2 SAMUEL 18:18 - KA BAIBL

¹⁸ Te u Absalom mynba u dang im u la shim bad u la pynïeng uta u mawbynna ïa lade uba ha ka them u syiem: naba u la ong, “Ngam don khun shynrang u ban pynlong jingkynmaw ïa ka kyrteng jong nga”: bad u la kyrteng ïa uta u mawbynna ha la ka jong ka kyrteng. Te haduh kane ka sngi, ki khot ïa uta, “u Maw u Absalom”.

Khasi CL Bible (BSI)

¹⁸ Mynba u dang im, u Absalom u la tei u mot na ka bynta ïa lade ha ka Them jong u Syiem, naba um don khun shynrang u ban ri pynim ïa ka kyrteng jong u. Kumta u la khot kyrteng ïa u da la ka jong ka kyrteng, bad haduh kane ka sngi la tip ïa u kum u Mot jong u Absalom.

2 SAMUEL 18:18 ပူးပေါင်းရင်းမြစ်များ

JENESIS 11:4

Ki la ïa-ong ruh, “Ïa, ngin ïatei ïa ka nongbah kawei ïa lade bad ïa ka kut ruh kawei, kaba ka kliar jong ka kan kot haduh ka bneng; bad to ngin ïathaw nam ïa lade, ba ïoh yn pynsakma kylleng ïa ngi ha khmat ka pyrthei baroh.”

JENESIS 11:9

Namar kata, la khot “Babel” ïa ka; naba U Trai u la pynbakla hangta ïa ka ktien ka pyrthei baroh: bad nangta ruh U Trai u la pynsakma ïa ki kylleng ha khmat ka pyrthei baroh.

JENESIS 14:17

Te u syiem ka Sodom u la wan tan ïa u Abram haba u wan phai na kaba shoh noh ïa u Khedorlaomer, bad ïa kita ki syiem kiba la don lem bad u, ha ka pynthor Shabeh, kaba long ka pynthor u syiem.

2 SAMUEL 14:27

Te ïa u Absalom la kha lai ngut ki khun shynrang, bad kawei ka kynthei, kaba kyrteng “ka Tamar”: ka la long ka kynthei kaba bhabriew.

SALM 109:13

Ai ban ot noh ïa ki khun ki ksiew jong u; ai ban pyndam noh ïa ka kyrteng jong ki ha ka pateng bynriew kaba bud.

SALM 49:11

Ka jingmut kaba hapoh jong ki, ka long, ba ki ïing jong ki kin neh junom, bad ki jaka shong jong ki pateng bynriew baroh; ki kyrteng ïa la ki khyndew ha la ki jong ki kyrteng.

ISAÏAH 22:16

‘Me leh aïu hangne? bad me don mano hangne, ba me la pom maw jingtep ïa lade hangne?’ da pom ïa u maw jingtep hajrong, da mutdur ïa ka jaka tep ïa lade ha u mawsiang!

JEREMAÏAH 22:30

Kumne u ong U Trai, “To thoh uba khlem khun ïa une u briew, u ban ym man bha ha ki sngi jong u: naba un ym man bha uno uno na u symbai jong u, u ban shong ha ka khet u Dabid, bad u ban synshar shuh ha Judah.”

DANIEL 4:30

U syiem u la ïathuh bad u la ong, “Hato kane kam long ka Babilon bakhraw, ïa kaba nga la tei ma nga ban long ka jaka shong syiem, da ka jingkhraw ka bor jong nga bad na ka bynta ka nam ka burom jong nga?”

JINGKHEIÑ 32:42

U Nobah ruh u la leit, bad u la jop ïa ka Kenath, bad ïa ki nongrit jong ka, bad u la khot kyrteng ïa ka, da la ka jong ka kyrteng “Nobah”.

1 SAMUEL 15:12

Te haba u Samuel u la khie dang step ïa ka ban ïashem bad u Saul kum lashai, te la ïathuh ha u Samuel da kaba ong, “U Saul u la leit sha Karmel, bad ha khmih, u la thung mawbynna ïa lade, bad u la ïaid kylleng, bad u la nang leit, bad u la leit hiar sha Gilgal.”