2 SAMUEL 22:22 - KA BAIBL

²² Naba nga la rakhe ïa ki lynti U Trai, bad ngam shym kiar leh bymman na U Blei jong nga.

Khasi CL Bible (BSI)

²² Nga la kohnguh ïa ka aiñ jong U Trai; Ngam shym la phai noh na U Blei jong nga.

2 SAMUEL 22:22 ပူးပေါင်းရင်းမြစ်များ

JENESIS 18:19

Naba nga ithuh ïa u, ba un hukum ïa la ki khun bad ïa la ki ïing hadien jong u, ba kin ïoh rakhe ïa ka lynti jong U Trai, ïa ka ban leh ïa ka hok bad ïa ka jingleh adkar; ba U Trai un ïoh pynwan ha u Abraham ïa kata ïa kaba u la ong shaphang jong u.”

1 SYIEM 9:4

Te ma me ruh, lada men ïaid ha khmat jong nga, kumba u Dabid u kpa jong me u la ïaid, ha ka jingjanai ka dohnud, bad ha ka jingbeit, ban leh baroh katba nga la hukum ma nga ïa me, bad men rakhe ïa ki aiñ bad ki jingbishar jong nga;

SALM 119:1

Suk kita ki bajanai ha ka lynti, kiba ïaid ha ka aiñ U Trai.

SALM 125:5

Hynrei, kat kiba phai noh sha la ki lynti kynriang, U Trai un ring ïa ki lem bad ki nongleh bymman. To long ka jingsuk ïa ki Israel.

SALM 128:1

Suk uwei uwei baroh uba sheptieng ïa U Trai, uba ïaid ha ki lynti jong u.

SALM 18:1

Nga ieit ïa me, A Trai, ka bor jong nga.

SALM 36:3

Ki ktien ka shyntur jong u ki long ka jingbymhok bad ka jingshukor: u la wai noh ban long stad bad ban leh bha.

PROBERB 8:32

“Namar kata te, ko khun, to sngew ïa nga: naba suk kita kiba sumar ïa ki lynti jong nga.

SEPHANAÏAH 1:6

bad ïa kita kiba phai noh na kaba bud ïa U Trai; bad ïa kita ki bym shym wad ïa U Trai, lymne ïakylli shaphang jong u.”

JINGKHEIÑ 16:15

U Moses te u la bitar lep shikatdei, bad u la ong ha U Trai, “To wat khmih ha ka jingainguh jong ki: ngam shym la shim ïa uwei u kadda na ki, bad ngam shym la pynsniew ruh ïa uwei na ki.”

ÏOANNIS 15:10

Lada phin sumar ïa ki hukum jong nga, phin ïoh ïaineh ha kata ka jingieit jong nga; kumba nga keiñ, nga la sumar ïa ki hukum uta U Kpa jong nga, bad nga ïaineh ha ka jingieit jong u.

2 KORINTH 1:12

Namar ka jingkmen jong ngi ka long kane keiñ, ka jingphla ka jingïatiplem jong ngi, ba ha ka jingkhuid bad ha ka jingsngur bariewblei, ym ha ka jingstad bakynja doh, hynrei, ha ka jingaiei U Blei, ngi la pynïaid ïa lade ha ka pyrthei, bad kham bun eh sha phi.

1 SAMUEL 12:3

Ha khmih ïa nga: to sakhi pyrshah ïa nga ha khmat U Trai, bad ha khmat uba la sleh jong u: u masi dab jongno nga la shim? lane ka kadda jongno nga la shim? lane ïano nga la shukor? ïano nga la banbeiñ? lane na ka kti jongno nga la shim sap ban pynmatlah ïa la ki khmat da ka? te ngan buria ïa kata ha phi.”