2 SAMUEL 5:2 - KA BAIBL

² Mynshuwa ruh, mynba u Saul u la long syiem halor jong ngi, long ma me uba la ju ïalam shabar bad uba wallam shapoh ïa ki Israel: bad U Trai u la ong ha me, ‘Men bsa ma me ïa ki briew jong nga ki Israel, bad men long u nongïalam ïa ki Israel.’ ”

Khasi CL Bible (BSI)

² Ha ka por ba la leit, wat haba u Saul u dang long u syiem jong ngi, phi la ïalam ïa ki rangbah Israel ha ka thma bad U Trai u la kular ïa phi ba phin ïalam ïa ki briew jong u bad ban long u nongsynshar jong ki.”

2 SAMUEL 5:2 ပူးပေါင်းရင်းမြစ်များ

JENESIS 49:24

Hynrei, ka ryntieh jong u pynban ka la neh bor, bad ki ksang'ti jong u ki la nang kham khlaiñ da ki kti jong U Bakhrawbor u Jakob; (nangta u long u Nongsharai, u Mawsiang jong u Israel),

2 SAMUEL 6:21

Te u Dabid u la ong ha ka Mikhal, “Ka la long ha khmat U Trai keiñ, uba la jied ïa nga pynban, ban ïa u kpa jong pha, bad ban ïa ka ïing jong u baroh, u da thung ïa nga ban long u nongïalam halor u paidbah jong U Trai, halor ki Israel: namar kata, ngan nang leh sngewbha ruh ha khmat U Trai.

2 SAMUEL 7:7

Ha kita ki jaka baroh ha kiba nga la ïaid ryngkat bad ki khun Israel baroh, nga la kren shikyntien ne em ha kano kano ruh na ki jaid ki Israel, ïa kiba nga la hukum ba kin bsa ïa ki briew jong nga ki Israel, da kaba ong, “Balei ba phim shym la tei ka ïing dieng Kedar ïa nga?”

2 SAMUEL 7:8

Mynta te men ong kumne ïa u Dabid u shakri jong nga, “Kumne u ong U Trai ki paid: Nga la shim ïa me na kata ka jingker, bad na kaba bud ïa ki langbrot, ïa ka ban long u nongïalam halor ki briew jong nga, halor ki Israel keiñ.

2 SYIEM 20:5

“To phai pat, bad to ong ha u Hesekaïah u rangbah u paidbah jong nga, ‘Kumne ong U Trai, U Blei u Dabid u kpa jong me, Nga la shahshkor ïa ka jingduwai jong me, nga la ïohi ïa ki ummat jong me: ha khmih, ngan pynkhiah ïa me: ha ka sngi ka balai men leit kiew sha ka ïing U Trai.

1 KHRONIKL 11:2

Wat mynno mynno ruh, haba u Saul u dang long syiem, dei ma me uba la ïalam shabar bad uba la wallam shapoh ha Israel: bad U Trai U Blei jong me u la ong ha me, ‘Men bsa ïa ki briew jong nga ki Israel, bad men long u nongïalam halor ki briew jong nga ki Israel.’ ”

2 KHRONIKL 1:10

To ai ha nga mynta, ïa ka jingstad bad ïa ka jingtip, ba nga lah ban leit shabar bad wan shapoh ha khmat une u paidlang: namar uei uba lah ban bishar ïa une u paidlang jong me, uba bun katta katta?”

ISAÏAH 40:11

Un bsa ïa ka kynhun jong u kum u nongaplangbrot, ha ka ksang'ti jong u un lum ïa ki khun langbrot, bad ha ka shadem jong u un rah ïa ki, bad un ïalam suki ïa kiba ai buiñ.

ISAÏAH 55:4

Ha khmih, nga la ai ïa u ban long sakhi ha ki kynja bynriew, u nongïalam bad u nongai hukum ha ki kynja bynriew.

ESEKIEL 34:23

Bad ngan thung ïa uwei u nongaplangbrot halor jong ki, u te un bsa ïa ki, u shakri jong nga keiñ u Dabid; un bsa ïa ki, bad un long u nongaplangbrot jong ki.

MIKAH 5:4

Bad un ïeng, bad un bsa ïa la ka kynhun ha ka bor U Trai, ha ka burom ka kyrteng U Trai U Blei jong u: bad kin ïashong; naba hangta un long uba khraw haduh ki bakut ka pyrthei.

JINGKHEIÑ 27:17

u ban leit shabar ha shuwa jong ki, bad u ban wan shapoh ha shuwa jong ki, bad uba lah ban ïalam shabar ïa ki, bad uba lah ban ïalam shapoh ïa ki; ba u paidlang jong U Trai un ym long kum ki langbrot ki bymdon u nongsharai.”

MATHAÏOS 2:6

“ ‘Pha ruh ka Bethlehem, ka ri Judia, pham long i barit tam hapdeng ki syiem Judia: naba na pha un mih U Nongsynshar, u ban sharai ïa ki briew jong nga ki Israel.’ ”

ÏOANNIS 10:11

Nga, nga long u nongaplangbrot u babha; uta u nongaplangbrot u babha u aiti noh ïa la ka jingim na ka bynta ki langbrot.

HEBRU 2:10

Namar ka la bit ïa u, na ka bynta jong u ba la long kiei kiei baroh, bad da u ba long kiei kiei baroh, ha kaba u ïalam ïa ki khun shibun sha ka burom, ban pynjanai ïa U Nongpynlong ka jingpynim jong ki da ki jingshahshitom.

1 SAMUEL 13:14

Hynrei, mynta, ka jinglong syiem jong me kan ym neh: U Trai u la wad ha u ïa u briew uba katba kum ka dohnud jong U hi, bad U Trai u la thung ïa uta ban long u nongïalam halor ki briew jong U, namar ma me mem shym la sumar ïa kata kaba U Trai u la hukum ïa me.”

1 SAMUEL 16:1

Bad U Trai u la ong ha u Samuel, “Men ïambriew ïa u Saul sa katno, haba nga, nga la kyntait ïa u na kaba long syiem halor ki Israel? To pyndap ïa kata ka reng jong me da ka umphniang, bad khie leit, ngan phah ïa me sha u Jesse u nong Bethlehem, naba nga la khreh ïa nga ïa u syiem napdeng ki khun shynrang jong u.”

1 SAMUEL 18:13

Namar kata, u Saul u la pynkynriah noh ïa u na u, bad u pynlong ïa u, u nongïalam halor shi hajar; te u la leit shabar bad u la wan shapoh ha shuwa uta u paidbah.

1 SAMUEL 18:16

Hynrei, ki Israel bad ki Judah baroh ki la ieit ïa u Dabid; namar ba u la leit shabar bad ba u la wan shapoh ha shuwa jong ki.

1 SAMUEL 18:5

Te u Dabid u la leit shano shano kat sha kaba u Saul u la phah ïa u, bad u la ïaid leh sian ïa lade: bad u Saul u la buh ïa u halor ki paidïapom, bad u la long uba la sngewbha ïa u ha khmat kita ki paidbah baroh, bad ha khmat ki shakri u Saul ruh de.

1 SAMUEL 25:28

To map, nga kyrpad ïa me, ïa ka jingpalat ka shakri jong me: namar U Trai da shisha un pynlong ka ïing kaba skhem ïa u kynrad jong nga, naba u kynrad jong nga u ïaleh ïa ki jingïaleh thma ki jong U Trai; bad yn ym shem ei ei ka basniew ha me baroh ki sngi jong me.

1 SAMUEL 25:30

Te haba U Trai un leh ïa u kynrad jong nga katba kum kita kiei kiei baroh ki babha ïa kiba u la kren shaphang jong me, bad ba un thung nongsynshar ïa me halor ki Israel;

1 SAMUEL 9:16

“Lashai hamar kane ka por ngan phah sha me ïa u briew uba na ka ri Benjamin, te men pynsleh ïa u ban long u nongïalam halor ki briew jong nga ki Israel, bad un pyllait ïa ki briew jong nga na ka kti ki Philistia: namar nga la khmih ïa la ki briew, naba ka jinglynñiar jong ki ka la poi sha nga.”