2 SAMUEL 22:9 - KA BAIBL

⁹ Ka tdem ka la kiew na ki thliew khmut jong u, bad ka ding na ka shyntur jong u ka la bam duh: da ka, ka 'dewïong ka la meh ding.

Khasi CL Bible (BSI)

⁹ Ka tdem ka mih na ki thliew khmut jong u, bad ka ding ba bam duh bad ki rnga kiba rhem na ka shyntur jong u.

2 SAMUEL 22:9 ပူးပေါင်းရင်းမြစ်များ

2 SAMUEL 22:13

Na kata ka jingtyngshaiñ ka khmat jong u, ki rnga 'dewïong ki la meh.

2 SAMUEL 22:16

Ki trai jong ka duriaw ki la paw, ïa ki nongrim jong ka pyrthei la pynlyngkhuit, da ka jingsneng ka jong U Trai, da kaba beh ka jingpyrsad ki thliew khmut jong u keiñ.

Ka Kitab U Job 4:9

Da ka jingpyrsad U Blei ki jot noh, bad da ka jingpyrsad ka jingbitar jong U la bam duh ïa ki.

SALM 18:15

Hangta ki tynrai jong ki um ki la paw, bad ïa ki nongrim jong ka pyrthei la pynlyngkhuit, ha ka jingsneng jong me, A Trai, ha kaba beh ka jingpyrsad ki thliew khmut jong me.

SALM 18:8

Ka tdem ka la leit kiew na ki thliew khmut jong u, bad ka ding na ka shyntur jong u ka la bam duh: ïa ka 'dewïong la thang da ka.

EKSODOS 19:18

Bad u lum Sinai u la mih tdem baroh uwei, namar U Trai u la hiar halor jong u ha ka ding; bad ka tdem jong u ka la kiew kum ka tdem ka lawar ding, bad uta u lum baroh uwei u la khynñiuh eh.

EKSODOS 24:17

Ka jingkhmih ka burom U Trai te ka la long kum ka ding kaba bam duh ha khlieh uta u lum ha khmat ki khun Israel.

ISAÏAH 30:27

Ha khmih, ka kyrteng U Trai ka wan na sha jngai, ka da ing da ka jingbitar jong u, bad ha ka tdem barben ba kiew artet: ki rmiang shyntur jong u ki dap da ka jingkhih bitar, bad u thylliej jong u ruh u long kum ka ding babam duh:

ISAÏAH 30:33

Namar ïa ka Topheth la khreh la mynbarim; shisha keiñ, la pynkhreh ïa u syiem; u la pynlong ïa ka, kaba jylliew bad bakylluid: ka jingthang jong ka long ka ding bad shibun ka diengïap; ka jingpyrsad mynsiem U Trai, kum ka wah duid u kyndok, ka pynmeh ïa ka.

JEREMAÏAH 15:14

Bad ngan phah noh ïa ki lem bad ki nongshun jong pha sha ka ri kaba pham tip: naba la tbeh ding ha ka jingbitar jong nga, ka ban meh halor jong pha.”

JEREMAÏAH 5:14

Namar kata, kumne u ong U Trai, U Blei ki paid, “Namar ba phi kren ïa kane ka ktien, ha khmih, ngan pynlong ïa ki ktien jong nga ka ding ha ka shyntur jong me, bad ki dieng ïa une u paidbah, bad kan bam duh ïa ki.

HABAKKUK 3:5

Ka jingïapkhlam ka la leit ha shuwa jong u, bad ki khnam ba-meh ding ki la mih noh na ki sla'jat jong u.

DEUTERONOMI 32:22

Namar la pynmeh ïa ka ding ha ka jingbitar jong nga, bad kan pyningkhong haduh ka trai dujok, bad kan bam duh ïa ka khyndew lem bad ka jingmih jong ka, bad kan thang ruh ïa ki nongrim ki lum bah.

HEBRU 12:29

namar U Blei jong ngi u long ka ding kaba bam duh noh.