2 SAMUEL 5:12 - KA BAIBL

¹² Bad u Dabid u la tip ba U Trai u la pynskhem ïa u ban long syiem halor ki Israel, bad ba U la pynkyntiew ïa ka jinglong syiem jong u na ka bynta ki briew jong U, ki Israel keiñ.

Khasi CL Bible (BSI)

¹² Bad kumta u Dabid u sngewthuh ba U Trai u la pynskhem ïa u kum u syiem ki Israel bad u la kyntiew ïa ka hima jong u na ka bynta ki briew jong u.

2 SAMUEL 5:12 ပူးပေါင်းရင်းမြစ်များ

2 SAMUEL 5:11

Bad u Hiram u syiem ka Tyros u la phah ki nongkit-ktien ha u Dabid, bad ki dieng Kedar, bad ïa ki misteri dieng, bad ki misteri maw: bad ki la tei ïing ïa u Dabid.

2 SAMUEL 5:13

Te u Dabid u la shim shuh shuh ïa ki tnga kliar bad ki tnga trai na Jerusalem, hadien ba u la wan noh na Hebron: bad la nang kha ha u Dabid ki khun shynrang bad kynthei.

2 SAMUEL 7:16

Bad ïa ka ïing jong me bad ïa ka jinglong syiem jong me yn pynskhem ha khmat jong me junom: yn pynskhem keiñ ïa ka khet jong me junom.’ ”

1 SYIEM 10:9

Long ba la kyrkhu ïa U Trai U Blei jong me, uba ieit ïa me, ban buh ïa me halor ka khet ki Israel: namar U Trai u ieit junom ïa ki Israel, namar kata, u la pynlong syiem ïa me ban bishar bad ban leh hok.”

1 KHRONIKL 14:2

Te u Dabid u la tip ba U Trai u la pynskhem ïa u ban long syiem halor ki Israel, namar ïa ka hima jong u la kyntiew hajrong, na ka bynta ki briew jong u ki Israel.

2 KHRONIKL 2:11

Te u Huram u syiem ka Tyros u la phai ktien ha ka jingthoh, kaba u la phah sha u Solomon, “Namar ba U Trai u la ieit ïa ki briew jong U, U la pynlong syiem ïa me halor jong ki.”

ESTHER 4:14

Namar lada pha phan sngap jar noh ha kane ka por, te ka jingïarap bad ka jingpyllait kan mih ïa ki Jiw na kawei pat ka jaka, hynrei, pha bad ka ïing u kpa jong pha phin jot noh: bad ei ba tip lehse pha la wan sha kata ka hima khnang na ka bynta kaba kum kane ka por?”

DANIEL 2:30

Hynrei, shaphang jong nga, ym shym la pynpaw ïa kane ka jingbuhrieh ïa nga namar ba nga don ka jingstad kham tam ïa uno uno baroh u ba-im, hynrei, khnang ban pyntip ïa kata ka jingbatai ïa u syiem, bad ba me men tip ïa ki jingpyrkhat ka dohnud jong me.

JINGKHEIÑ 24:7

Un theh ki um na ki khiew jong u baroh, bad u symbai jong u un long ha bun ki um, bad u syiem jong u un long kham ha khlieh ïa u Agag, bad yn pynkyntiew ïa ka hima jong u.