2 SAMUEL 17:14 - KA BAIBL

¹⁴ Bad u Absalom bad ki rangbah Israel baroh ki la ïa-ong, “Ban ïa ka jingpynibuit u Ahithophel lah ka jingpynibuit u Hushai u nong Arkhi.” Naba U Trai u la buh khnang ban pynduh noh ïa ka jingpynibuit ka babha u Ahithophel, khnang ba U Trai un ïoh pynwan ïa ka jingsniew halor u Absalom.

Khasi CL Bible (BSI)

¹⁴ U Absalom bad ki Israel baroh ki ong, “Ka jingai jingmut jong u Hushai ka kham bha ban ïa ka jong u Ahithophel.” U Trai u la rai ban pynpulom ïa ka jingai jingmut babha ka jong u Ahithophel, khnang ba ka jingjot kan wan ha u Absalom.

2 SAMUEL 17:14 ပူးပေါင်းရင်းမြစ်များ

JENESIS 32:28

U Angel pat u la ong, “Yn ym khot shuh ïa ka kyrteng jong me, ‘u Jakob’, hynrei ‘u Israel’: naba kum u syiem me la ïoh bor bad U Blei bad ki briew, te me la jop ruh.”

2 SAMUEL 15:31

Te la don uba la ïathuh ha u Dabid, da kaba ong, u Ahithophel ruh u don hapdeng kita kiba ïashetsylla bad u Absalom. Bad u Dabid u la ong, “A Trai, nga kyrpad ïa me, to pynkylla jingbieit ïa ka buit sian u Ahithophel.”

2 SAMUEL 15:34

hynrei, lada men leit phai pat sha shnong, bad ba men ong ha u Absalom, ‘Ngan long u shakri jong me, ko syiem; baroh shi katta nga la long u shakri u kpa jong me, mynta te ngan long u shakri jong me’: kumta me lah ban pynduh noh na ka bynta jong nga ïa ka buit sian u Ahithophel.

2 SAMUEL 16:23

Te ka jingpynibuit u Ahithophel, kaba u ju pyni buit ha kita ki sngi, ka la long kumjuh kumba la ïakylli na ka ktien U Blei: kumta keiñ, ka la long ka jingpynibuit u Ahithophel baroh, ha u Dabid ruh bad ha u Absalom de.

2 KHRONIKL 10:15

Kumta, u syiem um shym shahshkor ha u paidbah; namar ka la long kaba la pynjia da U Blei, ba U Trai un ïoh pynskhem ïa la ka ktien, kaba u la kren da ka kti u Ahijah u nong Shilon ha u Jeroboam u khun u Nebat.

2 KHRONIKL 10:8

Hynrei, u la lyndet ïa ka jingpyni ki tymmen kaba ki la ai ha u, bad u la ïapyrkhat bad ki samla kiba ïasan ryngkat bad u, kiba ju ïeng ha khmat jong u.

2 KHRONIKL 25:16

Te katba u dang kren bad u, u syiem u la ong ha u, “Hato ngi la thung ïa me na ka jingsylla jong u syiem? Sngap jar; balei yn shoh ïap ïa me?” Ynda kumta, u nongïathuhlypa u la sngap, bad u la shu ong, “Nga tip ba U Blei u la thmu ban pynjot ïa me, namar me la leh ïa kane, bad mem shym la shahshkor ïa ka jingpyni jong nga.”

2 KHRONIKL 25:20

Hynrei, u Amasaïah um sngap satia; naba ka la long na U Blei, ba un ïoh ai noh ïa ki ha ka kti ki nongshun jong ki, namar ba ki la leit wad ïa ki blei ka Edom:

NEHEMAÏAH 4:15

Bad haba ki nongshun jong ngi ki la ïohsngew ba ngi la tip ïa kane, bad ba U Blei u la pyndam noh ïa ka jingsylla jong ki, ngi baroh ngi la leit pat sha ka kynroh, uwei pa uwei ha la ka kam.

Ka Kitab U Job 12:17

U ïalam noh ïa ki riewsaid ynda la lute ïa ki, bad u pynlong kiba bieit ïa ki nongbishar.

SALM 9:15

Kita ki jaid bynriew ki la ngam ha kata ka 'liewlep kaba ki la thaw: ha kata ka jar kaba ki la buhrieh ka la ngat ka kjat jong ki hi.

SALM 9:16

U Trai u la pynithuh ïa lade, u la pyndep ïa ka jingbishar: ïa u bymman la riam ha ka kam ki kti jong u hi. Higgaion. Selah.

EKSODOS 9:16

hynrei, shisha na ka bynta kane hi nga la pynïeng ïa me, ïa ka ban pyni ha me ïa ka bor jong nga, bad ïa ka ban pynbna ïa ka kyrteng jong nga de ha ka pyrthei baroh kawei.

PROBERB 19:21

Don bun ki buit ha ka dohnud u briew; hynrei, ka jingpyrkhat U Trai, kata ka ban neh.

PROBERB 21:30

Ym don lymne ka jingstad lymne ka jingshemphang lymne ka jingpyrkhat ba-ïaleh ïa U Trai.

ISAÏAH 8:10

To ïasylla lem, te yn pynduh noh ïa ka; to kren ïa ka ktien, te kan ym neh: namar U Blei u don lem bad ngi.

SNGEWSYNEI 3:37

Uei uta uba ong, bad ka wan jia, haba U Trai um hukum ïa kata?

AMOS 9:3

Bad la ki buhrieh ïa lade ha khlieh u Karmel, ngan wad bad ngan shim noh ïa ki nangta; bad la ki ïarieh na khmat jong nga ha trai ka duriaw, nangta ngan hukum ïa u bseiñ, te un puh ïa ki.

LOUKAS 16:8

Te u kynrad jong u, u la ïaroh ïa uta u sordar bymhok, namar ba u la leh sian; naba ki khun jong kane ka pyrthei ki kham sian ha la ka pateng bynriew hi, ban ïa ki khun ka jingshai.

1 KORINTH 3:19

Namar kata ka jingstad jong kane ka pyrthei, ka long ka jingbieit ha U Blei. Namar la thoh: “U kem ïa ki bastad ha ka buit sianti jong ki hi.”

DEUTERONOMI 2:30

Hynrei, u Sihon u syiem ka Heshbon um shah keiñ ïa ngi ban ïaid lait hajan jong u: naba U Trai uba U Blei jong me u la pyneh ïa ka mynsiem jong u, bad u la pynmutlop ïa ka dohnud jong u, khnang ban aiti ïa u ha ka kti jong me, kumba ka paw ha kane ka sngi.

JOSHUA 11:20

Namar ka la long na U Trai ban pyneh ïa ki dohnud jong ki, ba kin wan ïaleh ïa ki Israel ha ka thma, ba un ïoh pynduh ïa ki khoit, ba kin ym ïoh ka jingisynei, hynrei, ba un pynduh ïa ki, kumba U Trai u la hukum ïa u Moses.