2 SAMUEL 22:47 - KA BAIBL

⁴⁷ “U Trai u im; bad to long ba la kyrkhu ïa u mawsiang jong nga; bad to ai ba yn pynkyntiew ïa U Blei u mawsiang ka jingpynim jong nga:

Khasi CL Bible (BSI)

⁴⁷ U Trai u im! To ïaroh ïa u nongïada jong nga! To pynbna ïa ka jingkhraw jong U Blei uba khlaiñ uba pynim ïa nga!

2 SAMUEL 22:47 ပူးပေါင်းရင်းမြစ်များ

2 SAMUEL 22:3

U Blei uba u mawsiang jong nga, ha u keiñ ngan shaniah; ka stieh jong nga, bad ka reng ka jingpynim jong nga, ka kut bajrong jong nga, bad ka jaka rieh jong nga; u nongpynim jong nga, me pynim ïa nga na ka jingleh-jubor.

Ka Kitab U Job 19:25

Hynrei, nga tip ba U Nongsiewspah jong nga u im, bad ba un ïeng noh ha ka bakhatduh ha ka khyndew.

SALM 89:26

Un pyrta ha nga, ‘Me, me long u kpa jong nga, U Blei jong nga, bad u mawsiang ka jingpynim jong nga.’

SALM 89:27

Nga ruh ngan pynlong ïa u, u khun nyngkong, uba kham ha khlieh na ki syiem ka pyrthei.

EKSODOS 15:2

U Trai u long ka bor bad ka jingrwai jong nga, bad u la wan long ka jingpynim ïa nga: U long ma U, U Blei jong nga, bad ngan pyndonburom ïa U; U Blei u kpa jong nga, bad ngan ïaroh burom ïa U.

LOUKAS 1:47

bad ka mynsiem jong nga ka shadkmen ha U Blei U Nongpynim jong nga;