2 SAMUEL 19:6 - KA BAIBL

⁶ ha kaba me ieit ïa la ki nongshun, bad ba me shun ïa la ki lok. Naba me la pyni ha kane ka sngi, ba mem ñiew ei ei ïa ki nongïalam lymne ïa ki shakri: naba nga, nga sngewthuh mynta, ba lada u la im u Absalom, bad ba ngi, ngi la ïap baroh ha kane ka sngi, me la sngewbha eh pynban.

Khasi CL Bible (BSI)

⁶ Phi pyrshah ïa kito kiba ieit ïa phi bad kyrshan ïa kito kiba isih ïa phi! Phi la pynpaw shai ba ki nongpynïaidkam bad ki rangbah jong phi kim long ei ei ïa phi. Nga lah ban ïohi ba phin jin da la sngewhun lada u Absalom u dang im mynta bad ba ngi baroh ngin ïap.

2 SAMUEL 19:6 ပူးပေါင်းရင်းမြစ်များ

2 SAMUEL 19:5

Bad u Joab u la wan bsut shapoh ïing ha u syiem, bad u la ong, “Ha kane ka sngi me la pynlehrain ïa ki khmat ki shakri jong me baroh, kiba ha kane ka sngi ki la pynim ïa ka jingim jong me, bad ïa ka jingim ki khun shynrang bad ka jong ki khun kynthei jong me, bad ïa ka jingim ki tnga jong me, bad ïa ka jingim ki tnga kliar jong me;

2 SAMUEL 19:7

Namar kata te, to ïeng, bad to mih shabar, bad to kren sngewbha ha la ki shakri: naba nga smai ha U Trai, ba lada men ym mih shabar, uwei ruh un ym sah bad me ha kane ka miet: bad kata kan kham sniew ïa me ban ïa ka jingsniew baroh kaba la jia ïa me naduh ba me dang samla haduh mynta.”

Ka Kitab U Job 34:18

Ka bit ban ong ha u syiem, ‘Me u bymman?’ lane ha ki bakhraw batri, ‘phi ki basniew?’

KI KAM 23:5

U Paul u la ong, “Ngam shym la tip, ko ki para, ba u long u rangbah lyngdoh: naba la thoh, ‘Men ym kren sniew ïa u nongsynshar u paidlang jong me.’ ”