem, bad ka Hasor, bad ka Megiddo, bad ka Geser.

1 SYIEM 9:24

Te ka khun u Pharaoh ka la leit mih na ka shnong u Dabid sha la ka ïing kaba u Solomon u la lah tei ïa ka: ynda kumta, u la tei ïa ka Millo.

2 SYIEM 12:20

Te ki shakri jong u ki la ïeng joit, bad haba ki la ïashet, ki la pom ïa u Joash ha ka ïing Millo, ha ka lynti baleit hiar sha Silla.

2 SYIEM 12:21

Naba u Josakar u khun u Shimeath, bad u Jehosabad u khun u Shomer, ki shakri jong u, ki la pynïap ïa u, bad u la ïap; bad ki la tep ïa u bad la ki kpa ha ka shnong u Dabid: bad u Amasaïah u khun jong u, u la synshar ha ka jaka jong u.

1 KHRONIKL 11:8

Bad u la tei ïa kata ka shnong baroh sawdong, naduh Millo baroh sawdong, bad u Joab u la shna ïa kata kawei ka bynta ka jong ka shnong.

2 KHRONIKL 32:5

Te u la sngewshlur, bad u la tei baroh ka kynroh kaba la twa, bad u la pynjrong ïa ka haduh ki ïing phira, bad ïa kata kawei pat ka kynroh shabar, bad u la pynskhem ïa ka Millo ha ka nongbah u Dabid, bad u la thaw ki tiar ïapom bad ki stieh shibun eh.

NEHEMAÏAH 3:15

Bad ïa Ka Khyrdop Umpohliew, u la shna u Shallum u khun u Kol-hoseh, u nongsynshar ka ilaka Mispah, u la tei ïa ka, bad u la sop ïa ka, bad u la pynïeng ïa ki jingkhang jong ka, ïa ki nar jingkhang jong ka, bad ïa ki dieng-khang jong ka, bad ïa ka kynroh ka pung Shiloah hajan ka kper syiem, bad haduh ki kyrdon kiba hiar arsut na ka nongbah u Dabid.

SALM 122:3

Ka Jerusalem, kaba la tei ïa pha kum ka nongbah kaba la pynïasyndah lang:

ISAÏAH 29:1

Ko Ariel, Ariel, ka shnong ha kaba u Dabid u la shong! Phi to pynlang ïa kawei ka snem ha kawei pat ka snem; to ki jingkhawai kin wan poi:

NONGBISHAR 9:20

hynrei, lada ym kumta, ai kan mih ka ding na u Abimelekh, bad kan bam duh ïa ki nong Shekhem, bad ïa ka ïing Millo; bad ai kan mih ka ding na ki nong Shekhem, bad na ka ïing Millo, bad kan bam duh ïa u Abimelekh.”

NONGBISHAR 9:6

Te ki nong Shekhem baroh ki la ïalang lem bad ka Beth-millo baroh, bad ki la ïaleit bad ki la ïathung syiem ïa u Abimelekh, hajan u dieng Sning mawbynna uba ha Shekhem.