2 SAMUEL 20:2 - KA BAIBL

² Kumta, ki rangbah Israel baroh ki la leit kiew noh na kaba bud ïa u Dabid, bad ki la bud ïa u Sheba u khun u Bikhri: hynrei, ki rangbah Judah ki la snoh ha la u syiem, naduh ka Jordan jin haduh Jerusalem.

Khasi CL Bible (BSI)

² Kumta ki Israel ki la iehnoh ïa u Dabid bad ki la leit bad u Sheba; hynrei ki rangbah Judah ki la ïaineh bad ki bud ïa u Dabid na Jordan sha Jerusalem.

2 SAMUEL 20:2 ပူးပေါင်းရင်းမြစ်များ

2 SAMUEL 19:15

Kumta, u syiem u la leit phai noh, bad u la wan sha Jordan. Bad ki Judah ki la wan sha Gilgal ïa ka ban leit tan ïa u syiem, ïa ka ban wallam ïa u syiem halor ka Jordan.

2 SAMUEL 20:1

Te la jia ba la don hangta u briew u Belial uba kyrteng “u Sheba”, u khun u Bikhri, u kynja Benjamin: une te u la put ïa ka ronsing, bad u la ong, “Ngi ngim don ka bynta ha u Dabid, lymne ngim don ka bynta ba hap ha u khun u Jesse: to uwei uwei baroh sha la ki ïingjaiñ, ko Israel.”

2 SAMUEL 20:21

Ka kam, kam long kumta: hynrei, u briew uba na ka ri lum Ephraim, u Sheba u khun u Bikhri da ka kyrteng, u la rah la ka kti pyrshah ïa u syiem, pyrshah ïa u Dabid keiñ: to aiti noh tang ïa uta, te ngan leit noh na kane ka nongbah.” Te kata ka kynthei ka la ong ha u Joab, “Ha khmih, ïa ka khlieh jong u yn bred noh ha me nalor ka kynroh.”

2 SAMUEL 20:3

Bad u Dabid u la wan sha la ïing ha Jerusalem; te u syiem u la shim ïa kita ki shiphew ngut ki kynthei, ki tnga kliar jong u, kiba u la lah pynsah ban sumar ïa ka ïing, bad u la buh ïa ki hapoh ka jingsumar, bad u la bsa ïa ki, hynrei, um shym bsut shuh sha ki. Kumta, la set khop ïa ki haduh ka sngi ka jingïap jong ki, ki da shong ha ka jinglong riewkynthei.

1 SYIEM 12:20

Te haba ki Israel baroh ki la ïohsngew ba u Jeroboam u la wan phai pat, ki la phah khot ïa u sha ka jingïaseng, bad ki la pynlong syiem ïa u halor ki Israel baroh: ym don ba bud ïa ka ïing u Dabid, hynrei, tang ka ïing Judah hi.

2 KHRONIKL 10:17

Hynrei, kita ki khun Israel kiba shong ha ki shnong Judah, u Rehoboam u la synshar halor jong ki.

SALM 62:9

Shisha ki briew ki bapoh ki long ka jingthala, bad ki briew ki bakhraw batri ki long ka lamler: ha ki tarajur kin per: ki long baroh phar kham sting ïa ka jingthala.

PROBERB 17:14

Ka jingsdang ka jingïaleh ka long kum haba uwei u pyllait noh ïa ka um: namar kata, to pynwai noh ïa ka jingïapyneh, katba ym pat long ka jingïakajia.

KI KAM 11:23

uba haba u la poi, bad ba u la ïohi ïa ka jingaiei ka jong U Blei, u la sngewkmen, bad u la kyntu ïa ki baroh, ba da ka jingthmu skhem ka dohnud kin snoh ha U Trai: