2 SAMUEL 23:3 - KA BAIBL

³ U Blei u Israel u la ong, U Mawsiang u Israel u la kren ha nga: ‘Uta uba synshar ïa ki briew da ka hok, uba synshar ha ka jingsheptieng ïa U Blei,

Khasi CL Bible (BSI)

³ U Blei ki Israel u la kren; u nongïada jong ki Israel u ong ha nga: “U syiem uba synshar da ka jinglehhok, uba synshar da kaba kohnguh ïa U Blei,

2 SAMUEL 23:3 ပူးပေါင်းရင်းမြစ်များ

JENESIS 33:20

Bad u la pynïeng ïa ka duwan hangta, bad u la khot kyrteng ïa ka, “ka El-Elohe-Israel.”

2 SAMUEL 22:32

“Naba uei uba long U Blei, hynrei, tang U Trai? bad uei uba long u mawsiang, hynrei, tang U Blei jong ngi?

2 SAMUEL 8:15

Bad u Dabid u la synshar halor ki Israel baroh: bad u Dabid u la leh ïa ka jingbishar bad ïa ka hok ïa ki briew jong u baroh.

1 SYIEM 10:9

Long ba la kyrkhu ïa U Trai U Blei jong me, uba ieit ïa me, ban buh ïa me halor ka khet ki Israel: namar U Trai u ieit junom ïa ki Israel, namar kata, u la pynlong syiem ïa me ban bishar bad ban leh hok.”

NEHEMAÏAH 5:14

Nalor kane ruh, naduh kata ka por ba la thung ïa nga u nongsynshar jong ki ha ka ri Judah, naduh ka snem ka ba-arphew haduh ka snem ka balaiphew ar u Artakserksis u syiem, kata ka long, khat-ar snem, ma nga bad ki para jong nga ngim shym la bam u kpu nongsynshar.

Ka Kitab U Job 34:17

Hato uta uba shun ïa ka hok un ïoh synshar? bad men pynrem ma me ïa uta u bahok bad u bakhrawbor?

SALM 110:2

U Trai un phah noh ïa u dieng ka bor na ka Seïon, “To synshar ma me hapdeng ki nongshun jong me.”

SALM 42:9

Ngan ong ha U Blei u mawsiang jong nga, “Balei ba me la klet noh ïa nga? Balei ba ngan leit ïaïam namar ka jingbanbeiñ u nongshun?”

SALM 72:1

A U Blei, to ai ha u syiem ïa ki jingbishar jong me, bad ïa ka hok jong me ha u khun u syiem.

SALM 72:2

Un bishar ïa ki briew jong me ha ka hok, bad ïa ki baduk jong me da ka jingbishar.

EKSODOS 18:21

Ruh putet, men jied na uta u paidbah baroh ïa ki briew kiba nang basian, ki basheptieng ïa U Blei, ïa ki briew keiñ ki bahok, kiba isih ïa ka jinglalot; men thung ruh kum kine halor jong ki, ba kin long ki nongsynshar ïa ki hajar, bad ki nongsynshar ïa ki spah, bad ki nongsynshar ïa ki sanphew, bad ki nongsynshar ïa ki phew.

EKSODOS 20:2

“Ma nga U Trai uba U Blei jong me, uba la wallam noh ïa me na ka ri Ijipt, na ka ïing ka jinglongmraw.

EKSODOS 3:15

Nalor kane U Blei u la ong ruh ha u Moses, “Kumne men ong ha ki khun Israel, ‘U Trai uba U Blei ki kpa jong phi, U Blei u Abraham, U Blei u Isaak, bad U Blei u Jakob ruh, u la phah ïa nga ha phi’: kane ka long ka kyrteng jong nga ha la ka rta, bad kane ka long ka jingpynkynmaw ïa nga sha ki pateng bynriew baroh.

PROBERB 31:9

To plie ïa la ka shyntur, to bishar hok, bad to leh ïa ka jingbishar ha u baduk bad u bakyrduh.”

ISAÏAH 32:1

Ha khmih, u syiem un synshar ha ka hok, bad ki nongsynshar kin synshar ha ka jingbishar.

JEREMAÏAH 23:5

“Ha khmih, ki sngi kin wan,” ong U Trai, “ba ngan pynmih ha u Dabid ïa U Tnat u bahok, te un synshar kum u syiem bad un leh stad, bad un leh ïa ka jingbishar bad ïa ka hok ha ka ri.

SEKHARAÏAH 9:9

“To leh kmen shikatdei, ko ka khun Seïon; to risa, ko ka khun Jerusalem: ha khmih, u syiem jong pha u wan ha pha: u long u bahok, bad uba don ka jingpynim; uba leh rit, bad uba shong halor u kadda, halor u khun kadda jong ka kadda keiñ.

DEUTERONOMI 32:4

“U Mawsiang, ka jingleh jong U ka bajanai; namar ki lynti jong U baroh ki long ka jingbishar: U Blei ka jingshisha bad khlem ka jingbymhok, u bahok bad uba beit u long.

HEBRU 1:8

Hynrei, shaphang uta U Khun, u ong: “Ka khet jong me, A Blei, ka long sha ki bymjukut ki bymjukut; bad u dieng synshar ka hima jong me u long u dieng synshar ka jinglehhok.