2 SAMUEL 22:5 - KA BAIBL

⁵ “Naba ki jingat phyllung ka jingïap ki la ker tawiar ïa nga, ki jingshlei ka jingbymman ki la pynsheptieng ïa nga.

Khasi CL Bible (BSI)

⁵ Ki jingat phyllung ka jingïap ki don sawdong jong nga, ki jingat phyllung ka jingpynjot ki tyllun halor jong nga;

2 SAMUEL 22:5 ပူးပေါင်းရင်းမြစ်များ

SALM 18:4

Ki jingkhum ka jingïap ki la ker kut ïa nga, bad ki jingshlei ka jingbymriewblei ki la pynsheptieng ïa nga.

SALM 42:8

Pynban, U Trai un hukum ïa la ka jingleh isynei mynsngi, bad mynmiet ka jingrwai jong u kan long bad nga, kata, ka jingduwai ïa U Blei ka jingim jong nga.

ISAÏAH 59:19

Kumta kin sa sheptieng ïa ka kyrteng U Trai na sepngi, bad ka burom jong U na kaba mih ka sngi: naba un wan kum ka um kyrthep, kaba la beh da ka jingpyrsad U Trai.

JONAH 2:3

Naba me la bred noh ïa nga sha kaba jylliew, hapdeng ki duriaw, te ka jingshlei ka la ker tawiar ïa nga; ki jingat phyllung bad ki jingphaloh jong me baroh ki la tyllep ïa nga.”

LOUKAS 21:20

“Hynrei, haba phin ïohi ïa ka Jerusalem ba la ker tawiar ïa ka da ki paidïapom, ynda kumta, te phin tip ba kata ka jingpynduh ïa ka, ka la jan.

1 THESSALONI 5:3

Katba ki dang ong, “Ka jingsuk bad ka jingskhembha”, ynda kumta, ka jingjot bakyndit kyndit kan ngat ha ki, kum ka jingsuh khun ha ka briew kaba punkhun; bad kin ym ïohlait shuh da lei lei.

JINGPYNPAW 17:1

Te la wan uwei na kita ki hynñiew angel kiba la don kita ki hynñiew pliang, bad u la kren bad nga, u da ong, “To ale shane, ngan pyni ha me ïa ka jingpynrem ïa kata ka nuti kaba khraw kaba shong halor shibun ki um;

JINGPYNPAW 17:15

Te u la ong ha nga, “Kita ki um ïa kiba me la ïohi, ha kaba kata ka nuti ka shong, ki long ki paidlang, bad ki paidbah, bad ki kynja bynriew, bad ki thylliej.