2 SAMUEL 19:4 - KA BAIBL

⁴ Hynrei, u syiem u la tap ïa la ka khmat, bad u syiem u la pyrta da ka ktien kaba jam, “Ko khun jong nga Absalom, ko Absalom, ko khun jong nga, ko khun jong nga!”

Khasi CL Bible (BSI)

⁴ U syiem u tap ïa la ka durkhmat bad u kyang jam, “A, ko khun jong nga! Ko khun jong nga, ko Absalom! ko Absalom, ko khun jong nga!”

2 SAMUEL 19:4 ပူးပေါင်းရင်းမြစ်များ

2 SAMUEL 14:1

Te u Joab u khun ka Seruïah u la tip ba ka dohnud u syiem ka la phai sha u Absalom.

2 SAMUEL 15:30

Bad u Dabid u la leit kiew ïa u lum ki Olib, u da ïam ruh katba kiew artet; bad u la tapmoh ïa la ka khlieh, bad u la ïaid 'jat lyngkhuit ruh de: bad kita ki briew baroh kiba la don lem bad u ki la tapmoh uwei pa uwei ïa la ka khlieh, bad ki la leit artet, ki da ïam katba ki ïakiew.

2 SAMUEL 18:33

Te u syiem u la sngewsih shibun, bad u la leit kiew sha kata ka kamra halor ka khyrdop, bad u la ïam: bad katba u leit, u la ong kumne, “Ko khun jong nga Absalom, ko khun jong nga, ko khun jong nga Absalom! A ban da nga la ïap ma nga na ka bynta jong me, ko Absalom, ko khun jong nga, ko khun jong nga!”

2 SAMUEL 19:3

Bad uta u paidbah ha kata ka sngi u la shu ïaid rieh shapoh shnong, kumjuh kumba ïaid rieh u paidbah haba lehrain ba ki la phet ïap ha ka thma.

2 SAMUEL 19:5

Bad u Joab u la wan bsut shapoh ïing ha u syiem, bad u la ong, “Ha kane ka sngi me la pynlehrain ïa ki khmat ki shakri jong me baroh, kiba ha kane ka sngi ki la pynim ïa ka jingim jong me, bad ïa ka jingim ki khun shynrang bad ka jong ki khun kynthei jong me, bad ïa ka jingim ki tnga jong me, bad ïa ka jingim ki tnga kliar jong me;