2 SAMUEL 5:3 - KA BAIBL

³ Kumta, ki tymmen basan ki Israel baroh ki la ïawan ha u syiem sha Hebron; bad u syiem Dabid u la teh jutang bad ki ha Hebron ha khmat U Trai: bad ki la pynsleh ïa u Dabid ban long syiem halor ki Israel.

Khasi CL Bible (BSI)

³ Kumta baroh ki nongïalam jong ki Israel ki la wan sha u Syiem Dabid ha Hebron. U la pynlong ïa jingïateh lok bakyntang bad ki, ki la pynsleh ïa u, bad u la long u syiem ki Israel.

2 SAMUEL 5:3 ပူးပေါင်းရင်းမြစ်များ

2 SAMUEL 2:4

Bad ki Judah ki la ïawan, bad ki la pynsleh hangta ïa u Dabid ban long syiem halor ka ïing Judah. Te ki la ïathuh ha u Dabid, ki ïa-ong, “Dei ki Jabesh-gilead kiba la tep ïa u Saul.”

2 SAMUEL 2:7

Namar kata te, to pynkhlaiñ ïa la ki kti, bad to long shlur phi: namar u kynrad jong phi u Saul u la ïap noh, ka ïing Judah ruh ki la pynsleh ïa nga ban long syiem halor jong ki.”

2 SAMUEL 3:21

Bad u Abner u la ong ha u Dabid, “Ngan khie bad ngan leit, bad ngan lum ïa ki Israel baroh ha u syiem kynrad jong nga, ba kin ïohthaw jutang bad me, bad ba men ïoh synshar halor baroh katba kwah ka dohnud jong me.” Bad u Dabid u la phah noh ïa u Abner; u ruh u la leit da kaba suk.

1 SYIEM 1:34

bad to u Sadok lyngdoh bad u Nathan u nongïathuhlypa kin pynsleh ïa u hangta ban long u syiem halor ki Israel: bad to put phi da ka turoi, bad to ong, ‘U Blei un pynim ïa u Solomon syiem.’

2 SYIEM 11:17

Bad u Jehoïada u la pynlong jutang hapdeng U Trai bad u syiem bad u paidbah, ba kin long u paidbah jong U Trai; hapdeng u syiem bad u paidbah ruh.

1 KHRONIKL 11:1

Ynda kumta, ki Israel baroh ki la ïalang ha u Dabid ha Hebron, ki da ong, “Ha khmih, ngi long ka shyieng bad ka doh jong me.

1 KHRONIKL 11:3

Kumta, ki tymmen basan ki Israel baroh ki la wan sha u syiem ha Hebron; bad u Dabid u la ïateh jutang bad ki ha Hebron ha khmat U Trai; bad ki la pynsleh ïa u Dabid ban long syiem halor ki Israel, katba kum ka ktien U Trai da ka kti u Samuel.

1 KHRONIKL 28:4

La kumta ruh, U Trai, U Blei ki Israel, u la jied ïa nga na baroh ka ïing u kpa jong nga ban long u syiem halor ki Israel junom: naba u la jied ïa u Judah ban long u nongïalam; bad ha ka ïing u Judah, ka ïing u kpa jong nga; bad napdeng ki khun u kpa jong nga u la sngewbha ïa nga ban pynlong syiem ïa nga halor ki Israel baroh:

2 KHRONIKL 23:16

Bad u Jehoïada u la pynlong ïa ka jutang hapdeng jong u hi, bad u paidbah baroh, bad u syiem, ba ki dei ban long ki briew jong U Trai.

NEHEMAÏAH 9:38

La kumta ruh, pynban, ngi thaw jutang baskhem, bad ngi thoh ïa ka; bad ki rangbah jong ngi, ki Lebi jong ngi, bad ki lyngdoh jong ngi, ki ïashon shab ha ka.

EKSODOS 3:16

To leit, to ïalum lang ruh ïa ki tymmen basan jong ki Israel, bad to ong ruh ha ki, ‘U Trai uba U Blei ki kpa jong phi, U Blei u Abraham, u Isaak, bad u Jakob de, u la mihpaw ha nga, u da ong, “Shisha nga la wan jngoh ïa phi, bad nga la ïohi ïa kaba la leh ïa phi ha ka ri Ijipt;

JOSHUA 10:36

Bad u Joshua u la leit kiew na Eglon bad ki Israel baroh ryngkat bad u sha Hebron; bad ki la ïaleh ïa ka:

NONGBISHAR 11:11

Ynda kumta, u Jephthah u la leit ryngkat bad ki rangbah jong ka Gilead, bad u paidbah u la pynlong ïa u, u rangbah bad u nongïalam halor jong ki: te u Jephthah u la kren ïa ki ktien jong u baroh ha khmat U Trai ha Mispeh.

1 SAMUEL 11:15

Bad u paidbah baroh u la leit sha Gilgal; bad hangta ki la pynlong syiem ïa u Saul ha khmat U Trai ha Gilgal; bad hangta ki la kñia ki jingkñia da ki jingainguh pynïasuk ha khmat U Trai; bad hangta u Saul bad ki rangbah Israel baroh ki la leh kmen shikatdei.

1 SAMUEL 16:13

Te u Samuel u la shim ïa kata ka reng umphniang, bad u la pynsleh ïa u hapdeng kita ki hynmen jong u: bad U Mynsiem U Trai u la wan jur ha u Dabid naduh kata ka sngi. Ynda kumta, u Samuel u la khie, bad u la leit sha Ramah.

1 SAMUEL 23:18

Te ki baroh ar ngut ki la ïateh ka jutang ha khmat U Trai: te u Dabid u la shong sah ha kata ka 'law lynnong, bad u Jonathan u la leit noh sha la ïing.