2 SAMUEL 17:9 - KA BAIBL

⁹ Ha khmih, u rieh ha kano kano ka krem, lane ha kano kano kawei pat ka jaka: bad haba kin kyllon katto katne na ki ha kaba sdang, te uno uno u ban ïohsngew ïa kata un ong keiñ, ‘Ka jingpynïap ka don hapdeng uta u paidbah uba bud ïa u Absalom.’

Khasi CL Bible (BSI)

⁹ Wat mynta hi u dang rieh ha kawei na ki krem lane ha kawei pat ka jaka. Hamar ba u Dabid u tur ïaleh ïa ki rangbah jong phi, kat uba ïohsngew ïa kata un ong ba ki rangbah jong phi ki la shahjop.

2 SAMUEL 17:9 ပူးပေါင်းရင်းမြစ်များ

2 SAMUEL 17:10

Hangta, wat uba shlur ruh, uba ka dohnud kum ka dohnud u sing, un jem noh jai: naba ki Israel baroh ki tip ba u kpa jong me u long uba shynrang ïapom, bad ba kita ki rangbah kiba bad u ki long kiba ïaw mynsiem.

2 SAMUEL 17:8

U Hushai u la ong ruh, “Me ithuh ïa la u kpa bad ïa ki rangbah jong u, ba ki long kiba shynrang ki briew, bad kiba bitar la ki jingmut, kum ka dngiem kaba la jah noh la ki khun ha khlaw: u kpa jong me u long u riewïapom ruh, te un ym sah miet ryngkat bad u paidbah.

JEREMAÏAH 41:9

Te kata ka 'liewlep, ha kaba u Ishmael u la bred ïa ki metïap baroh jong kita ki briew ïa kiba u la lah pynïap, hajan u Gedalaïah, (ka la long kata kajuh hi ïa kaba u Asa u syiem u la lah thaw namar ka jingsheptieng ïa u Baasha u syiem ki Israel,) u Ishmael u khun u Nethaniah u la pyndap ïa ka da kita ïa kiba la pynïap.

JOSHUA 7:5

Te kita ki briew jong ka Ai ki la pynïap na ki kumba laiphew hynriew ngut ki briew; bad ki la beh ïa ki na khmat ka khyrdop haduh Shebarim, bad ki la pynïap ïa ki ha ka riat: te ki dohnud uta u paidbah ki la um, bad ki la long kum ka um.

JOSHUA 8:6

ki ruh kin wan beh ïa ngi, ha ban da ngi la ring ïa ki na ka shnong; namar kin ong, ‘Ki phet na khmat jong ngi, kumba mynnyngkong;’ kumta ngin phet na khmat jong ki:

1 SAMUEL 22:1

U Dabid te, namar kata, u la leit noh nangta, bad u la phet noh sha ka krem Adullam: te haba ki hynmen jong u bad baroh ka ïing u kpa jong u ki la ïohsngew ïa kata, ki la ïaleit hiar noh shato sha u.

1 SAMUEL 23:22

Nga kyrpad ïa phi, to leit khreh bha, bad to tip skhem bad khmih bniah ïa ka jaka jong u ha kaba u shait ïaid, bad uei ba la ïohi ïa u hangta: naba ki ïathuh ha nga ba u leh sian shikatdei.

1 SAMUEL 24:3

Te ha lynti u la wan poi ha ki jingker ki langbrot, ha kaba la don ka krem; bad u Saul u la leit bsut ïa ka ban leit khyndew. Te u Dabid bad u paidbah jong u ki la ïashong rieh ha kaba kham shapoh kata ka krem;