2 SAMUEL 23:5 - KA BAIBL

⁵ “Shisha ka ïing jong nga kam long kumta bad U Blei, pynban, u la pynlong ka jutang kaba junom bad nga, ba la buh pynbeit ha kiei kiei baroh, bad kaba skhem: namar ba ka long ka jingpynim jong nga baroh, bad ka jingkwah jong nga baroh, la um pynman ïa ka.

Khasi CL Bible (BSI)

⁵ Bad kata ka long kumno ba U Blei un kyrkhu ïa ki khun ki ksiew jong nga namar u la pynlong bad nga ka jutang ka ban neh junom, ka jingïateh kular ka ban ym lah pynkheiñ ka jingkular ka ban ym kylla. Kata baroh ka dei kaba nga angnud; kata kan long ka jingjop jong nga, bad U Blei da kaba thikna un pynurlong ïa ka.

2 SAMUEL 23:5 ပူးပေါင်းရင်းမြစ်များ

JENESIS 9:16

Bad kata ka ryntieh kan long ha uta u lyoh; nga te ngan khmih ïa ka, ïa ka ban kynmaw ïa ka jutang ka bymjukut hapdeng U Blei bad kiei kiei ki kynja ba-im baroh na ka doh baroh katba don ha ka pyrthei.”

2 SAMUEL 12:10

Mynta te namar kata, ka waitlam kan ym iehnoh ïa ka ïing jong me lano lano ruh; namar ba me la beiñ ïa nga, bad ba me la shim ïa ka tnga u Uriah, u kynja Hit ban long ka tnga jong me.’

2 SAMUEL 13:14

La kumta ruh, um treh ban sngap ïa ka ktien jong ka; hynrei, ba u kham khlaiñ ïa ka, u la leh jubor ïa ka, bad u la thiah bad ka.

2 SAMUEL 13:28

Te u Absalom u la hukum ïa la ki shakri, u da ong, “To khmih thuh te, haba ka dohnud u Amnon ka la kmen da ka Waiñ; bad haba ngan ong ïa phi, ‘To shoh ïa u Amnon’, hangta te to pynïap ïa u, wat sheptieng: balei, ngam shym hukum ïa phi? leh rangbah keiñ, bad to long kiba shlur ruh.”

2 SAMUEL 18:14

Hangta u Joab u la ong, “Nga ngam lah ïeng shuh kumne bad me.” Te u la shim lai tylli ki sum ha la ka kti, bad u sum ïa ki lyngba ïa ka dohnud u Absalom, haba u dang im hapdeng uta u dieng Sning.

2 SAMUEL 7:12

Haba la pynkut noh ïa ki sngi jong me, bad ba me la ïohthiah noh bad ki kpa jong me, ngan pynïeng ïa u symbai jong me hadien jong me, u ban mih noh na ka kpoh jong me, bad ngan pynskhem ïa ka jinglong syiem jong u.

2 SAMUEL 7:18

Ynda kumta, u syiem Dabid u la leit bsut, bad u la shong ha khmat U Trai; bad u la ong, “Nga, nga long uei, A Trai U Blei, bad ka ïing jong nga ka long aïu, ba me la wallam ïa nga haduh hangne?

1 SYIEM 1:5

Ynda kumta, u Adonijah u khun ka Haggith u la pynpaw khmat ïa lade, u da ong, “Ngan long syiem ma nga”: te u la pynkhreh ki kali bad ki nongshong kulai, bad sanphew ngut ki rangbah ban mareh ha shuwa jong u.

1 SYIEM 11:38

Te lada men shahshkor ïa kaba nga hukum ïa me baroh, bad men ïaid ha ki lynti jong nga, bad men leh ïa kata kaba dei ha ki khmat jong nga, ban sumar ïa ki aiñ bad ki hukum jong nga, kumba u Dabid u shakri jong nga u la leh; ngan long ryngkat bad me, bad ngan tei ïa me ka ïing kaba skhem, kumba nga la tei ïa u Dabid, bad ngan ai ïa ki Israel ha me.

1 SYIEM 12:14

bad u la kren ha ki kum ka jingpyni ki samla, u da ong, “U kpa jong nga u la pynkhia ïa ka lyngkor jong phi, hynrei, nga ngan nang pyntam shuh ïa ka lyngkor jong phi: u kpa jong nga u la pynshitom ïa phi da ki dieng sympat, hynrei, nga, ngan pynshitom ïa phi da ki shabuk.”

SALM 111:9

U la phah ïa ka jingpynim ïa la ki briew; u la hukum ïa la ka jutang junom: ka bakhuid bad kaba itieng long ka kyrteng jong u.

SALM 119:81

Ka mynsiem jong nga ka thrang khait ïa ka jingpynim jong me: hynrei, nga kyrmen ha ka ktien jong me.

SALM 27:4

Ïa kane kawei nga la kyrpad na U Trai, ïa kata ngan ïawad; ba ngan ïoh shong ha ka ïing U Trai baroh ki sngi ka rta jong nga, ïa ka ban khmih ïa ka jingitynnad U Trai, bad ban ïakylli ha ka templ jong u.

SALM 62:2

Tang ma u uba long u mawsiang jong nga bad ka jingpynim jong nga: u long ka kut bajrong jong nga; yn ym pynkhih eh ïa nga.

SALM 89:3

Nga la teh ïa ka jutang bad uba la jied jong nga, nga la smai ha u Dabid u shakri jong nga:

ISAÏAH 11:1

Te un mih u tnat lung na ka metbah u Jesse, bad u tnat na ki thied jong u un sei soh:

ISAÏAH 27:6

Ha ki sngi ban wan u Jakob un suhthied; u Israel un phuh bad un shylluit: te kin pyndap ïa ka khmat ka pyrthei da u soh.

ISAÏAH 4:2

Ha kata ka sngi, u tnat U Trai un long uba i bha, bad ba-donburom, bad u soh ka ri u babha eh bad ba-itynnad ïa kita kiba la ïohlait im ha Israel.

ISAÏAH 54:10

Namar ki lum kin leit noh, bad ki lum rit kin kynriah noh; hynrei, ka jingsbun jong nga kan ym leit noh na pha, lymne ka jutang ka jingsuk jong nga kan ym kynriah noh,” ong U Trai u ba-isynei ïa pha.

ISAÏAH 55:3

Pyndem la ka shkor, to wan ruh ha nga; to sngew, te ka mynsiem jong phi kan sa im: bad ngan pynlong bad phi ka jutang bymjukut, ki jingisynei baskhem jong u Dabid keiñ.

ISAÏAH 61:8

Namar nga U Trai nga ieit ïa ka jingbishar, nga isih ïa ka jingtuh bad ka bymhok; te ngan ai ïa ka nong jong ki ha ka jingshisha, bad ngan pynlong ka jutang ba ha la ka rta bad ki.

ISAÏAH 7:14

Namar kata, U Trai hi un ai ka dak ïa phi: Ha khmih, ka theisotti kan punkhun, kan kha ruh ïa u khun, yn khot ruh ïa ka kyrteng jong u, ‘u Immanuel.’

JEREMAÏAH 32:40

bad ngan thaw ka jutang bymjukut bad ki, ba ngan ym phai lyndet na ki, ïa ka ban leh bha ïa ki; bad ngan buh ïa ka jingsheptieng jong nga ha ka dohnud jong ki, ba kin ym kynriah noh na nga.

JEREMAÏAH 33:21

kumta te ïa ka jutang jong nga kaba bad u Dabid u shakri jong nga lah ban pynkheiñ, ba un ym don khun shynrang u ban synshar ha ka khet jong u: bad kaba bad ki Lebi kiba ki lyngdoh, ki shakri jong nga.

ESEKIEL 37:26

Ngan ïathaw ruh ka jutang ka jingsuk bad ki: kan long ka jutang bymjukut bad ki: bad ngan buh ïa ki, bad ngan pynroi ïa ki, bad ngan pynïeng ïa ka jaka kyntang jong nga hapdeng jong ki junom junom.

AMOS 9:11

“Ha kata ka sngi ngan pynïeng ïa Ka Tabernakl u Dabid kaba la kyllon, bad ngan pyndam ïa ki jingpynpei jong ka; bad ngan pynïeng pat ïa ki jingtwa jong ka, bad ngan tei pat ïa ki kumjuh kumba ha ki sngi mynbarim;

KI KAM 13:34

“Te shaphang ba u la pynmih pat ïa U na ki baïap, ban ym leit phai shuh sha kaba pyut, u la kren kumne: “ ‘Ngan ai ha phi ïa kita ki jingaiei bakhuid bad baskhem jong u Dabid.’

HEBRU 13:20

Te U Blei ka jingsuk uba la wallam pat na ki baïap ïa U Nongap u bakhraw ki langbrot, da ka snam ka jutang bymjukut, ïa U Jisu U Trai jong ngi keiñ,

HEBRU 6:19

ïa kaba ngi don kum ka angkor ïa ka mynsiem ba-neh den ruh bad baskhem, bad kaba leit bsut sha kata kaba hapoh ka jingkah;

1 SAMUEL 2:35

Bad ngan pynmih ha lade ïa u lyngdoh uba ngeit, u ban leh kat kaba don ha ka dohnud jong nga bad ha ka jingmut jong nga: bad ngan tei ïa ka ïing kaba skhem ha u; bad un ïaid ha khmat uba la sleh jong nga junom.

1 SAMUEL 25:28

To map, nga kyrpad ïa me, ïa ka jingpalat ka shakri jong me: namar U Trai da shisha un pynlong ka ïing kaba skhem ïa u kynrad jong nga, naba u kynrad jong nga u ïaleh ïa ki jingïaleh thma ki jong U Trai; bad yn ym shem ei ei ka basniew ha me baroh ki sngi jong me.