2 SAMUEL 4:8 - KA BAIBL

⁸ Bad ki la wallam ïa ka khlieh u Ishbosheth sha u Dabid ha Hebron, bad ki la ong ha u syiem, “Ha khmih ïa ka khlieh u Ishbosheth u khun u Saul u nongshun jong me, uba la wad ïa ka jingim jong me; te ha kane ka sngi U Trai u la pynhiar ïa ka kput u syiem kynrad jong nga halor u Saul, bad halor u symbai jong u.”

Khasi CL Bible (BSI)

⁸ Ki ai ïa kata ka khlieh ha u Syiem Dabid ha Hebron, bad ki ong ha u, “Kane hangne ka dei ka khlieh u Ishbosheth, u khun jong u Saul, u nongshun jong phi, uba la pyrshang ban pynïap ïa phi. Ha kane ka sngi U Trai u la shah ïa u Syiem Kynrad ban pynhiarkput ïa u Saul bad ki khun ki ksiew jong u.”

2 SAMUEL 4:8 ပူးပေါင်းရင်းမြစ်များ

2 SAMUEL 18:19

Ynda kumta, u Ahimaas u khun u Sadok u la ong, “To shah ïa nga mynta ban phet ban lam ktien ha u syiem, ba U Trai u la pynhiar kput na ka bynta jong u halor ki nongshun jong u.”

2 SAMUEL 18:31

Te, ha khmih, u la wan uta u Kushi; bad u Kushi u la ong, “Ka ktien ïa u syiem kynrad: naba U Trai ha kane ka sngi u la pynhiar kput na ka bynta jong me halor kita baroh kiba la ïeng ïaleh ïa me.”

2 SAMUEL 2:8

Hynrei, u Abner u khun u Ner, u kaptan u paidïapom u Saul, u la lah shim ïa u Ishbosheth u khun u Saul, bad u la ïalam ïa u sha shiliang sha Mahanaim;

2 SAMUEL 22:48

uta U Blei keiñ uba pynhiar kput na ka bynta jong nga, bad uba pynhapoh ïa ki jaid bynriew hapoh jong nga,

SALM 71:24

U thylliej jong nga ruh un kren ïa ka hok jong me baroh shi sngi: namar la pynlehrain, namar la pynlyngngoh, ïa kita kiba wad ïa ka jingpynsniew ïa nga.

MATHAÏOS 2:20

u da ong, “To ïeng, to shim noh ïa uta u khunlung bad ïa ka kmie jong u, to khie leit ruh sha ka ri Israel: namar ki la ïap kita kiba la ïawad ïa ka mynsiem uta u khunlung.”

JINGPYNPAW 18:20

To phan leh kmen halor jong ka, ko ka bneng, bad phi ki riewkhuid, bad phi ki apostol, bad ki nongïathuhlypa; naba U Blei u la bishar ïa ka jingtian bishar jong phi halor jong ka.”

JINGPYNPAW 6:10

Te ki la pyrta da ka ktien bajam, ki da ïa-ong, “Tad lano, ko Trai Kynrad, U Bakhuid bad U Bashisha, mem bishar kut bad pynhiar kput na ka bynta kata ka snam jong ngi halor kita kiba shong ha kata ka khyndew?”

1 SAMUEL 18:11

Bad u Saul u la sum ïa uta u sum; bad u la ong, “Ngan sum lyngba ïa u Dabid sha kata ka kynroh.” Te u Dabid u la kynriah noh ar sien na khmat jong u.

1 SAMUEL 19:1

Te u Saul u la kren ha u Jonathan u khun jong u, bad ha ki shakri jong u baroh, ba kin pynïap ïa u Dabid.

1 SAMUEL 19:15

Te u Saul u la phah ïa kita ki briew ban jngoh ïa u Dabid, u da ong, “Wallam noh artet ïa u sha nga ha la ka jingthiah, ba ngan ïoh pynïap ïa u.”

1 SAMUEL 20:1

Te u Dabid u la phet noh na Naioth kaba ha Ramah, bad u la wan bad u la ong ha khmat u Jonathan, “Hato nga la leh aïu? Kaei ka jingbymman jong nga? Bad kaei ka pop jong nga ha khmat u kpa jong me, ba u wad kumne ïa ka mynsiem jong nga?”

1 SAMUEL 23:15

Te u Dabid u la ïohi ba u Saul u la mih noh khnang ban wad ïa ka jingim jong u: te u Dabid u la don ha ri khlaw Siph ha ka 'law lynnong.

1 SAMUEL 24:4

Te ki rangbah u Dabid ki la ong ha u, “Ha khmih, kane hi ka sngi ba U Trai u la ong ha me shaphang jong ka, ‘Ha khmih, ngan aiti ïa u nongshun jong me ha ka kti jong me, ba men ïoh leh ïa u katba me ibit.’ ” Te u Dabid u la ïeng, bad u la ot noh ha kaba rieh ïa ka rmiang kata ka barandi kaba ha u Saul.

1 SAMUEL 25:29

La u briew u la ïeng ïa ka ban beh ïa me ruh, bad ban wad ïa ka mynsiem jong me, pynban, ka mynsiem u kynrad jong nga kan long ba la tehsong ha ka jingteh ka jingim bad U Trai U Blei jong me; bad ïa ki mynsiem ki nongshun jong me un shat noh, kum na ka pdeng ka jingshat maw.