2 SAMUEL 22:17 - KA BAIBL

¹⁷ “U la phah na sha jrong, bad u la shim noh ïa nga; u la pynmih noh ïa nga na ki babun ki um.

Khasi CL Bible (BSI)

¹⁷ U Trai u kner najrong bad u shim ïa nga, bad u sei ïa nga na ki um bajylliew.

2 SAMUEL 22:17 ပူးပေါင်းရင်းမြစ်များ

ISAÏAH 43:2

Haba me leit lyngba ïa ki um, nga ngan long lem bad me; bad lyngba ki wah, kin ym tyllep ïa me: haba me ïaid lyngba ka ding, men ym ing; lymne ka thylliej ding kan ym jliah ïa me.

SALM 144:7

To kner ïa la ka kti na jrong; to pynim ïa nga, bad pyllait ïa nga na ki um kiba khraw, na ka kti ki nongwei;

SALM 32:6

Namar kane, to ai ba uwei uwei baroh uba riewblei un duwai ha me ha ka Ïa ba lah ban shem ïa me: shisha, haba ki um bakhraw ki ïashlei kin ym ïoh kot sha u.

SALM 18:16

U la phah na sha jrong, bad u la shim noh ïa nga; u la pynmih noh ïa nga na kiba bun ki um.

JINGPYNPAW 17:15

Te u la ong ha nga, “Kita ki um ïa kiba me la ïohi, ha kaba kata ka nuti ka shong, ki long ki paidlang, bad ki paidbah, bad ki kynja bynriew, bad ki thylliej.

SALM 130:1

Na ka jingjylliew nga la kyang sha me, A Trai.

EKSODOS 2:10

Te mynba uta u khynnah u la san, ka la wallam ïa u ha ka khun u Pharaoh, bad u la long u khun jong ka. Bad ka la khot ka kyrteng jong u, “u Moses”: namar, ka la ong, “na ka um nga la sei ïa u.”

SNGEWSYNEI 3:54

Ki um ki la tyllep ïa ka khlieh jong nga; nga la ong, ‘La ot noh ïa nga.’

2 SAMUEL 22:18

U la pynim ïa nga na u nongshun bakhrawbor jong nga, na kita kiba la shun ïa nga; namar ki la kham khlaiñ ïa nga.