2 SAMUEL 3:16 - KA BAIBL

¹⁶ Bad uta u tnga jong ka u la leit on ïa ka, u da leit u da ïam ruh hadien jong ka haduh Bahurim. Hangta u Abner u la ong ha u, “Khie leit wan noh:” u ruh u la leit wan noh.

Khasi CL Bible (BSI)

¹⁶ U Paltiel u leit bud ïa ka haduh ka nongrit Bahurim, u da ïam katba u dang leit. Hynrei u Abner u ong, “Khie leit noh sha ïing,” bad u leh kumta.

2 SAMUEL 3:16 ပူးပေါင်းရင်းမြစ်များ

2 SAMUEL 16:5

Te haba u syiem Dabid u la poi haduh Bahurim, ha khmih, la mih nangta uwei u briew uba na ka kur ka ïing u Saul, uba kyrteng “u Shimei”, u khun u Gera: une te u la wan mih, u da tim ïaïaid.

2 SAMUEL 17:18

Hynrei, uwei u samla u la ïohi ïa ki, bad u la ïathuh ha u Absalom: te ki la leit noh kloi baroh ar ngut, bad ki la wan sha ïing uwei u briew ha Bahurim, uta te u la don ka pukri ha la ka phyllaw; bad ki la hiar sha kata.

2 SAMUEL 19:16

Bad u Shimei u khun u Gera, u nong Benjamin, uba na Bahurim, u la pynkloi bad u la wan hiar lem bad ki rangbah Judah ïa ka ban tan ïa u syiem Dabid.

2 SAMUEL 19:17

Bad ki la don lem bad u shi hajar ki rangbah Benjamin, bad u Siba ruh uta u shakri ka ïing u Saul, bad la ki khun shynrang khatsan ngut bad la ki shakri arphew ngut lem bad u; bad ki la leit sha shiliang ka Jordan ha khmat u syiem.

2 SAMUEL 23:31

u Abi-albon u nong Arbath, u Asmabeth u nong Barhum;

2 SAMUEL 3:15

Bad u Ishbosheth u la phah, bad u la shim noh ïa ka na u tnga jong ka, na u Phaltiel u khun u Laish keiñ.

1 SYIEM 2:8

Te, ha khmih, don bad me u Shimei u khun u Gera, u nong Benjamin, na Bahurim, uba la tim ïa nga da ka jingtim kaba jur ha kata ka sngi mynba nga la leit sha Mahanaim: hynrei, u la wan hiar ban tan ïa nga ha Jordan, bad nga la smai ha u da U Trai, nga la ong, ‘Ngan ym pynïap ïa me da ka waitlam.’

JEREMAÏAH 41:6

Te u Ishmael u khun u Nethaniah u la mih noh na Mispah ban tan ïa ki, u da ïam baroh shilynter katba u la leit: te haba u la ïashem bad ki, u la ong ha ki, “Ale sha u Gedalaïah u khun u Ahikam.”