2 SAMUEL 20:10 - KA BAIBL

¹⁰ Hynrei, u Amasa um shym khmih ïa kata ka waitlam ha ka kti u Joab: kumta u la dung ïa u da ka na ka kpoh, bad u la pynmih noh ïa ki snier jong u ha ka khyndew, bad um shym shoh pat ïa u; bad u la ïap. Te u Joab bad u Abishai u para jong u ki la beh nadien u Sheba u khun u Bikhri.

Khasi CL Bible (BSI)

¹⁰ U Amasa um shym don jingïada na ka waitlam kaba u Joab u bat ha kawei pat ka kti jong u, bad u Joab u la dung ïa u na ka kpoh, bad ki snier jong u ki mih shaid ha madan. U ïap ha shen, bad u Joab um donkam ban dung biang sa shisien. Nangta u Joab bad u Abishai, u para jong u ki la leit thwet ïa u Sheba.

2 SAMUEL 20:10 ပူးပေါင်းရင်းမြစ်များ

JENESIS 4:8

Bad u Kain u la kren ha u Abel u para jong u: te ka la jia, mynba ki la ïadon ha ka lyngkha, ba u Kain u la ïeng ban ïaleh ïa u Abel u para jong u, bad u la pynïap ïa u.

2 SAMUEL 2:23

La kumta ruh um treh ban phai noh: namar kata, u Abner u la sum ïa u da ka tdong u sum na ka kpoh, bad uta u sum u la mih noh na shadien jong u; te u la kyllon hangta, bad u la ïap ha kata hi ka jaka: bad baroh kat kiba wan poi ha kata ka jaka ha kaba u Asahel u la kyllon bad ba u la ïap ki la ïasangeh.

2 SAMUEL 20:9

Bad u Joab u la ong ha u Amasa, “Kumno, me bha, ko para?” Bad u Joab u la bat ïa u Amasa da ka kti kamon na u 'ñiuh tmoh ïa ka ban doh ïa u.

2 SAMUEL 3:27

Te haba u Abner u la wan phai noh sha Hebron, u Joab u la shim kyrpang ïa u shapdeng ka khyrdop ban ïakren bad u da kaba suk, bad u la shoh ïa u hangta na ka kpoh, ba kumta u la ïap noh, namar ka snam u Asahel u para jong u.

1 KHRONIKL 12:2

Ki la long kiba kieng ryntieh, bad kiba nang ban kawang maw bad ban siat khnam na ka ryntieh bad kadiang bad kamon; kine ki long na ki para u Saul na ki Benjamin.

JEREMAÏAH 41:2

Ynda kumta, u la ïeng u Ishmael u khun u Nethaniah, bad kita ki shiphew ngut ki briew kiba la don lem bad u, bad ki la pom ïa u Gedalaïah u khun u Ahikam u khun u Shaphan, da ka waitlam, bad u la pynïap ïa u, ïa uba u syiem ka Babilon u la lah pynlong nongsynshar halor ka ri.

JINGKHEIÑ 35:20

Bad lada u khynñiat ïa u, na kaba shun, lane ba u shat ha u, ba u da leh khnang, ba kumta u ïap;

NONGBISHAR 3:15

Hynrei, haba ki khun Israel ki la lynñiar ha U Trai, te U Trai u la pynmih ha ki u nongpyllait im, u Ehud keiñ u khun u Gera, u Benjamin, u briew uba kadiang: bad ha u ki khun Israel ki la phah ïa ka jingnguh syiem ha u Eglon u syiem ka Moab.

NONGBISHAR 3:21

Te haba u Ehud u la sei ïa la ka kti kadiang bad u la sei ïa ka jamdor na ka syngkai kamon jong u, u la tynrah ïa ka na ka kpoh jong u:

1 SAMUEL 26:8

Ynda kumta, u Abishai u la ong ha u Dabid, “U Blei ha kane ka sngi u la aiti ïa u nongshun jong me ha ka kti jong me: mynta te namar kata, to shah ïa nga, nga kyrpad ïa me, ba ngan sum syndon ïa u da une u sum haduh khyndew, te ngan ym sum ar sien ïa u.”