2 SAMUEL 18:9 - KA BAIBL

⁹ Bad u Absalom, da kaba jia ryngkhat, u la ïashem bad ki shakri u Dabid. Bad u Absalom u la shong halor u khashor, te uta u khashor u la leit hapoh ki tnat kiba khah jong uwei u dieng Sning uba heh, bad u la sahkut ka khlieh ha uta u dieng Sning, kumta u la sdien hapdeng ka bneng bad ka khyndew; bad uta u khashor uba hapoh jong u, u la phet noh.

Khasi CL Bible (BSI)

⁹ Kynsan u Absalom u ïakynduh katto katne ki rangbah jong u Dabid. U Absalom u dang shong ha u khashor, bad katba u khashor u dang ïaid napoh u dieng Sning uba heh, ka khlieh u Absalom ka sahkut ha ki tnat dieng. U khashor u la mareh bad u Absalom u la shah iehnoh da kaba sdien ha shiteng suiñ.

2 SAMUEL 18:9 ပူးပေါင်းရင်းမြစ်များ

2 SAMUEL 13:29

Bad ki shakri u Absalom ki la leh ïa u Amnon kumba u Absalom u la hukum. Hangta te ki khun shynrang u syiem baroh ki la khie, bad uwei uwei baroh u la shong halor la ka kadda, bad ki la phet ïap.

2 SAMUEL 14:26

Bad haba u la khi ïa la ka khlieh, (naba u la ju khi ïa la u shñiuh shi sien shi snem: namar ba u khia eh halor jong u, namar kata, u la ju khi ïa u:) u la ju thew ïa u 'ñiuh khlieh jong u arspah shekel, ha ka jingthew u syiem.

2 SAMUEL 17:23

Te haba u Ahithophel u la ïohi ba ym shym leh kumba u la pyni buit ma u, u la teh jin ha la ka kadda, bad u la ïeng, bad u la leit sha la ïing, ha ka shnong jong u, bad haba u la pynbeit ïa la ka ïing, u la phasi ïa lade; bad u la ïap, bad la tep ïa u ha u maw jingtep u kpa jong u.

2 SAMUEL 18:10

Te uwei u briew u la ïohi ïa kata, bad u la ïathuh ha u Joab, bad u la ong, “Ha khmih nga la ïohi ïa u Absalom ba la sdien ha u dieng Sning.”

2 SAMUEL 18:14

Hangta u Joab u la ong, “Nga ngam lah ïeng shuh kumne bad me.” Te u la shim lai tylli ki sum ha la ka kti, bad u sum ïa ki lyngba ïa ka dohnud u Absalom, haba u dang im hapdeng uta u dieng Sning.

2 SAMUEL 18:8

Naba ka thma ka la saphred hangta halor ka khmat kata ka ri baroh: bad ka khlaw hi ka la bam duh kham bun ki briew ha kata ka sngi ban ïa kaba ka la bam duh ka waitlam.

Ka Kitab U Job 31:3

Hato kam long ka jynjar ha u bymhok, bad ka jingjot ha ki nongleh bymman?

PROBERB 20:20

Jar uba tim ïa la u kpa lane ïa la ka kmie, ïa ka sharak jong u yn pynlip ha ka jingdum baïong ngaiñ.

PROBERB 30:17

Ka khmat kaba rkhiebeiñ ïa la u kpa, bad kaba ñiewbeiñ ban kohnguh ïa la ka kmie, ïa kata, ki tyngab ka ri them kin khlaw noh, bad ki khun pukni kin bam ïa ka.

JEREMAÏAH 48:44

“Uta uba phet noh na ka jingpynsheptieng un hap ha ka 'liewlep; bad uta uba kiew na ka 'liewlep un ngat ha ka jingriam: namar ngan wallam halor jong ka, halor ka Moab keiñ, ïa ka snem ka jingwan-i jong ki,” ong U Trai.

MATHAÏOS 27:5

Haba u la bred noh te ïa kita ki sbai ha ka ïing U Blei, u la leit noh bad u la leit sdien ïa lade.

MARKOS 7:10

naba u Moses u la ong, ‘Burom ïa la u kpa bad ïa la ka kmie’; bad, ‘Jar uba krenbeiñ ïa u kpa lane ïa ka kmie, un ïap da shisha’;

GALATIA 3:13

U Khrist u la siewspah ïa ngi na ka jingtim ka hukum, da kaba la pynlong ïa u ka jingtim na ka bynta jong ngi: namar la thoh: “Long ba la tim ïa uwei uwei baroh uba sdien ha u dieng”:

DEUTERONOMI 21:23

kan ym sah ka met jong u ha u dieng baroh shi miet, hynrei, la kumno kumno men tep ïa u ha kata ka sngi; namar ka jingtim U Blei ka don halor uta ba la phasi; ba yn ym pyntngit ïa ka ri jong me ïa kaba U Trai uba U Blei jong me u ai ha me kum ka jingïoh pateng.

DEUTERONOMI 27:16

“ ‘Ka jingtim ïa uta uba lehbeiñ ïa la u kpa lane ïa la ka kmie.’ Bad uta u paidlang baroh kin ïa-ong, ‘Amen.’

DEUTERONOMI 27:20

“ ‘Ka jingtim ïa uta uba thiah bad ka tnga u kpa jong u; namar u pynpaw rain ïa la u kpa.’ Bad uta u paidlang baroh kin ïa-ong, ‘Amen.’