2 SAMUEL 20:6 - KA BAIBL

⁶ Te u Dabid u la ong ha u Abishai, “Une u Sheba u khun u Bikhri un kham pynsniew ïa ngi ban ïa kaba u la leh u Absalom: to shim ma me ïa ki shakri u kynrad jong me, bad to beh nadien jong u, ïoh ba un ïoh ïa ki shnong ba la ker kynroh, bad un lait noh na ngi.”

Khasi CL Bible (BSI)

⁶ Kumta u syiem u ong ha u Abishai, “U Sheba un kham pynjynjar ïa ngi ban ïa u Absalom. Shim ïa ki rangbah jong nga bad leit thwet ïa u, lym kumta u lah ban leit shong shnong ha ki shnong ba la ker kynroh, bad lait phet na ngi.”

2 SAMUEL 20:6 ပူးပေါင်းရင်းမြစ်များ

2 SAMUEL 10:14

Bad haba ki khun u Ammon ki la ïohi ba ki Syria ki la phet ïap, ki ruh ki la phet ïap ha khmat u Abishai, bad ki la rung shapoh shnong. Ynda kumta, u Joab u la leit wan noh na ki khun u Ammon, bad u la poi sha Jerusalem.

2 SAMUEL 11:11

Bad u Uriah u la ong ha u Dabid, “Kata ka Synduk ka Jutang, bad ki Israel, bad ki Judah, ki ïashong ha ka ïingtrep; bad u kynrad jong nga u Joab, bad ki shakri u kynrad jong nga, ki ïashong dara shabar ha madan; nga kumno ngan leit sha la ïing, ban bam bad ban dih, bad ban thiah bad la ka tnga? Katba me im, bad katba ka im ka mynsiem jong me, ngan ym leh kum ïa kane ka kam.”

2 SAMUEL 18:12

Te uta u briew u la ïathuh ha u Joab, “Lada nga ïoh ha la ka kti shi hajar shekel, ngan ym treh ban rah ïa la ka kti pyrshah ïa u khun u syiem: naba ha kaba ngi ïohsngew ma ngi u syiem u la hukum ïa me bad ïa u Abishai bad ïa u Ittai, u da ong, ‘To sumar mano mano ba un ym ktah ïa u khynnah u Absalom.’

2 SAMUEL 18:2

Bad u Dabid u la phah lai bynta ïa u paidbah, shi bynta hapoh ka kti u Joab, bad shi bynta hapoh ka kti u Abishai u khun ka Seruïah, u para u Joab, bad shi bynta hapoh ka kti u Ittai u nong Gitt. Bad u syiem u la ong ïa u paidbah, “Shisha nga ruh ngan mih lem bad phi.”

2 SAMUEL 19:7

Namar kata te, to ïeng, bad to mih shabar, bad to kren sngewbha ha la ki shakri: naba nga smai ha U Trai, ba lada men ym mih shabar, uwei ruh un ym sah bad me ha kane ka miet: bad kata kan kham sniew ïa me ban ïa ka jingsniew baroh kaba la jia ïa me naduh ba me dang samla haduh mynta.”

2 SAMUEL 2:18

Bad ki khun ka Seruïah lai ngut ki la don hangta, u Joab, bad u Abishai, bad u Asahel: te u Asahel u la long uba stet ki kjat jong u kat ka skei kaba ha khlaw.

2 SAMUEL 21:17

Hynrei, u Abishai u khun ka Seruïah u la ïarap ïa u, bad u la shoh ïa u Philistia, bad u la pynïap ïa u. Namar kata, ki rangbah u Dabid ki la smai ha u, ki da ong, “Men ym ïoh mih shabar shuh bad ngi sha ka thma, ïoh ba men pynlip ïa ka sharak jong ki Israel.”

2 SAMUEL 23:18

Bad u Abishai, u para u Joab, u khun ka Seruïah u la long rangbah na kine lai ngut. Te u la rah ïa la u sum pyrshah ïa laispah ngut bad u la pynïap ïa ki, bad u la donnam hapdeng kita lai ngut.

2 SAMUEL 3:30

Kumta, u Joab bad u Abishai u para jong u ki la pynïap ïa u Abner, namar ba u ruh u la pynïap ïa u Asahel u para jong ki ha ka thma ha Gibeon.

2 SAMUEL 3:39

Ma nga te la la thung syiem ruh ïa nga, nga long uba tlot ha kane ka sngi; bad kine ki rangbah, ki khun ka Seruïah ki kham eh ïa nga: to U Trai un ai nong ïa u nongleh sniew katba kum ka jingbymman jong u.”

1 SYIEM 1:33

Te u syiem u la ong ha ki, “Ïalam bad phi ïa ki shakri u kynrad jong phi, bad to pynshong ïa u Solomon u khun jong nga halor u kadda jong nga hi, bad leit lam ïa u shathie sha Gihon:

1 KHRONIKL 11:20

Bad u Abishai, u para u Joab, u la long uba kongsan na ki lai ngut: namar u la rah ïa la u sum pyrshah ïa ki laispah ngut bad u la pynïap ïa ki, kumta u la donnam hapdeng ki lai ngut.

1 KHRONIKL 18:12

Bad u Abishai u khun ka Seruïah ruh u la shoh na ki Edom ha ka Them Mluh, khatphra hajar.

JEREMAÏAH 8:14

Balei ba ngi shu ïashong? To ïalum ïa lade, bad ïa ngin leit rung sha ki shnong ba la ker kynroh, bad ngin ïashong jar hangta: namar U Trai U Blei jong ngi u la pynsngap jar ïa ngi, bad u la ai ha ngi ka umksang ban dih, namar ngi la leh pop ïa U Trai.

MARKOS 3:24

bad lada ka hima ka la ïaleh makynti paralok, kata ka hima kam lah neh shuh:

1 SAMUEL 26:6

Ynda kumta, u Dabid u la kren bad u ong ha u Ahimelekh uba kynja Hit, bad ha u Abishai u khun ka Seruïah, u para u Joab, u da ong, “Uei u ban leit hiar bad nga sha u Saul ha kata ka jaka shong dara?” Te u Abishai u la ïathuh, “Ngan leit hiar ma nga bad me.”