2 SAMUEL 17:8 - KA BAIBL

⁸ U Hushai u la ong ruh, “Me ithuh ïa la u kpa bad ïa ki rangbah jong u, ba ki long kiba shynrang ki briew, bad kiba bitar la ki jingmut, kum ka dngiem kaba la jah noh la ki khun ha khlaw: u kpa jong me u long u riewïapom ruh, te un ym sah miet ryngkat bad u paidbah.

Khasi CL Bible (BSI)

⁸ Phi tip ba u Dabid, u kpa jong phi bad ki rangbah jong u ki long ki nongïaleh kiba satar, bad ba ki long kiba shyrkhei kum ka dngiem kmie kaba la shah knieh ïa ki khun jong ka. U kpa jong phi u dei u shipai uba la mlien bha bad um ju sah bad la ki rangbah mynmiet.

2 SAMUEL 17:8 ပူးပေါင်းရင်းမြစ်များ

2 SAMUEL 15:18

Te kita ki shakri jong u baroh ki la nang ïaid hajan jong u; ki Khereth baroh, bad ki Peleth baroh, bad ki Gitt baroh, hynriewspah ngut ki rangbah kiba la wan bud ïa u na Gath, ki la nang ïaid ha shuwa u syiem.

2 SAMUEL 17:9

Ha khmih, u rieh ha kano kano ka krem, lane ha kano kano kawei pat ka jaka: bad haba kin kyllon katto katne na ki ha kaba sdang, te uno uno u ban ïohsngew ïa kata un ong keiñ, ‘Ka jingpynïap ka don hapdeng uta u paidbah uba bud ïa u Absalom.’

2 SAMUEL 23:16

Te kita ki lai ngut ki rangbah badonbor ki la tur lyngba ïa u paidïapom ki Philistia, bad ki la tong um na kata ka pukri Bethlehem, kaba hajan ka khyrdop, bad ki la shim ïa ka, bad ki la wallam ha u Dabid: hynrei, um treh ban dih ïa ka, hynrei, u la theh noh ha U Trai.

2 SAMUEL 23:18

Bad u Abishai, u para u Joab, u khun ka Seruïah u la long rangbah na kine lai ngut. Te u la rah ïa la u sum pyrshah ïa laispah ngut bad u la pynïap ïa ki, bad u la donnam hapdeng kita lai ngut.

2 SYIEM 2:24

Te haba u la kyrtiang u la ïohi ïa ki, bad u la tim ïa ki ha ka kyrteng U Trai. Bad la mih ruh ar tylli ki dngiem kynthei na khlaw, bad la tar na ki, sawphew ar ngut ki khynnah.

PROBERB 17:12

Lah ba ka dngiem kaba la duh la ki khun kan ïashem bad u briew, ban ïa u babieit ha la ka jingbieit.

PROBERB 28:15

Kum u sing u bakyrhuh, bad ka dngiem ba ïaidwir; kumta long u nongsynshar bymman halor ki briew ki baduk.

ESEKIEL 19:2

“Ka kmie jong me ka long kaei? Ka sing: ka la dem hapdeng ki sing, ka la sumar ïa la ki khun hapdeng ki sing samla.

DANIEL 7:5

Bad ha khmih sa uwei pat u mrad u ba-ar, kum ka dngiem, te la khyllie shiliang ïa u, bad lai tylli ki shyieng krung ki la don ha ka shyntur jong u hapdeng ki bniat jong u: bad ki la ong kumne ha u, ‘To ïeng, to bam doh shibun.’

HOSIA 13:8

Ngan ïakynrup ïa ki kum ka dngiem kaba la duh noh la ki khun, bad ngan tar ïa ka jingsop kaba halor ka dohnud jong ki: te hangta ngan bam duh ïa ki kum u sing; u mrad khlaw un tar ïa ki.

NONGBISHAR 18:25

Bad ki khun u Dan ki la ong ha u, “Wat ai ban ïohsngew shuh ïa ka ktien jong me hapdeng jong ngi, ïoh ba ki briew babitar kin kynrup ïa me, bad men duh ïa la ka jingim, bad ki jingim kiba ha ïing jong me de.”

1 SAMUEL 16:18

Te uwei na kita ki shakri u la ïathuh, bad u la ong, “Ha khmih, nga la ïohi ïa uwei u khun u Jesse u nong Bethlehem, uba nang ha kaba tem bad uba khlaiñ bor, bad u long u nongïaleh thma, bad uba stad ktien, bad uba bhabriew lymphuin, bad U Trai ruh u don ryngkat bad u.”

1 SAMUEL 17:50

Kumta, u Dabid u la jop ïa uta u Philistia da ka jingshat maw bad da u maw, bad u la shoh ïa uta u Philistia, bad u la pynïap ïa u; la um don ka waitlam ruh ha ka kti u Dabid.

1 SAMUEL 23:23

To khmih te namar kata, bad to tip bha ïa kita ki jaka rieh baroh ha kiba u rieh, bad to wan phai pat sha nga khnang, te ngan ïaleit lem bad phi: bad lada u don ha kane ka ri, ngan wad ïa u kylleng ha ki hajar Judah baroh.”