2 SAMUEL 4:4 - KA BAIBL

⁴ Bad u Jonathan, u khun u Saul, u la don u khun u ba-dkoh ki kjat. Une, u la san snem ka rta haba la poi ka jingbna na Jesril shaphang u Saul bad u Jonathan, te ka nongsumar ka la shim, ka la rah ïa u bad ka la phet ïap: ka la jia te katba ka la pynkloi ban phet, ba u la hap, bad u la dkoh. Bad ka kyrteng jong u ka la long “u Mephibosheth”.

Khasi CL Bible (BSI)

⁴ Uwei pat u nonghiarpateng jong u Saul, u dei u Mephibosheth, u khun jong u Jonathan, uba la dap san snem ka rta mynba u Saul bad u Jonathan ki la shah pynïap. Haba ka khubor shaphang ka jingïap jong ki ka la wan poi na ka nongbah Jesreel, ka nongsumar jong u ka la rah ïa u bad ka phet krad; hynrei namar ka jingkyrkieh palat ka la pynhap ïa u, bad u la kylla long uba dkoh.

2 SAMUEL 4:4 ပူးပေါင်းရင်းမြစ်များ

2 SAMUEL 21:7

Hynrei, u syiem u la pynim ïa u Mephibosheth, u khun u Jonathan u khun u Saul, namar kata ka jingïakular U Trai kaba la don hapdeng jong ki, hapdeng u Dabid keiñ bad u Jonathan u khun u Saul.

2 SAMUEL 9:13

Kumta, u Mephibosheth u la shong duh ha Jerusalem: naba u la bam jingbam ha la ka sngi ha ka miej u syiem: te u ba-dkoh na ki kjat jong u baroh ar.

2 SAMUEL 9:3

Bad u syiem u la kylli, “Don ne em uno uno uba dang sah na ka ïing u Saul, ba ngan ïoh leh ïa ka jingisynei U Blei ïa u?” Te u Siba u la ïathuh ha u syiem, “Dang sah sa uwei u khun u jong u Jonathan, u ba-dkoh ki kjat.”

2 SAMUEL 9:6

Te haba u Mephibosheth, u khun u Jonathan, u khun u Saul, u la wan ha u Dabid, u la dem ngon, bad u la nguh de. Bad u Dabid u la ong, “Mephibosheth.” U ruh u la ïathuh, “Ha khmih u shakri jong me!”

1 SYIEM 11:17

uta u Hadad u la phet ïap, ma u bad ki nong Edom ruh bad u ki shakri u kpa jong u, ïa ka ban leit sha Ijipt; myn haba u Hadad u dang khynnah eh.

1 KHRONIKL 8:34

Bad u khun u Jonathan u la long u Merib-baal; bad u Merib-baal u la pynkha ïa u Mikah.

1 KHRONIKL 9:40

Bad u khun u Jonathan u la long u Merib-baal; bad u Merib-baal u la pynkha ïa u Mikah.

1 SAMUEL 29:1

Te ki Philistia ki la lum lang ïa ki paidïapom jong ki baroh sha Aphek: bad ki Israel ki la ïashong dara hajan ka pukri kaba ha Jesril.

1 SAMUEL 29:11

Kumta, u Dabid u la khie la dang step, ma u bad uta u paidbah jong u, ïa ka ban leit noh mynstep, ban leit phai pat sha ka ri ki Philistia. Bad ki Philistia ki la leit kiew sha Jesril.