2 SAMUEL 22:3 - KA BAIBL

³ U Blei uba u mawsiang jong nga, ha u keiñ ngan shaniah; ka stieh jong nga, bad ka reng ka jingpynim jong nga, ka kut bajrong jong nga, bad ka jaka rieh jong nga; u nongpynim jong nga, me pynim ïa nga na ka jingleh-jubor.

Khasi CL Bible (BSI)

³ U Blei jong nga u long ka jingïada jong nga; bad nga shngain bad u, U ïada ïa nga kum ka stieh; u da ïa nga bad ri pynim ïa nga. U long u nongpynim jong nga. U ïada ïa nga bad u pyllait im ïa nga na ka jingumsnam.

2 SAMUEL 22:3 ပူးပေါင်းရင်းမြစ်များ

JENESIS 15:1

Ynda la lah kine kiei kiei ruh, ka ktien U Trai ka la wan ha u Abram ha ka jingïohipaw, ka da ong, “To wat sheptieng, ko Abram: Ma nga, nga long ka stieh jong me, bad ka bainong jong me kan long kaba khraw eh.”

2 SAMUEL 22:31

U Blei uba janai la ka lynti; ïa ka ktien jong U Trai la pynphrang; u long ka stieh ha kita baroh kiba shaniah ha u.

2 SAMUEL 22:47

“U Trai u im; bad to long ba la kyrkhu ïa u mawsiang jong nga; bad to ai ba yn pynkyntiew ïa U Blei u mawsiang ka jingpynim jong nga:

2 SAMUEL 22:49

bad uba ïalam ïa nga na ki nongshun jong nga: me pynkyntiew ruh ïa nga halor kita kiba ïeng ïaleh ïa nga: me pyllait ïa nga na uta u briew uba leh jubor.

2 SAMUEL 22:51

Ïa ka jingpynim kaba khraw u ai ha u syiem jong u: bad u leh isynei ïa uta uba la sleh jong u, ïa u Dabid keiñ, bad ïa u symbai jong u junom.”

2 SAMUEL 23:3

U Blei u Israel u la ong, U Mawsiang u Israel u la kren ha nga: ‘Uta uba synshar ïa ki briew da ka hok, uba synshar ha ka jingsheptieng ïa U Blei,

SALM 14:6

Phi pynlehrain ïa ka jingpyrkhat jong u baduk, namar ba U Trai u long ka jaka rieh jong u.

SALM 140:1

A Trai, to pyllait ïa nga na u briew bymman; to ri ïa nga na uta u briew uba leh jubor:

SALM 140:11

Ïa u nongkren sniew yn ym pynskhem ha ka khyndew: ka jingsniew kan beh ïa uta u briew uba leh jubor ïa ka ban pynkyllon ïa u.

SALM 140:4

To sumar ïa nga, A Trai, na ki kti u bymman; to ri ïa nga na uta u briew uba leh jubor: kiba la thew ban woh ïa ki jingjam jong nga.

SALM 142:4

To khmih sha kamon jong nga, bad to i; naba ym don uba ithuh ïa nga: ka jaka rieh ïa nga ka la duh noh; ym don uba khmih ïa ka mynsiem jong nga.

SALM 144:2

ka jingleh isynei jong nga, bad ka jaka ïada jong nga, ka kut bajrong jong nga, bad u nongpynim jong nga; ka stieh jong nga, bad uta uba nga shaniah ha u; uba pyndem ïa ki briew jong nga hapoh jong nga.

SALM 18:2

U Trai u long u mawsiang jong nga, bad ka kut jong nga, bad u nongpyllait jong nga; U Blei jong nga, u mawsiang baskhem jong nga, ha u keiñ ngan shaniah; ka stieh jong nga, bad ka reng ka jingpynim jong nga, ka kut bajrong jong nga.

SALM 27:5

Namar ha ka sngi ka jingjynjar un ri khop ïa nga ha ka ïingjaiñ jong u: ha ka jaka rieh Ka Tabernakl jong u un buhrieh ïa nga; un kyntiew ïa nga halor u mawsiang.

SALM 28:7

U Trai u long ka bor bad ka stieh jong nga; ka dohnud jong nga ka la shaniah ha u, te la ïarap ïa nga: namar kata, ka dohnud jong nga ka kmen shikatdei eh; bad da la ka jingrwai ngan ïaroh ïa u.

SALM 3:3

Hynrei, ma me, A Trai, me long ka stieh baroh sawdong ïa nga; ka burom jong nga, bad uba kyntiew ïa ka khlieh jong nga.

SALM 32:7

Me long ka jaka rieh jong nga; men ri ïa nga na ka jynjar; men ker sawdong ïa nga da ki jingrwai ka jingpyllait. Selah.

SALM 46:1

U Blei u long ka jaka rieh bad ka bor jong ngi, ka jingïarap bahajan eh ha ka jynjar.

SALM 46:11

U Trai ki paid u don bad ngi; U Blei u Jakob u long ka jaka rieh jong ngi. Selah.

SALM 46:2

Namar kata, ngan ym sheptieng, la ka kylla ka khyndew, bad la pynkhih ki lum hapdeng ka duriaw;

SALM 46:7

U Trai ki paid u don bad ngi; U Blei u Jakob u long ka jaka rieh jong ngi. Selah.

SALM 5:12

Naba men kyrkhu ïa u bahok; A Trai, men ker kut ïa u da ka jingleh ieit kumba da ka stieh.

SALM 55:9

To pynjot, A Trai, bad to thlieh ïa u thylliej jong ki: naba nga la ïohi ïa ka jingleh-jubor bad ka jingïakajia ha shnong.

SALM 59:16

Hynrei, nga ngan rwai ïa ka bor jong me; shisha keiñ, ngan rwai jam ïa ka jingisynei jong me mynstep: namar me la long ka kut bajrong jong nga, bad ka jaka rieh ha ka sngi ka jingjynjar jong nga.

SALM 61:3

Naba me ju long ka jaka rieh ïa nga, ka kut baskhem na u nongshun.

SALM 71:7

Nga long kum ka jingphylla ïa ki babun; hynrei, me long ka jaka rieh baskhem jong nga.

SALM 72:14

Un pyllait ïa ka mynsiem jong ki na ka jingbanbeiñ bad ka jingleh-jubor; bad ka snam jong ki kan long kordor ha khmat jong u:

SALM 84:11

Naba U Trai U Blei u long ka sngi bad ka stieh: U Trai un ai ka jingaiei bad ka burom: ïa kaei kaei ka jingbha un ym khang na kita kiba ïaid beit.

SALM 84:9

Ha khmih, A U Blei uba ka stieh jong ngi, bad to khmih ïa ka khmat jong uba la sleh jong me.

SALM 86:14

A U Blei, kiba sarong ki la ïeng ïaleh ïa nga, bad ka jingïaseng jong kiba leh jubor ki la wad ïa ka mynsiem jong nga, bad kim shym buh ïa me ha khmat jong ki.

SALM 9:10

bad kita kiba ithuh ïa ka kyrteng jong me kin shaniah ha me; naba me, A Trai, mem shym la iehnoh noh ïa kiba wad ïa me.

SALM 9:9

U Trai ruh un long ka kut bajrong ïa kita kiba la banbeiñ, ka kut bajrong ha ka por ka jingjynjar;

EKSODOS 15:2

U Trai u long ka bor bad ka jingrwai jong nga, bad u la wan long ka jingpynim ïa nga: U long ma U, U Blei jong nga, bad ngan pyndonburom ïa U; U Blei u kpa jong nga, bad ngan ïaroh burom ïa U.

PROBERB 18:10

Ka kyrteng U Trai ka long ka kut baskhem: u bahok u phet sha ka, bad u skhem.

PROBERB 30:5

“Ka ktien baroh ka jong U Blei ka long ba la pynphrang: u long ka stieh ha kita kiba shaniah ha u.

ISAÏAH 12:2

“Ha khmih, U Blei u long ka jingpynim jong nga; ngan shaniah, bad ngan ym sngewsheptieng: namar U Trai Jehobah u long ka bor bad ka jingrwai jong nga; u la kylla long ruh ka jingpynim jong nga.”

ISAÏAH 32:2

Te u briew un long kum ka jaka rieh na ka lyer, bad ka jaka buhrieh na ka 'erïong; kum ki wah um ha ki jaka rkhiang, kum ka syrngiew u mawsiang bakhraw ha ka ri bapynthait.

ISAÏAH 45:21

To pynbna, bad to sei noh ïa ka; ho-oid, to kin ïasylla lang: uei ba la pyni ïa kane naduh mynhyndai? Uei ba la pynbna ïa ka naduh mynbarim? Ym ma nga U Trai? Te ym don shuh U Blei nalor jong nga; U Blei bahok bad u nongpynim; ym don nalor jong nga.

JEREMAÏAH 16:19

A Trai, ka bor jong nga, bad ka kut baskhem jong nga, bad ka jaka rieh jong nga ha ka sngi ka jingjynjar, sha me ki jaid bynriew kin wan na ki bakut ka khyndew, bad kin ong, “Ki kpa jong ngi kim shym ïoh ei ei, hynrei, tang ki jinglamler, ïa ka jingthala keiñ, bad kiei kiei ki bym pynmyntoi.

JEREMAÏAH 16:9

Naba kumne u ong U Trai ki paid, U Blei ki Israel: “Ha khmih, ngan pynduh noh na kane ka jaka, ha khmat jong phi bad ha ki sngi jong phi, ïa ka jingsawa ka jingtamsa bad ka jingsawa ka jingkmen, bad ïa ka jingsawa u nongleit-kurim bad ka jingsawa ka nongleit-kurim.

LOUKAS 1:47

bad ka mynsiem jong nga ka shadkmen ha U Blei U Nongpynim jong nga;

LOUKAS 1:69

bad U la pynmih ïa ka reng ka jingpynim ïa ngi, ha ka ïing u Dabid u shakri jong U;

LOUKAS 1:71

ka jingpynim na kiba shun ïa ngi, bad na ka kti kita baroh kiba isih ïa ngi;

DEUTERONOMI 32:37

Te un ong, ‘Shaei ki blei jong ki, uta u mawsiang ha uba ki la shaniah,

DEUTERONOMI 32:4

“U Mawsiang, ka jingleh jong U ka bajanai; namar ki lynti jong U baroh ki long ka jingbishar: U Blei ka jingshisha bad khlem ka jingbymhok, u bahok bad uba beit u long.

DEUTERONOMI 33:29

Suk ma me, A Israel: uei uba kat ma me, A u paidlang ba la pynim da U Trai, uba ka stieh ka jingïarap jong me, bad uba long ka waitlam ka jinglong burom jong me! bad ki nongshun jong me ruh kin nguh ïa me; bad men ïoh ïuh top halor ki jaka kiba jrong jong ki.”

TITOS 3:4

Hynrei, haba la paw ka jinglehsbun U Blei U Nongpynim jong ngi bad ka jingieit jong u sha u bynriew,

TITOS 3:6

ïa uba u la theh noh kyrhai ha ngi, da U Jisu Khrist U Nongpynim jong ngi;

HEBRU 2:13

Pat ruh: “Ngan buh la ka jingshaniah ha u.” Bad: “Ha khmih, ma nga bad kita ki khun ïa kiba U Blei u la ai ha nga.”

1 SAMUEL 2:1

Te ka Hannah ka la duwai, bad ka la ong: “Ka dohnud jong nga ka leh kmen ha U Trai, ïa ka reng jong nga la pynkyntiew ha U Trai; la plie wang ïa ka shyntur jong nga halor ki nongshun jong nga: namar nga leh kmen ha ka jingpynim jong me.

1 SAMUEL 2:2

“Ym don u bakhuid kat U Trai; naba nalor jong me ym don shuh mano mano; lymne ym don u mawsiang kum U Blei jong ngi.