2 SAMUEL 22:1 - KA BAIBL

¹ Bad u Dabid u la kren ïa ki ktien jong kane ka jingrwai ha U Trai ha kata ka sngi ba U Trai u la pyllait ïa u na ka kti ki nongshun jong u baroh, bad na ka kti u Saul:

Khasi CL Bible (BSI)

¹ Haba U Trai u la pyllait im ïa u Dabid na u Saul bad na kiwei pat ki nongshun, u Dabid u la rwai ïa kane ka jingrwai ha U Trai.

2 SAMUEL 22:1 ပူးပေါင်းရင်းမြစ်များ

2 SAMUEL 12:7

U Nathan te u la ong ha u Dabid, “Me long ma me uta u briew. Kumne u ong U Trai, U Blei ki Israel, ‘Nga la pynsleh ïa me ban long u syiem halor ki Israel, nga la pynim ruh ïa me na ka kti u Saul;

2 SAMUEL 22:49

bad uba ïalam ïa nga na ki nongshun jong nga: me pynkyntiew ruh ïa nga halor kita kiba ïeng ïaleh ïa nga: me pyllait ïa nga na uta u briew uba leh jubor.

1 KHRONIKL 16:7

Te ha kata ka sngi, u Dabid, ka banyngkong eh u la pynlong ban ainguh ha U Trai, da ka kti u Asaph bad ki para jong u.

SALM 34:19

Ki jingjynjar u bahok ki long shibun: hynrei, U Trai U pyllait ïa u na ki baroh.

SALM 50:14

To ai ha U Blei ïa ka jingkñia ka jingainguh; bad to siew ïa ki kular jong me ha U Bahakhlieh Tam:

EKSODOS 15:1

Ynda kumta, u Moses bad ki khun Israel ki la ïarwai ïa kane ka jingrwai ha U Trai, bad ki la kren, da kaba ong, “Ngan rwai ha U Trai, naba u la jop da ka burom bakhraw: ïa u kulai bad la u nongshong kulai u la bred sha ka duriaw.

2 KORINTH 1:10

uba la knieh kynthet ïa ngi na ka jingïap kaba khraw katta katta, bad uba ïaiknieh kynthet ïa ngi, ha uba ngi kyrmen ba un dang knieh kynthet shuh ruh;

DEUTERONOMI 31:30

Bad u Moses u la kren ha ki shkor u paidlang ki Israel baroh, ïa ki ktien kane ka jingrwai, ha ban da la pyndep ïa ki.

2 TIMOTHI 4:18

Bad U Trai un pyllait ïa nga na ka jingleh basniew baroh, bad un ri pynim ïa nga sha kata ka hima jong u kaba ha bneng: ha uba to long ka burom ha la ka rta: Amen.

NONGBISHAR 5:1

Ynda kumta, ka Deborah bad u Barak u khun u Abinoam ki la ïarwai ha kata ka sngi, ki da ong,

1 SAMUEL 23:14

Te u Dabid u la shong ha ka ri khlaw ha ki kut, bad u la shong sah ha ri lum ha ka ri khlaw Siph. Te u Saul u la wad ïa u ha la ka sngi, hynrei, U Blei um shym la aiti noh ïa u ha ka kti jong u.

1 SAMUEL 24:15

Namar kata, to U Trai un long nongbishar, bad to un bishar hapdeng jong nga bad jong me, to un khmih ruh, bad un ïasaid ïa ka hok jong nga, bad pyllait ïa nga na ka kti jong me.”

1 SAMUEL 25:29

La u briew u la ïeng ïa ka ban beh ïa me ruh, bad ban wad ïa ka mynsiem jong me, pynban, ka mynsiem u kynrad jong nga kan long ba la tehsong ha ka jingteh ka jingim bad U Trai U Blei jong me; bad ïa ki mynsiem ki nongshun jong me un shat noh, kum na ka pdeng ka jingshat maw.

1 SAMUEL 26:24

Te, ha khmih, kumba ka jingim jong me ka la long ka bakordor ha khmat jong nga ha kane ka sngi, kumta to ai ba ka jingim jong nga kan long ka bakordor ha khmat U Trai, bad to ai ba un pyllait ïa nga na ki jingshipa khop baroh.”

1 SAMUEL 27:1

Te u Dabid u la ong ha la ka dohnud, “Shisha ha kawei ka sngi yn sa pynjot noh ïa nga da ka kti u Saul: ym don lad kaba kham bha ïa nga ban ïa kaba leit sha ka ri ki Philistia; te u Saul un pyndam shaphang jong nga, bad un ym wad shuh ïa nga ha ki phang Israel baroh: kumta, ngan lait im na ka kti jong u.”