2 SAMUEL 3:8 - KA BAIBL

⁸ Ynda kumta, u Abner u la khih bitar lep namar kita ki ktien u Ishbosheth, bad u la ong, “Nga, nga long tang ka khlieh ksew uba dei ïa ka Judah mo? Ha kane ka sngi nga leh isynei ïa ka ïing u Saul u kpa jong me, bad ïa ki para jong u, bad ïa ki lok jong u, bad ngam shym la ai noh ïa me ha ka kti u Dabid, pynban, me tei pop halor nga ha kane ka sngi namar kane ka briew?

Khasi CL Bible (BSI)

⁸ Kane ka la pynbitar lep ïa u Abner, “Me tharai ba ngan shetkylla ïa u Saul? Me tharai shisha ba nga shakri ïa ki Judah?” u ong. “Naduh mynnyngkong, nga la ïaineh skhem na ka bynta u Saul u kpa jong me, ki hynmen ki para shynrang jong u, bad ki paralok jong u, bad nga da ïa me na kaba shahjop ha u Dabid; pynban ha kane ka sngi me wad dong ïa nga shaphang ka kynthei!

2 SAMUEL 3:8 ပူးပေါင်းရင်းမြစ်များ

2 SAMUEL 16:9

Ynda kumta, u Abishai u khun ka Seruïah u la ong ha u syiem, “Balei une u 'sew ïap u tim ïa u syiem kynrad jong nga? nga kyrpad ïa me, to shah ïa nga ba ngan leit sha shiliang, ban khrai ïa ka khlieh jong u.”

2 SAMUEL 2:8

Hynrei, u Abner u khun u Ner, u kaptan u paidïapom u Saul, u la lah shim ïa u Ishbosheth u khun u Saul, bad u la ïalam ïa u sha shiliang sha Mahanaim;

2 SAMUEL 3:18

Mynta te, to leh kumta: naba U Trai u la kren shaphang u Dabid, u da ong, ‘Da ka kti u Dabid u shakri jong nga ngan pyllait ïa ki briew jong nga ki Israel na ka kti ki Philistia, bad na ka kti ki nongshun jong ki baroh.’ ”

2 SAMUEL 3:9

To U Blei un leh kumta ïa u Abner, bad un pyntam ruh, lada, kumba U Trai u la smai ha u Dabid, nga ngam leh kumta ïa u;

2 SAMUEL 5:2

Mynshuwa ruh, mynba u Saul u la long syiem halor jong ngi, long ma me uba la ju ïalam shabar bad uba wallam shapoh ïa ki Israel: bad U Trai u la ong ha me, ‘Men bsa ma me ïa ki briew jong nga ki Israel, bad men long u nongïalam ïa ki Israel.’ ”

2 SAMUEL 9:8

U ruh u la nguh, bad u la ong, “U shakri jong me u long aïu, haba me khmih ïa nga uba kum u ksew u baïap?”

2 SYIEM 8:13

U Hasael te u la ong, “U shakri jong me u long uei, uba long tang u ksew, ba un leh ïa ka bakhraw kat kane?” Bad u Elisha u la ïathuh, “U Trai u la pyni ha nga ba men long syiem halor ka Syria.”

SALM 76:10

Shisha ka jingbitar u briew kan ïaroh ïa me: kaba sah ka jingbitar men panpoh ha me.

ISAÏAH 37:23

“ ‘Ïano me la krenbeiñ bad me la kren sang? Pyrshah ïano ruh me la pynjam ïa la ka ktien bad me la khmied ïa la ki khmat sha jrong? Pyrshah ïa uta U Bakhuid jong u Israel keiñ.

DEUTERONOMI 23:18

Men ym wallam ïa ka bainong jong ka nuti, lane ïa ka dor u ksew, sha ïing U Trai uba U Blei jong me ha kano kano ka jingkular niam: naba kine baroh ar, ki long kiba ijli ha khmat U Trai uba U Blei jong me.

1 SAMUEL 15:28

Te u Samuel u la ong ha u, “U Trai u la kad noh ïa ka hima Israel na me ha kane ka sngi, bad u la aiti noh ïa ka ha uwei u paramarjan jong me, uba kham bha ïa me.

1 SAMUEL 17:43

Bad uta u Philistia u la ong ha u Dabid, “Nga, nga long u ksew, ba me wan ha nga da u diengduh?” Bad uta u Philistia u la tim ïa u Dabid da ki blei jong u.