2 SAMUEL 24:10 - KA BAIBL

¹⁰ Te ka dohnud u Dabid ka la shoh ïa u, hadien ba u la kheiñ ïa u paidbah. Bad u Dabid u la ong ha U Trai, “Nga la leh pop shikatdei ha kaba nga la leh: hynrei mynta, A Trai, nga kyrpad ïa me, to pyndam noh ïa ka jingleh bymman u shakri jong me; naba nga la leh bieit eh.”

Khasi CL Bible (BSI)

¹⁰ Hynrei hadien ba u Dabid u la dep shim ïa ka jingkheiñbriew, ka jingïatiplem jong u ka la sdang ban pynshitom ïa u, bad u ong ha U Trai, “Nga la leh ïa ka pop kaba shyrkhei ha kaba leh ïa kane! Sngewbha map ïa nga. Nga la leh bieit.”

2 SAMUEL 24:10 ပူးပေါင်းရင်းမြစ်များ

2 SAMUEL 12:13

Te u Dabid u la ong ha u Nathan, “Nga la leh pop ïa U Trai.” U Nathan te u la ïathuh ha u Dabid, “U Trai ruh u la pyndam noh ïa kata ka pop jong me; men ym ïap keiñ.

2 SAMUEL 24:17

U Dabid te u la kren ha U Trai haba u la ïohi ïa uta u angel uba la shoh ïa u paidbah, bad u la ong, “Ha khmih, nga, nga la leh pop, bad nga, nga la leh kiat: hynrei, kine ki langbrot, ki la leh aïu kine? nga kyrpad ïa me, to ka kti jong me kan long halor jong nga, bad halor ka ïing u kpa jong nga.”

1 SYIEM 8:35

“Haba la khang khop ïa ka bneng, bad ym don slap shuh, namar ki la leh pop ïa me; lada ki duwai sha kane ka jaka, bad ki phla ïa ka kyrteng jong me, bad ki phai na la ka pop, haba me pynjynjar ïa ki:

1 KHRONIKL 21:7

Bad U Blei u la sngewsih ïa kane ka kam; namar kata, u la shoh tangon ïa ki Israel.

1 KHRONIKL 21:8

Bad u Dabid u la ong ha U Blei, “Nga la leh pop shibun eh, ha kaba nga la leh ïa kane ka kam: hynrei, mynta, nga kyrpad ïa me, to pyndam noh ïa ka jingleh bymhok u shakri jong me; namar nga la leh bieit shibun eh.”

2 KHRONIKL 16:9

Namar ki khmat jong U Trai ki shad kylleng ha ka pyrthei baroh, ban pynkhlaiñ ïa lade bad kita kiba ka dohnud jong ki ka janai ha u. Ha kane, me la leh bieit; namar naduh mynta men sa ïoh ki thma.”

2 KHRONIKL 32:26

La kumta ruh, u Hesekaïah u la pynrit ïa lade namar ka jingsarong ka dohnud jong u, ma u bad kiba shong ha Jerusalem ruh, kumta, ka jingbitar U Trai kam shym la wan halor jong ki ha ki sngi u Hesekaïah.

Ka Kitab U Job 7:21

Bad balei ba mem map ïa ka jingryngkang jong nga, bad shim noh ïa ka pop jong nga? naba mynta ngan thiah ha ka khyndew; bad men wad biang biang ïa nga, hynrei, ngan ym long shuh.”

SALM 32:5

Nga la phla ïa la ka pop ha me, bad ïa la ka jingbymhok ngam shym buhrieh: nga la ong, “Ngan phla ïa la ki jingpalat ha U Trai;” te me la map ïa ka jingbymhok ka pop jong nga. Selah.

EKSODOS 10:16

Ynda kumta, u Pharaoh u la khot ïa u Moses bad ïa u Aaron da kaba kyrkieh; bad u la ong, “Nga la leh pop ïa U Trai U Blei jong phi, bad ïa phi ruh.

PROBERB 28:13

Uta uba tap ïa la ki jingpalat un ym man bha: hynrei, jar uba phla bad ba iehnoh noh ïa ki un ïoh ka jingisynei.

HOSIA 14:2

Shim ki ktien bad phi, to phai ruh sha U Trai: ong ha u, “To shim noh ïa ka jingbymhok baroh, bad to pdiang ïa kata ka babha: te ngin ai kum ki masi kyrtong ïa ki jingainguh ki rmiang shyntur jong ngi.

JOEL 2:12

“La kumta ruh wat mynta hi,” ong U Trai, “to phai ha nga da la ka dohnud baroh, bad da ka jingshah jingit, bad da kaba ïam, bad kaba ïam sngewsih:

JINGKHEIÑ 12:11

U Aaron te u la ong ha u Moses, “A ko kynrad jong nga, nga kyrpad ïa me, to wat pynkit halor jong ngi ïa kane ka pop, ha kaba ngi la leh bieit, bad ha kaba ngi la leh palat ruh.

MARKOS 7:22

kiba tuh, kiba kurup, kiba pynsniew, kaba arsap, kaba nuti, kaba khwan lalot, kaba khmih sniew, kaba krenbeiñ, kaba sngewkhraw, bad kaba leh bieit:

ÏOANNIS 1:29

Ha kaba lashai, u Ïoannis u ïohi ïa U Jisu ba U wan ha u, bad u ong, “Ha khmih, U Khun langbrot jong U Blei, uba kit noh ïa ka pop ka jong ka pyrthei!

ÏOANNIS 8:9

Ki te, haba ki la ïohsngew, bad ba ki da sngewkynduh, ki la mih noh uwei pa uwei, ki da sdang naduh kiba kham tymmen haduh ki bakhatduh: te la iehnoh marwei ïa U Jisu bad kata ka briew kaba dang ïeng hapdeng.

DEUTERONOMI 32:6

Kumne mo phi siew kylliang ïa U Trai, A u paidlang ba-bieit bad bymnang? um long ma U, U kpa jong me uba la siewspah ïa me? Um shym la thaw ïa me, bad la pynneh ïa me?

TITOS 3:3

Namar ngi ruh, ngi la long mynno mynno ki babieit, ki bymkohnguh, kiba la shah shukor, kiba shong mraw ha ki bun jaid ki jingkwah brai bad ki jingsngewbha, kiba im ha ka jingsniew bad ka jingbishni, kiba isih, kiba ïashun paralok.

1 ÏOANNIS 1:9

Lada ngi phla ïa ki pop jong ngi, u long uba ïaineh bad u bahok, ban map noh ïa kita ki pop jong ngi bad ban pynkhuid ïa ngi na ka bymhok baroh.

1 SAMUEL 13:13

Te u Samuel u la ong ha u Saul, “Me la leh bieit: mem shym la sumar ïa ka hukum U Trai uba U Blei jong me, ïa kaba u la hukum ïa me: namar U Trai toi un da pynskhem mynta ïa ka jinglong syiem jong me halor ki Israel junom.

1 SAMUEL 24:5

Hadien kata, ka dohnud u Dabid ka la dung ïa u, namar ba u la ot noh ïa ka rmiang barandi u Saul.

1 SAMUEL 24:6

Bad u la ïathuh ïa la ki rangbah, “To U Trai un khang ba ngan leh ïa kane ïa la u kynrad, ïa uba la sleh jong U Trai, kat ban rah ïa la ka kti pyrshah ïa u, haba u long ïa uba la sleh jong U Trai.”

1 SAMUEL 26:21

Ynda kumta, u Saul u la ong, “Nga la leh pop; to wan phai noh, ko Dabid u khun jong nga: namar ngan ym pynsniew shuh ïa me, naba ka jingim jong nga ka la long ka bakordor ha khmat jong me ha kane ka sngi: ha khmih, nga la leh bieit, bad nga la leh bakla shikatdei.”