2 SAMUEL 21:7 - KA BAIBL

⁷ Hynrei, u syiem u la pynim ïa u Mephibosheth, u khun u Jonathan u khun u Saul, namar kata ka jingïakular U Trai kaba la don hapdeng jong ki, hapdeng u Dabid keiñ bad u Jonathan u khun u Saul.

Khasi CL Bible (BSI)

⁷ Hynrei namar ka kular kaba kyntang kaba ma u bad u Jonathan ki la pynlong uwei ïa uwei pat, u Dabid u la pyllait ïa u Mephibosheth, u khun jong u Jonathan bad u ksiew jong u Saul.

2 SAMUEL 21:7 ပူးပေါင်းရင်းမြစ်များ

2 SAMUEL 16:4

Ynda kumta, u syiem u la ong ha u Siba, “Ha khmih, kiei kiei baroh ki jong u Mephibosheth ki long ki jong me.” U Siba te u la ong, “Nga nguh kyrpad ïa me; to ai ngan shem sngewbha ha khmat jong me, ko syiem kynrad.”

2 SAMUEL 19:25

Te haba u la wan sha Jerusalem ban ïashem bad u syiem, u syiem u la ong ïa u, “Ko Mephibosheth, me balei mem shym la leit lem bad nga?”

2 SAMUEL 4:4

Bad u Jonathan, u khun u Saul, u la don u khun u ba-dkoh ki kjat. Une, u la san snem ka rta haba la poi ka jingbna na Jesril shaphang u Saul bad u Jonathan, te ka nongsumar ka la shim, ka la rah ïa u bad ka la phet ïap: ka la jia te katba ka la pynkloi ban phet, ba u la hap, bad u la dkoh. Bad ka kyrteng jong u ka la long “u Mephibosheth”.

2 SAMUEL 9:1

Bad u Dabid u la ong, “Dang don ne em uno uno ïa uba la pynsah na ka ïing u Saul, ba ngan ïoh leh isynei ïa u na ka bynta u Jonathan?”

2 SAMUEL 9:10

Ma me te, bad ki khun shynrang jong me, bad ki shakri jong me, phin rep ïa kata ka khyndew na ka bynta jong u; bad men wallam shapoh ïa ka jingmih, khnang ba u khun u kynrad jong me un ïoh kpu ba un bam: hynrei, u Mephibosheth u khun u kynrad jong me un bam kpu ha la ka sngi ha ka miej jong nga.” U Siba te u la don khatsan ngut ki khun shynrang, bad arphew ngut ki shakri.

2 SAMUEL 9:6

Te haba u Mephibosheth, u khun u Jonathan, u khun u Saul, u la wan ha u Dabid, u la dem ngon, bad u la nguh de. Bad u Dabid u la ong, “Mephibosheth.” U ruh u la ïathuh, “Ha khmih u shakri jong me!”

2 SAMUEL 9:7

Bad u Dabid u la ong ha u, “Wat sheptieng: naba ngan leh isynei keiñ ïa me shisha na ka bynta u Jonathan u kpa jong me, bad ngan ai noh pat ha me ïa ka khyndew baroh ka jong u Saul u kpa jong me; bad men ïoh bam kpu ha ka miej jong nga ha la ka sngi.”

EKLESIASTIS 8:2

Nga sneng ïa me, sumar ïa ka hukum u syiem, bad kata ruh namar ka jingsmai U Blei.

1 SAMUEL 18:3

Ynda kumta, u Jonathan bad u Dabid ki la ïateh jutang, naba u la ieit ïa u kum la ka jong ka mynsiem.

1 SAMUEL 20:12

Bad u Jonathan u la ong ha u Dabid, “U Trai, U Blei ki Israel, un long sakhi: ynda nga la tynjuh ïa la u kpa kum ha kane ka por lashai, lane lashisngi, te ha khmih, lada kan long ka babha ïa u Dabid, nga ngan ym phah ïathuh ïa kata ha me?

1 SAMUEL 20:15

hynrei ruh, wat pynkut noh ïa la ka jingisynei na ka ïing jong nga lano lano ruh: em, lymne ynda U Trai u la pynjot noh ïa ki nongshun u Dabid uwei pa uwei baroh na khmat ka pyrthei.”

1 SAMUEL 20:17

Bad u Jonathan u la pynsmai pat ïa u Dabid ruh, namar ka jingieit jong u ïa u: naba u la ieit ïa u kumjuh kumba u la ieit ïa la ka jong ka mynsiem.

1 SAMUEL 20:42

Bad u Jonathan u la ong ha u Dabid, “To khie leit ha kaba suk, namar ngi la ïasmai baroh ar ngut ha ka kyrteng U Trai, da kaba ong, ‘To U Trai un long hapdeng jong nga bad jong me, bad hapdeng u symbai jong nga bad u symbai jong me, junom.’ ” U, te, u la ïeng bad u la leit noh: bad u Jonathan u la leit sha shnong.

1 SAMUEL 20:8

Namar kata, to leh isynei ïa la u shakri; naba me la ïalam ïa la u shakri lem bad me ha ka jutang U Trai: hynrei, lada don ei ei ka basniew ha nga, to pynïap ma me ïa nga; namar ïa ka ban lei ba men ïalam ïa nga sha u kpa jong me?”

1 SAMUEL 23:18

Te ki baroh ar ngut ki la ïateh ka jutang ha khmat U Trai: te u Dabid u la shong sah ha kata ka 'law lynnong, bad u Jonathan u la leit noh sha la ïing.

1 SAMUEL 24:22

Te u Dabid u la smai ha u Saul. Bad u Saul u la leit sha la ïing; hynrei, u Dabid bad u paidbah jong u ki la leit kiew sha kata ka kut.