2 SAMUEL 3:39 - KA BAIBL

³⁹ Ma nga te la la thung syiem ruh ïa nga, nga long uba tlot ha kane ka sngi; bad kine ki rangbah, ki khun ka Seruïah ki kham eh ïa nga: to U Trai un ai nong ïa u nongleh sniew katba kum ka jingbymman jong u.”

Khasi CL Bible (BSI)

³⁹ Wat la nga long u syiem uba la jied da U Blei, nga sngewtlot mynta ka sngi. Kine ki khun shynrang jong ka Seruïah ki long ka jingma ïa nga. To U Trai un pynshitom ïa kine ki nongkamsniew kumba ki dei ban ïoh!”

2 SAMUEL 3:39 ပူးပေါင်းရင်းမြစ်များ

2 SAMUEL 16:10

Te u syiem u la ong, “Ngan rat donkam aïu bad phi, phi ki khun u Seruïah? Namar ba u tim noh, bad namar U Trai u la ong ïa u, ‘To tim ïa u Dabid’; uei uba nud ong, ‘Balei me la leh kumne?’ ”

2 SAMUEL 19:13

To ong ha u Amasa ruh, ‘Me mem long ka shyieng jong nga bad ka doh jong nga? U Blei un leh kumne ïa nga, bad un pyntam ruh, lada me men ym long kaptan u paidïapom ha khmat jong nga ha la ka sngi ha ka jaka u Joab.’ ”

2 SAMUEL 19:22

Te u Dabid u la ïathuh, “Nga donkam aïu bad phi, phi ki khun ka Seruïah, ba phin long ki nongïaleh pyrshah ïa nga ha kane ka sngi? hato yn pynïap ïa uno uno ha Israel ha kane ka sngi? namar nga tip ne em ba ha kane ka sngi nga long u syiem halor ki Israel?”

2 SAMUEL 3:38

Bad u syiem u la ong ha la ki shakri, “Balei, phim tip ba u nongïalam bad u rangbah u bakhraw batri u la kyllon ha Israel ha kane ka sngi?

1 SYIEM 2:32

Te U Trai un pynphai ïa ka snam jong u halor ka khlieh jong u hi, namar u la ktah kti ïa ki ar ngut ki rangbah kiba kham hok bad kham bha ban ïa u, bad u la pynïap ïa ki da ka waitlam, te u Dabid u kpa jong nga um shym da tip ïa kata, kita, u Abner u khun u Ner, u kaptan ki paidïapom ki Israel, bad u Amasa u khun u Jether, u kaptan ki paidïapom ki Judah.

1 SYIEM 2:9

Te mynta wat kheiñ ïa u uba khlem pop, naba me long u briew bastad; bad me tip kaei me dei ban leh ïa u, bad men pynhiar ïa ka khlieh 'ñiuhlieh jong u bad ka snam sha ka jingtep.”

1 KHRONIKL 22:5

Bad u Dabid u la ong, “U Solomon u khun jong nga u dang samla bad u dang lung ka met, bad kata ka ïing ka ban thaw ïa U Trai kan long kaba khraw shibun eh, kaba donnam donburom ha ki ri baroh sawdong: namar kata, ngan khreh hi ïa ka.” Kumta, u Dabid u la taïar kyrhai katba um pat ïap.

1 KHRONIKL 29:1

Ynda kumta, u Dabid syiem u la ong ha u paidbah baroh, “U Solomon u khun jong nga, ïa uba U Blei u la jied tang ïa u hi, u long uba dang samla, bad uba dang lung, te ka kam ka long kaba khraw: naba ka ïingbah kam long ïa u briew, hynrei, ïa U Trai U Blei.

2 KHRONIKL 13:7

Bad la ïalum ha u ki 'riewthala, ki khun u Belial keiñ, kiba la pyneh ïa lade ban ïaleh ïa u Rehoboam u khun u Solomon, mynba u Rehoboam u dang khynnah bad jemnud, te um lah ban ïaleh ïa ki.

SALM 101:8

Man la ka step ngan pynduh noh ïa ki bymman baroh jong ka ri; ïa ka ban ot noh ïa ki nongleh bymman baroh na ka nongbah U Trai.

SALM 28:4

To ai ha ki katba kum ka kam jong ki, bad katba kum ka jingbymman ki jingleh jong ki: to ai ha ki katba kum ka jingtrei ki kti jong ki; to ai ha ki ka bainong hok jong ki.

SALM 62:12

ka jong me ruh, A Trai, ka jingisynei ka long: naba men ai ha u briew baroh katba kum ki jingleh jong u.

SALM 7:16

Ka jingsniew jong u kan wan ngat halor ka khlieh jong u hi, bad ka jingleh-jubor jong u kan hiar ha ka lyngkyrwiang khlieh jong u hi.

SALM 75:10

Ïa ki reng baroh jong ki bymman ruh ngan ot noh; hynrei, ïa ki reng jong ki bahok yn kyntiew.

EKSODOS 21:12

“Uta uba shoh ïa u briew, katba un ïap, yn pynïap shisha ïa u.

PROBERB 20:8

U syiem uba shong ha ka khet bishar u pynher noh ïa ka jingsniew baroh da la ki khmat.

PROBERB 25:5

to shim noh ïa u bymman na khmat u syiem, te ïa ka khet jong u yn pynskhem ha ka hok.

ISAÏAH 3:11

Kordit ïa u bymman! u un sniew; namar ïa ka bainong ki kti jong u yn ai ha u.

ISAÏAH 7:4

men ong ruh ha u, ‘To sumar ïa lade, bad shong khop; to wat sheptieng, bad wat ai la ka dohnud ban sngewsyier namar kine ki ar tylli ki tdong ki jingtbeh ding ba-tdem, namar ka jingbitar u Resin bad ka Syria, bad u khun u Remaliah.

JEREMAÏAH 38:5

Te u Sedekaïah u syiem u la ong, “Ha khmih, u don ha ka kti jong phi: naba u syiem um long uba lah ban leh ei ei pyrshah ïa phi.”

DANIEL 6:16

Ynda kumta, u syiem u la hukum, bad ki la wallam ïa u Daniel, bad ki la bred noh ïa u hapoh ka krem ki sing. Te u syiem u la kren bad u la ong ha u Daniel, “U Blei jong me ïa uba me shakri khlem da pud, un pynim ïa me.”

JINGKHEIÑ 32:23

Hynrei, lada phin ym leh kumne, ha khmih, phi leh pop ïa U Trai: bad to tip skhem ruh ba ka pop jong phi kan lap ïa phi.

Ka Shithi U Paul Sha Ki Nong Rom 13:4

namar uta u long u shakri U Blei khnang ïa ka ban pynbha ïa me. Hynrei, lada men leh ïa ka basniew, to sngewshyrkhei me; namar um ju rah lehnohei keiñ ïa ka waitlam; namar u long u shakri U Blei, u nongpynhiar kput keiñ khnang ïa ka jingpynshitom ha uta uba leh ïa ka basniew.

2 TIMOTHI 4:14

U Aleksander, uta u nongtrei tama, u la leh sniew shibun ïa nga; U Trai un ai ha u katba kum ki jingleh jong u;

NONGBISHAR 9:57

bad baroh ka jingbymman ki rangbah Shekhem U Blei u la pynhiar kput halor ki khlieh jong ki: bad ka jingtim u Jotham u khun u Jerubbaal ka la wanhap halor jong ki.