2 SAMUEL 3:29 - KA BAIBL

²⁹ to kan hap keiñ ha ka khlieh u Joab, bad ha ka ïing u kpa jong u baroh: bad wat ai ban duh na ka ïing u Joab u bapang liat ksuit, lane u bapang 'thohlieh, lane uba shan ha u diengduh, lane uba hap da ka waitlam; lane u bakyrduh kpu.”

Khasi CL Bible (BSI)

²⁹ To ka jingpynshitom na ka bynta kane kan hap halor u Joab bad ka longïing jong u baroh! Ha kawei pa kawei ka pateng to yn don u shynrang ha ka longïing jong u, uba don ka jingpang 'ñiangkulia lane ka jingpang 'ñiangthohlieh kaba shyrkhei lane uba hap ban trei tang ïa ka kam ba trei ki kynthei lane uba shah pynïap ha ka thma lane uba kyrduh bam!”

2 SAMUEL 3:29 ပူးပေါင်းရင်းမြစ်များ

2 SAMUEL 1:16

U Dabid te u la ong ha u, “To ka snam jong me kan long halor ka khlieh jong me; naba ka shyntur jong me hi ka la phla sakhi pyrshah ïa me, ka la ong, ‘Nga la pynïap ïa uba la sleh jong U Trai.’ ”

2 SAMUEL 16:8

U Trai u la pynphai halor jong me ïa kata ka snam ka ïing u Saul baroh, uba me la synshar ma me ha ka jaka jong u; bad U Trai u la ai noh ïa ka hima ha ka kti u Absalom u khun jong me; bad ha khmih, me la ngat ha la ka jong ka pop, namar ba me long u briew uba bit snam.”

2 SAMUEL 3:28

Hadien kata, te u Dabid u la ïohsngew, bad u la ong, “Ma nga bad ka hima jong nga ngi khuid keiñ ha khmat U Trai junom na ka snam u Abner u khun u Ner:

2 SYIEM 5:1

Te u Naaman, u rangbah u paidïapom u syiem ka Syria, u la long u briew bakhraw ha khmat u kynrad jong u, bad uba donburom, namar da u, U Trai u la ai ka jingjop ha ka Syria: u la long ruh u briew bakhrawbor eh, hynrei, uba sa 'ñiangthohlieh.

2 SYIEM 5:27

Namar kata, ka pang 'ñiangthohlieh u Naaman kan bit ha me, bad ha u symbai jong me junom.” Bad u la leit mih noh na khmat jong u, u bapang 'ñiangthohlieh, lieh kat ka ïor.

SALM 7:17

Ngan ainguh ha U Trai katba kum ka hok jong u: bad ngan rwai ka jingïaroh ha ka kyrteng U Trai U Bahakhlieh Tam Eh.

EKSODOS 21:19

lada un da khie pat, bad ba u da ïaid kai da la u diengduh, te uta u nongshoh un ïohlait: tangba, un buria ïa ka por ba u la duh, bad ba un pynkhiah bha pat ïa u ruh.

LEBITIKOS 15:2

“To kren ha ki khun Israel, bad to ïathuh ha ki; Haba uno uno u briew u don ka jingliat ksuit na ka doh jong u, un long bymkhuid namar kata ka jingliat ksuit jong u.

JINGKHEIÑ 35:33

Ba phin ym pyntngit sang ïa ka ri ha kaba phi shong: namar kane ka snam kan pyntngit sang ïa ka khyndew: bad yn ym lah pynkhuid ïa kata ka khyndew na kata ka snam ïa kaba la theh ha ka, hynrei, tang da ka snam jong uta uba la theh ïa ka.

KI KAM 28:4

Te mynba kita ki nongkyndong ki la ïohi ïa uta u mrad ba u sdien na ka kti jong u, ki la ïa-ong paralok, “Khlem artatien une u briew u long u nongpynïap briew, uba, la u la ïohlait na ka duriaw, ka kput kam shym la shah ba un im.”

DEUTERONOMI 21:6

te ki tymmen basan jong kata ka nongbah baroh, kaba kham jan ïa uta ba la pynïap, kin thet ïa la ki kti halor kata ka masi lud ba la khrai khlieh ha kata ka them;

JINGPYNPAW 16:6

naba ki la ïa-pynmih noh ïa ka snam ki riewkhuid bad ki nongïathuhlypa, te me la ai ha ki ka snam ban dih: namar ki la kop hi kumta.”

NONGBISHAR 9:24

khnang ba ka jingleh runar ïa ki hynñiewphew ngut ki khun u Jerubbaal kan ïoh wan, bad ba yn tei ïa ka snam jong ki halor u Abimelekh u para jong ki, uba la pynïap ïa ki, bad halor ki nong Shekhem, kiba la ai bor ïa ki kti jong u ban pynïap ïa la ki para.