2 SAMUEL 3:14 - KA BAIBL

¹⁴ Bad u Dabid u la phah ïa ki nongkit-ktien ha u Ishbosheth u khun u Saul, u da ong, “Ai noh ha nga ïa ka tnga jong nga, ka Mikhal keiñ, ïa kaba nga la tehktien na ka bynta shispah tylli ki sher jong ki Philistia.”

Khasi CL Bible (BSI)

¹⁴ Bad u Dabid ruh u phah ïa ki nonglamktien sha u Ishbosheth ban ong, “Ai noh ha nga ïa ka Mikhal ka tnga jong nga. Nga la siew shispah tylli ki doh otsher jong ki Philistia ban shongkurim ïa ka.”

2 SAMUEL 3:14 ပူးပေါင်းရင်းမြစ်များ

2 SAMUEL 2:10

(U Ishbosheth u khun u Saul u la sawphew snem ka rta haba u la sdang ban synshar halor ki Israel, bad u la synshar ar snem.) Te ka ïing Judah ki la bud ïa u Dabid.

2 SAMUEL 3:15

Bad u Ishbosheth u la phah, bad u la shim noh ïa ka na u tnga jong ka, na u Phaltiel u khun u Laish keiñ.

2 SAMUEL 6:16

Te katba ka synduk U Trai ka la wan poi shapoh ka nongbah u Dabid, hangta ka Mikhal ka khun u Saul haba ka la khmih na ka jingkhang ïit, ka la ïohi ïa u syiem Dabid ba u da rynsied bad ba u da shad ha khmat U Trai; bad ka la beiñ ïa u ha la ka dohnud.

MATHAÏOS 1:18

Ka jingkha ïa U Jisu Khrist te ka la long kumne: Haba ka kmie jong u, ka Mari, ka la ïatehktien bad u Joseph, mynba kim pat ïashem, la paw ba ka la punkhun keiñ na U Mynsiem Bakhuid.

1 SAMUEL 18:25

Te u Saul u la ong, “Kumne phin ong ha u Dabid, ‘U syiem um kwah hi ïa ka jingaiseng, hynrei, tang ban ïoh shispah tylli ki sher ki Philistia, ba yn pynhiar kput halor ki nongshun u syiem.’ ” Hynrei, u Saul u la thew khnang ban pynïap ïa u Dabid da ka kti ki Philistia.

1 SAMUEL 18:27

bad u Dabid u la ïeng bad u la leit, ma u bad ki briew jong u, bad u la pynïap ïa arspah ngut ki Philistia; bad u Dabid u la wallam ïa ki sher jong ki, bad u la ai noh biang biang ïa ki ha u syiem, ba un ïoh long u pyrsa kurim u syiem. Te u Saul u la ai kurim noh ïa ka Mikhal ka khun jong u ha u.

1 SAMUEL 25:44

Hynrei, u Saul u la lah ai ïa ka Mikhal ka khun jong u, kaba ka tnga u Dabid, ha u Phalti u khun u Laish, uba na Gallim.