2 SAMUEL 4:11 - KA BAIBL

¹¹ Katno tam te, haba ki briew bymman ki la pynïap ïa u briew u bahok ha la ïing halor ka jingthiah jong u, ngan ym dawa ïa ka snam jong u na ki kti jong phi, bad pynduh noh ïa phi na ka khyndew?”

Khasi CL Bible (BSI)

¹¹ Katno kaba kham sniew kan long ïa ki riewbymman kiba pynïap ïa u briew uba lui lui uba dang ïohthiah ha la ka jong ka ïing! Mynta ngan pynhiarkput ïa phi namar ka jingpynïap ïa u bad ngan pyndam ïa phi na sla khyndew!”

2 SAMUEL 4:11 ပူးပေါင်းရင်းမြစ်များ

JENESIS 4:11

Bad mynta keiñ me long ïa uba la tim na kata ka khyndew, kaba la ang ïa la ka shyntur ïa ka ban pdiang ïa ka snam u para jong me na ka kti jong me.

JENESIS 6:13

Bad U Blei u la ong ha u Noah, “Ka bakut ka doh baroh ka la wan ha khmat jong nga; naba da ki keiñ la pyndap ïa ka pyrthei da ka jingleh-jubor; bad ha khmih ruh, ngan pynjot noh ïa ki lem bad ka khyndew.

JENESIS 7:23

Kumta, la pynduh noh ïa kiei kiei baroh ki kynja kiba im halor ka khmat ka khyndew, naduh u briew haduh ki jingri, bad ïa kiei kiei ki kynja bapar, bad ïa ki sim ki bneng; kumta keiñ, la pynduh noh ïa ki na khmat ka khyndew: bad la sah im sa tang u Noah, bad kita kiba la don lem bad u ha kata ka ïinglieng.

2 SAMUEL 16:8

U Trai u la pynphai halor jong me ïa kata ka snam ka ïing u Saul baroh, uba me la synshar ma me ha ka jaka jong u; bad U Trai u la ai noh ïa ka hima ha ka kti u Absalom u khun jong me; bad ha khmih, me la ngat ha la ka jong ka pop, namar ba me long u briew uba bit snam.”

2 SAMUEL 3:27

Te haba u Abner u la wan phai noh sha Hebron, u Joab u la shim kyrpang ïa u shapdeng ka khyrdop ban ïakren bad u da kaba suk, bad u la shoh ïa u hangta na ka kpoh, ba kumta u la ïap noh, namar ka snam u Asahel u para jong u.

2 SAMUEL 3:39

Ma nga te la la thung syiem ruh ïa nga, nga long uba tlot ha kane ka sngi; bad kine ki rangbah, ki khun ka Seruïah ki kham eh ïa nga: to U Trai un ai nong ïa u nongleh sniew katba kum ka jingbymman jong u.”

1 SYIEM 2:32

Te U Trai un pynphai ïa ka snam jong u halor ka khlieh jong u hi, namar u la ktah kti ïa ki ar ngut ki rangbah kiba kham hok bad kham bha ban ïa u, bad u la pynïap ïa ki da ka waitlam, te u Dabid u kpa jong nga um shym da tip ïa kata, kita, u Abner u khun u Ner, u kaptan ki paidïapom ki Israel, bad u Amasa u khun u Jether, u kaptan ki paidïapom ki Judah.

SALM 109:15

Ai ba kin long ha khmat U Trai ha la ka sngi, ba yn pynduh noh ïa ka jingpynkynmaw ïa ki na ka khyndew.

SALM 9:12

Namar uta uba tohkit ïa ka snam u kynmaw ïa ki: um ju klet noh ïa ka jinglynñiar jong u baduk.

EKSODOS 21:12

“Uta uba shoh ïa u briew, katba un ïap, yn pynïap shisha ïa u.

EKSODOS 9:15

Naba lada nga la lah kner ïa la ka kti, bad shoh ïa me bad ïa ki briew jong me da ka jingïapthem, te ïa me la lah ot noh na ka pyrthei;

PROBERB 2:22

Hynrei, ïa ki bymman yn ot noh na ka ri, bad ïa kita kiba leh shukor yn rat noh na ka.

PROBERB 25:26

Kum ka pukri ba la ïuh, bad ka umpohliew ba la pynjakhlia, kumta long u briew bahok uba dem ha khmat u bymman.

JEREMAÏAH 10:11

Kumne phin ong ha ki, “Kita ki blei ki bym shym la thaw ïa ki bneng bad ïa ka khyndew, kita kin duh noh na ka khyndew, bad napoh ki bneng.”

HABAKKUK 1:12

Me mem long na bymjukut, A Trai U Blei jong nga, U Bakhuid jong nga? ngin ym ïap. A Trai, me la thung ïa u khnang ïa ka jingbishar; bad ma me, ko Mawsiang, me la pynskhem ïa u ïa ka jingpynshitom.

HABAKKUK 1:4

Namar kata, la pyntud ïa ka hukum, bad ka jingbishar kam mihpaw lano lano: naba u bymman u ker tawiar ïa u bahok; namar kata, ka jingbishar ka mihpaw kaba la pynbakla.

1 ÏOANNIS 3:12

ym kumba u Kain u la long na uta u basniew, bad u la pynïap noh ïa la u para. Te na ka balei u la pynïap noh ïa u? Naba ki jingleh jong u hi ki long ki basniew, hynrei, kita ki jong uta u para jong u ki bahok.