2 SAMUEL 2:6 - KA BAIBL

⁶ To U Trai te un leh isynei bad ka jingshisha ruh ïa phi: bad ma nga ruh ngan ai nong ïa phi namar kane ka jinglehbha, namar ba phi la leh ïa kane ka jingleh.

Khasi CL Bible (BSI)

⁶ Bad mynta pat, to U Trai un lehsbun bad ïaineh skhem bad phi. Nga ruh ngan lehbha ïa phi namar kaei kaba phi la leh.

2 SAMUEL 2:6 ပူးပေါင်းရင်းမြစ်များ

2 SAMUEL 10:2

Te u Dabid u la ong, “Ngan leh bha ïa u Hanun u khun u Nahash, kumjuh kumba u kpa jong u, u la leh bha ïa nga ruh.” Kumta, u Dabid u la phah ha la ki shakri ïa ka ban pyntngen ïa u shaphang u kpa jong u. Bad ki shakri u Dabid ki la poi sha ka ri ki khun u Ammon.

2 SAMUEL 15:20

Dang mynhynnin me la wan, te kumno ha kane ka sngi ngan pynïaid sharum shaneng ïa me bad ngi, haba nga shu leit kat shaba lap? To leit phai ma me, bad shim lem ruh ïa la ki para; te ka jingisynei bad ka jingshisha kin long lem bad me.”

2 SAMUEL 2:7

Namar kata te, to pynkhlaiñ ïa la ki kti, bad to long shlur phi: namar u kynrad jong phi u Saul u la ïap noh, ka ïing Judah ruh ki la pynsleh ïa nga ban long syiem halor jong ki.”

2 SAMUEL 9:3

Bad u syiem u la kylli, “Don ne em uno uno uba dang sah na ka ïing u Saul, ba ngan ïoh leh ïa ka jingisynei U Blei ïa u?” Te u Siba u la ïathuh ha u syiem, “Dang sah sa uwei u khun u jong u Jonathan, u ba-dkoh ki kjat.”

2 SAMUEL 9:7

Bad u Dabid u la ong ha u, “Wat sheptieng: naba ngan leh isynei keiñ ïa me shisha na ka bynta u Jonathan u kpa jong me, bad ngan ai noh pat ha me ïa ka khyndew baroh ka jong u Saul u kpa jong me; bad men ïoh bam kpu ha ka miej jong nga ha la ka sngi.”

SALM 57:3

Un phah na bneng, bad un pynim ïa nga, haba uta uba kwah ban nguid ïa nga, u krenbeiñ; Selah. U Blei un phah noh ïa la ka jingisynei bad ïa la ka jingshisha.

EKSODOS 34:6

Te U Trai u la ïaid lait ha shuwa jong u, bad u la pynbna, “U Trai, U Trai, U Blei uba isynei bad ba aiei, uba ïaishah slem, bad uba kynrei ha ka jingbha bad ka jingshisha;

PROBERB 14:22

Hato kita kim bakla kiba pyrkhat ïa ka basniew? hynrei, ka jingisynei bad ka jingshisha kin long ïa kita kiba pyrkhat ïa ka babha.

MATHAÏOS 10:16

“Ha khmih, nga phah noh ïa phi kum ki langbrot hapdeng ki suri; namar kata, phin ïalong ki basian kum ki bseiñ, bad ki bajemnud kum ki paro.

MATHAÏOS 5:44

Hynrei, nga ong ha phi, to ieit ïa ki nongshun jong phi, bad to kyrkhu ïa kiba tim ïa phi, to leh bha ïa kiba shun ïa phi, to duwai ruh na ka bynta kiba leh sniew ïa phi, bad lehbeiñ ruh ïa phi;

MATHAÏOS 5:7

“Suk ki ba-isynei: naba yn isynei ïa ki.

JOSHUA 2:14

Te kita ki briew ki la ïathuh ha ka, “Ka jingim jong ngi namar ka jong phi, lada phin ym pynpaw ïa kane ka kam jong ngi; kan long ruh, haba U Trai un ai ïa kane ka ri ha ngi, ba ngin leh isynei bad kaba shisha ïa phi.”

RUTH 1:8

Te ka Naomi ka la ong ha kita ki ar ngut ki pyrsa kurim jong ka, “To khie phi to leit phai noh ha la ïing la ïing ka kmie: to U Trai un leh isynei ïa phi, kumba phi ruh phi la leh isynei ïa kita kiba la ïap, bad ïa nga ruh.