2 SAMUEL 23:1 - KA BAIBL

¹ Te kine ki long ki ktien ki bakhatduh ki jong u Dabid. U Dabid u khun u Jesse u ong, bad uta u briew ïa uba la kyntiew sha jrong u ong, uta uba la sleh jong U Blei u Jakob, bad u nongrwai babang jong u Israel:

Khasi CL Bible (BSI)

¹ U Dabid, u khun jong u Jesse, u la long u briew uba U Blei u la pynlong khraw, uba U Blei u Jakob u la jied ban long syiem bad u la long u nongthaw ïa ki jingrwai ba-bang na ka bynta ki Israel. Kine ki long ki kyntien khatduh jong u Dabid:

2 SAMUEL 23:1 ပူးပေါင်းရင်းမြစ်များ

JENESIS 49:1

Ynda kumta, u Jakob u la khot ïa la ki khun shynrang, bad u la ong, “To ïalang hajuh, ba ngan ïathuh ha phi kaei kan jia ïa phi ha ki sngi ki ban sa wan.

2 SAMUEL 22:34

U pynlong ïa ki kjat jong nga kum ki jong ki skei: bad u buh ïa nga ha ki jaka kiba jrong jong nga.

2 SAMUEL 22:51

Ïa ka jingpynim kaba khraw u ai ha u syiem jong u: bad u leh isynei ïa uta uba la sleh jong u, ïa u Dabid keiñ, bad ïa u symbai jong u junom.”

1 KHRONIKL 16:7

Te ha kata ka sngi, u Dabid, ka banyngkong eh u la pynlong ban ainguh ha U Trai, da ka kti u Asaph bad ki para jong u.

1 KHRONIKL 16:9

To rwai ha u, rwai ïa ki jingïaroh ïa u; to ïakren shaphang ki kam ki baphylla jong u baroh.

SALM 2:6

“Pynban, nga la thung ïa la u syiem halor ka Seïon, u lum bakyntang jong nga.”

SALM 72:20

La wai noh ïa ki jingduwai u Dabid u khun u Jesse.

SALM 89:20

Nga la shem ïa u Dabid u shakri jong nga; da la ka umphniang bakyntang nga la pynsleh ïa u:

SALM 89:21

Bad u yn pynskhem ïa ka kti jong nga; ka ksang'ti jong nga kan pynkhlaiñ ruh ïa u.

AMOS 6:5

kiba rwai ïa ki jingrwai ba thala ha ki sur jong ka bela; kiba thaw ha lade ïa ki jingtem bathymmai, kum u Dabid;

LOUKAS 20:42

Naba u Dabid hi u ong ha ka kitab ki Salm, “ ‘U Trai u la ong ha U Trai jong nga: Ma me to shong sha kamon jong nga,

LOUKAS 24:44

U la ong ruh ha ki, “Kine ki long kita ki ktien ïa kiba nga la kren ha phi, mynba nga dang don lem bad phi, ba ka dei ba yn pyndep ïa kiei kiei baroh, ïa kiba la thoh ha Ka Hukum u Moses bad ha Ki Nongïathuhlypa, bad ha Ki Salm de, shaphang jong nga.”

DEUTERONOMI 33:1

Kane te ka long kata ka jingkyrkhu, da kaba u Moses, uta u briew jong U Blei, u la kyrkhu ïa ki khun Israel mynshuwa ka jingïap jong u.

KOLOSSAI 3:16

Ai ba ka ktien U Khrist kan shong kyrhai hapoh jong phi ha ka jingstad baroh; da kaba hikai bad da kaba ïasneng paralok ha ki salm, ha ki jingrwai bad ha ki jingkynud bakynja mynsiem, da kaba rwai da ka jingaiei ha ki dohnud jong phi sha U Blei.

JAKOB 5:13

Don uno uno ruh uba shah shitom hapdeng jong phi? to un duwai. Don uno uno ruh uba sngewkmen? to un rwai ïaroh.

1 SAMUEL 17:12

Te u Dabid u la long u khun jong u nong Ephrath na Bethlehem Judah, uba kyrteng u Jesse; bad u la don phra ngut ki khun shynrang: te ha ki sngi u Saul, ïa une u briew la ñiew riewtymmen hapdeng ki briew.

1 SAMUEL 18:7

Te kita ki kynthei katba ki ïarwai ki la ïakren markylliang, bad ki la ïa-ong, “U Saul u la pynïap ïa la ki hajar, te u Dabid ïa la ki phew hajar.”

1 SAMUEL 2:10

Yn pynlwet jin ïa ki nongïaleh pyrshah ïa U Trai; na bneng un tied pyrthat pyrshah ïa ki: U Trai un bishar ïa ka bakut ka pyrthei; un ai bor ruh ha la u syiem, bad un pynkyntiew ïa ka reng jong uba la sleh jong u.”