2 SAMUEL 17:17 - KA BAIBL

¹⁷ Te u Jonathan bad u Ahimaas ki dang ïa-ap hajan En-rogel; bad ka samla ka ju leit ïathuh ha ki; ki ruh ki la leit ïathuh ha u syiem Dabid; naba kim bit ban pynpaw ïa lade ban wan sha shnong.

Khasi CL Bible (BSI)

¹⁷ U Jonathan, u khun jong u Abiathar, bad u Ahimaas, u khun jong u Sadok, ki dang ap hajan ka umpohliew Enrogel, kaba ha rudnong jong ka Jerusalem, namar kim nud ban rung shapoh ka nongbah ïoh don ba ïohi ïa ki. Kawei ka shakri kynthei ka ju leit ïathuh ha ki ïa kaei kaba jia, bad ki pat ki ju leit ïathuh ha u Syiem Dabid.

2 SAMUEL 17:17 ပူးပေါင်းရင်းမြစ်များ

2 SAMUEL 15:27

U syiem u la ong ruh ha u Sadok lyngdoh, “Me mem long u nongïohi? To phai noh te sha shnong ha kaba suk, bad kita ar ngut ki khun shynrang jong me lem bad me, u Ahimaas, u khun jong me, bad u Jonathan u khun u Abiathar keiñ.

2 SAMUEL 15:35

U Sadok bad u Abiathar ki lyngdoh keiñ, balei ki ruh kin ym don hangta lem bad me? namar kata, ïa ka ktien baroh kaba men ïohsngew na ka ïing u syiem, to men ïathuh ïa kata ha ki lyngdoh, u Sadok bad u Abiathar keiñ.

2 SAMUEL 15:36

Ha khmih, ki don hangta lem bad ki, ki khun shynrang jong ki baroh ar ngut, u Ahimaas u khun u Sadok, bad u Jonathan u khun u Abiathar; bad da kita men phah sha nga ïa kaei kaei baroh kaba men ïohsngew.”

1 SYIEM 1:42

Katba u dang kren, ha khmih, u Jonathan u khun u Abiathar u lyngdoh u la wan: bad u Adonijah u la ong, “To wan rung; naba me long u briew u babha bad me wallam ki khubor babha.”

1 SYIEM 1:9

Te u Adonijah u la pynïap ïa ki langbrot bad ki masi bad ïa kiba sngaid hajan u maw Soheleth, uba hajan En-rogel; bad u la khot ïa ki para jong u baroh ki khun u syiem, bad ïa baroh ki rangbah Judah ki shakri u syiem:

JOSHUA 15:7

bad ka pud ka la kiew artet sha Debir na ka them Akhor, bad kumta shatei, da phai shaphang Gilgal, kata ka long marpyrshah u thiep Adummim, uba long shaphang shathie na ka wah: kata ka pud ka la pom shaphang ki um En-shemesh, bad ka bakut jong ka, ka la long ha En-rogel:

JOSHUA 18:16

bad ka pud ka la hiar sha ka bakut uta u lum uba ha pyrshah ka them u khun u Hinnom, kaba ha ka them ki Rephaim shaphang shatei; bad ka la hiar sha ka them u Hinnom, markhap ki Jebus shaphang shathie, bad ka la hiar sha En-rogel;