2 SAMUEL 17:16 - KA BAIBL

¹⁶ Mynta te, to phah kloi ban ïathuh ha u Dabid, da kaba ong, ‘Wat sah miet mynta ha ki khriang ka ri khlaw, hynrei, la kumno kumno khie leit sha shiliang; ba ïoh yn bam duh ïa u syiem, bad ïa uta u paidbah baroh uba don lem bad u.’ ”

Khasi CL Bible (BSI)

¹⁶ U Hushai u bynrap, “Pynkloi, mynta! phah khubor sha u Dabid ban ym sahmiet ha ki jaka jam wah ha ka ri khlaw, hynrei ban jam mar mar ïa ka Jordan, ba kumta ma u bad ki rangbah jong u baroh kin ym shah kem bad shah pynïap.”

2 SAMUEL 17:16 ပူးပေါင်းရင်းမြစ်များ

2 SAMUEL 15:14

Bad u Dabid u la ong ha la ki shakri baroh kiba la don lem bad u ha Jerusalem, “Ïeng, to ngin ïaphet noh; lymda kumta, ngin ym lait mano mano na u Absalom: to pynkloi ïa ka ban leit, ba ïoh un lap kyndit ïa ngi, bad wallam ka jingjynjar halor jong ngi, bad ba un pom ïa kane ka shnong da ka syrti waitlam.”

2 SAMUEL 15:28

Ha khmih, ngan shong ha ki khriang ka ri khlaw, haduh ban da poi ktien na phi ïa ka ban pyntip ïa nga.”

2 SAMUEL 15:35

U Sadok bad u Abiathar ki lyngdoh keiñ, balei ki ruh kin ym don hangta lem bad me? namar kata, ïa ka ktien baroh kaba men ïohsngew na ka ïing u syiem, to men ïathuh ïa kata ha ki lyngdoh, u Sadok bad u Abiathar keiñ.

SALM 35:25

Wat ai ba kin ong ha la ka dohnud, “Kok, kumta keiñ ngi kwah:” wat ai ba kin ong, “Ngi la nguid noh ïa u.”

SALM 55:8

Nga la pynkloi noh sha ka jaka rieh, na ka lyer bajur bad ka 'erïong.

SALM 56:2

Ki nongshun jong nga baroh shi sngi ki kwah ban nguid ïa nga: naba ki long shibun kiba ïaleh da kaba sarong ïa nga.

SALM 57:3

Un phah na bneng, bad un pynim ïa nga, haba uta uba kwah ban nguid ïa nga, u krenbeiñ; Selah. U Blei un phah noh ïa la ka jingisynei bad ïa la ka jingshisha.

1 KORINTH 15:54

te ynda kane kaba pyut kan phong ïa ka bympyut, bad kane ka baïap kan phong ïa ka bymïap, ynda kumta, yn pyndep khoit ïa kata ka jingong ïa kaba la thoh: “Ïa ka jingïap la nguid noh khoit ha ka jingjop.”

2 KORINTH 5:4

Namar ngi kiba don ha kane ka ïingtrep ngi ud sat, ba la pynkit khia ïa ngi, ym naba ngi kwah ban loit noh ïa ka, hynrei, ban ïoh pynphong halor, ba kumta, yn ïoh nguid noh ïa kane kaba ïap da ka jingim.

1 SAMUEL 20:38

Bad u Jonathan u la pyrta nadien uta u khynnah, “Pynstet, pynkloi, wat da ap.” Bad uta u khynnah u Jonathan u la khar ïa kita ki khnam, bad u la wan phai sha la u kynrad.