2 SAMUEL 24:16 - KA BAIBL

¹⁶ Te haba uta u angel u la kner ïa la ka kti sha Jerusalem ïa ka ban pynjot ïa ka, U Trai u la kylla-ka-bamut shaphang kane ka jingpynsniew, bad u la ong ha uta u angel uba pynjot ïa u paidbah, “Keiñ noh katto; to pynsangeh ïa la ka kti.” Te uta u angel U Trai u la don hajan ka kyntem u Araunah u nong Jebus.

Khasi CL Bible (BSI)

¹⁶ Haba u angel U Trai u la jan pynjot ïa ka Jerusalem, U Trai u la kylla ka jingmut ban pynshitom ïa ki briew bad u ong ha u angel uba pynïap ïa ki, “Sangeh! Ka la biang katto!” U angel u la don hajan ka jaka shoh kew jong u Araunah, u nong Jebus.

2 SAMUEL 24:16 ပူးပေါင်းရင်းမြစ်များ

JENESIS 10:16

bad ïa ki Jebus, bad ïa ki Amor, bad ïa ki Girgash,

JENESIS 6:6

Bad U Trai u la kylla-ka-bamut ba u la lah thaw ïa u briew ha ka pyrthei, bad la pynsngewsih eh ïa u ha la ka dohnud.

2 SAMUEL 24:18

Te u Gad u la wan ha u Dabid ha kata ka sngi, bad u la ong ha u, “Khie leit kiew, tei ka duwan ha U Trai ha kata ka kyntem u Araunah u nong Jebus.”

2 SAMUEL 5:8

Ha kata ka sngi, u Dabid u la ong, “Jar u ban pom ïa ki Jebus, to un leit kiew na kane ka nur um, bad un pom ïa kita ki ba-dkoh bad ïa ki bamatlah, kiba ka mynsiem u Dabid ka isih.” Namar kata, ki ïa-ong, “Ki bamatlah bad ki ba-dkoh ki hangta; um lah rung ruh shapoh ïing.”

1 SYIEM 19:4

Hynrei, u hi u la leit shi sngi lynti sha ka ri khlaw, te haba u la poi u la shong hapoh u dieng Ratam: bad u la duwai na ka bynta ïa lade ba un ïap noh; u la ong ruh, “Ka la biang katta; mynta A Trai, to shim noh ïa ka jingim jong nga; naba ngam long kham bha ban ïa ki kpa jong nga.”

2 SYIEM 19:35

Te ha kata ka miet, u angel U Trai u la mih noh, bad u la shoh ïap ha ka dara ki Assyria shispah phraphew san hajar ngut: te ynda ki briew ki la khie dang step ha kaba lashai, ha khmih, ki la long ki metïap baroh.

1 KHRONIKL 1:14

bad ïa ki Jebus, bad ïa ki Amor, bad ïa ki Girgash;

2 KHRONIKL 3:1

Ynda kumta, u Solomon u la sdang ban tei ïa ka ïing U Trai ha Jerusalem halor u lum Moraïah, ha kaba U Trai u la paw ha u Dabid u kpa jong u, kaba u la khreh ha kata ka jaka kaba u Dabid u la buh, ha ka kyntem jong u Ornan u nong Jebus.

2 KHRONIKL 32:21

Te U Trai u la phah ïa u angel, uba la pynïap ïa ki riewshlur badonbor baroh, bad ïa ki nongïalam bad ki kaptan, ha ka jaka shong dara u syiem ka Assyria. Kumta, u la leit phai sha la ka ri da ka khmat balehrain. Te haba u la poi hapoh ka ïing u blei jong u, kita kiba la mih na ka kpoh jong u hi ki la pynïap ïa u hangta da ka waitlam.

SALM 135:14

Naba U Trai un bishar ïa la ki briew, bad un kylla-ka-bamut shaphang la ki shakri.

SALM 35:6

Ai ba ka lynti jong ki kan long dum bad btuit, bad u angel U Trai u da beh nadien jong ki.

SALM 78:38

Ma u, hynrei, namar ba uba isynei eh, u la map ïa ka jingleh bymman jong ki, bad um shym pynduh noh ïa ki; bunsien ruh u la pynphai noh ïa la ka jingbitar, bad um shym pynkynroi ïa la ka jingbitar baroh.

SALM 90:13

To phai, A Trai; slem katno? bad to kylla-ka-bamut shaphang ki shakri jong me.

EKSODOS 12:13

Kata ka snam te kan sa long ka dak ïa phi ha ki ïing ha kiba phi don: bad haba nga ïohi ïa kata ka snam, ngan ïaid palat ïa phi, bad kata ka jingpynïap kan ym long ïa ka ban pynjot ïa phi, haba nga shoh ïap ïa ka ri Ijipt.

EKSODOS 12:23

Naba U Trai un sa ïaid lyngba ïa ka ban shoh ïap ïa ki Ijipt; te haba u ïohi ïa kata ka snam ha khlieh jingkhang, bad ha baroh ar liang ki shawkad, U Trai un ïaid palat ïa kata ka jingkhang, bad un ym shah ïa uta u nongpynjot ban wan hapoh ki ïing jong phi ïa ka ban pynjot.

EKSODOS 32:14

Ynda kumta, U Trai u la kylla noh na kata ka basniew ïa kaba u la thmu ban leh ha u paidlang jong u.

EKSODOS 9:28

To kyrpad ïa U Trai; naba katne ki la biang ki pyrthat U Blei bad u phria; te ngan pyllait noh ïa phi, bad phin ym shong shuh.”

ISAÏAH 27:8

Da kaba thew, haba me phah noh ïa ka, me ïaleh bad ka; u la pynkynriah ïa ka da la ka jingbeh lyer bajur ha ka sngi ka 'er mihngi.

ISAÏAH 57:16

Naba ngan ym ïaleh ha la ka rta, lymne ngan ym sngewbitar junom: namar ka mynsiem kan da duh noh ha khmat jong nga, bad kita ki mynsiem kiba nga la pynlong.

JEREMAÏAH 26:19

“Hato u Hesekaïah u syiem ka Judah bad ki Judah baroh ki la pynïap ïa u? U la sheptieng ne em ïa U Trai, bad u la kyrpad ne em ïa ka jingisynei U Trai, bad U Trai u la kylla-ka-bamut na kata ka jingsniew kaba u la kren pyrshah ïa ki? Kumne ngi la leh sniew pyrshah ïa la ki jong ki mynsiem.”

JEREMAÏAH 42:10

‘Lada phin dang shong ha kane ka ri, te ngan tei ïa phi, bad ngan ym pynkyllon ïa phi, bad ngan thung ïa phi, te yn ym rat noh: namar nga kylla-ka-bamut na ka jingsniew kaba nga la leh ha phi.

AMOS 7:3

U Trai u la kylla-ka-bamut shaphang kane: “Kan ym long keiñ,” ong U Trai.

AMOS 7:6

U Trai u la kylla-ka-bamut shaphang kane: “Kane ruh kan ym long,” ong U Trai U Blei.

HABAKKUK 3:2

“A Trai, nga la ïohsngew ka jingbna shaphang jong me, te nga la sheptieng: A Trai, to pynim ïa la ka kam hapdeng kine ki snem, hapdeng kine ki snem to pynbna ïa ka; ha ka jingbitar to kynmaw ïa ka jingisynei.”

SEKHARAÏAH 9:7

Bad ngan shim noh ïa ka snam jong u na ka shyntur jong u, bad ka jingijli jong u napdeng ki bniat jong u; bad u ruh, un long ka bynta ba sah ïa U Blei jong ngi: bad un long kum u nongïalam ha Judah, bad ka Ekron kum u nong Jebus.

MARKOS 14:41

U la wan ruh ka balai sien, bad u ong ha ki, “Phi nang thiah mynta? phi nang jahthait ruh? keiñ noh! la jia ka por, ha khmih, la die noh ïa U Khun u briew ha ki kti ki nongpop.

KI KAM 12:23

Te kumne kumne u angel U Trai u la shoh ïa u, namar um shym la ai ka burom ha U Blei; te la bam ka ksaiñ ïa u, bad u la dkut mynsiem noh.

1 KORINTH 10:10

Lymne wat ïakhñium phi, kumba kiba na ki jong kita ruh, ki la ïakhñium, bad la pynjot noh khoit ïa ki da uta uba pynjot.

2 KORINTH 2:6

Ka la biang ïa uta u briew kane ka jingpynshitom ïa kaba la leh da kita kiba bun.

JOSHUA 15:63

Hynrei, ki khun u Judah kim shym lah ban beh ïa ki Jebus, kiba shong ha Jerusalem: hynrei, ki Jebus ki shong ryngkat bad ki khun u Judah ha Jerusalem, haduh kane ka sngi.

NONGBISHAR 1:21

Bad ki khun u Benjamin kim shym la beh noh ïa ki Jebus kiba shong ha Jerusalem: hynrei, ki Jebus ki la shong lem bad ki khun u Benjamin ha Jerusalem haduh kane ka sngi.

NONGBISHAR 19:11

Ynda ki la poi hajan Jebus, ka la noh eh ka sngi; te uta u shakri, u la ong ha la u kynrad, “Ale, nga kyrpad ïa me, to ngin phai sha kane ka shnong ki Jebus, bad ngin thiah basa ha ka.”

1 SAMUEL 15:11

“Nga la kylla-ka-bamut ïa kaba nga la thung syiem ïa u Saul: namar u phai dien noh na kaba bud ïa nga, bad um shym pyndep ïa ki hukum jong nga.” Te u Samuel u la sngewsih eh; bad u la lynñiar ha U Trai baroh shi miet.