2 SAMUEL 17:11 - KA BAIBL

¹¹ Hynrei, nga pyni buit ban lum khar paid ïa ki Israel baroh phar sha me, naduh Dan haduh Beer-sheba, u paidbah babun kat u shyiap uba harud ka duriaw; bad ba men leit ma me ruh da la ka met sha ka thma.

Khasi CL Bible (BSI)

¹¹ Ka jingai jingmut jong nga ka long ba phin lumlang ïa ki Israel baroh na kawei ka tduh jong ka ri sha kawei pat, ki ban bun kat u shyiap ka rud duriaw, bad ba ma phi da lade hi phin ïalam ïa ki ha ka thma.

2 SAMUEL 17:11 ပူးပေါင်းရင်းမြစ်များ

JENESIS 13:16

Ngan pynlong ruh ïa u symbai jong me kum ka 'dewmet ka khyndew: kumta keiñ, ba lada u briew u lah ban ñiew ïa ka 'dewmet ka khyndew, kumta te ïa u symbai jong me ruh yn lah ban ñiew.

JENESIS 21:14

Ynda kumta, u Abraham u la khie dang step eh, bad u la shim ïa u kpu, bad ïa ka um shi lywa snieh, u la ai ruh ïa ki ha ka Hagar, u da buh ïa ki ha ka tyrpeng jong ka, bad ïa uta u khynnah ruh, bad u la phah noh ïa ka: ka ruh ka la leit noh, bad ka la ïaid sakma ha ka ri khlaw Beer-sheba.

JENESIS 22:17

bad da kaba kyrkhu ngan da kyrkhu shisha ïa me, bad da kaba pynroi ngan da pynroi shisha ïa u symbai jong me kat ki khlur bneng, bad kum u shyiap uba harud ka duriaw; bad u symbai jong me un ïoh bat ha lade ïa ki khyrdop ki nongshun jong u;

2 SAMUEL 12:28

Mynta te namar kata, to lum lang ïa kiba dang sah na u paidbah, bad to ïaleh ïa ka shnong, bad jop ïa ka: ïoh haba nga la jop ma nga ïa ka shnong, ngan kyrteng ïa ka ha ka kyrteng jong nga.”

2 SAMUEL 24:2

Te u syiem u la ong ha u Joab u kaptan jong u paidïapom, uba la don lem bad u, “Khie leit te kylleng ïa ki jaid Israel baroh, naduh Dan haduh Beer-sheba, bad to kheiñ ïa u paidlang, ba ngan ïoh tip ïa ka jingkheiñ jong u paidlang.”

2 SAMUEL 3:10

da kaba pynphai noh ïa ka jinglong syiem na ka ïing u Saul, bad pynïeng la ka khet u Dabid halor ki Israel bad halor ki Judah, naduh Dan haduh Beer-sheba.”

1 SYIEM 20:10

Bad u Benhadad u la phah ha u, bad u la ong, “To ki blei kin leh kumta ïa nga, bad tam ruh, lada ka khyndew ka Samaria kan biang mar shi kham shi kham ïa u paidbah uba bud ïa nga.”

1 SYIEM 4:20

Ki Judah bad ki Israel ki bun kat u shyiap harud duriaw ha ka jingbun, ki ïabam ki ïadih bad ki ïalehkmen.

SALM 9:16

U Trai u la pynithuh ïa lade, u la pyndep ïa ka jingbishar: ïa u bymman la riam ha ka kam ki kti jong u hi. Higgaion. Selah.

JOSHUA 11:4

Te ki la mih noh, ma ki bad baroh ki paidïapom jong ki ryngkat bad ki, shibun ki briew, kat u shyiap uba harud duriaw ha ka jingbun lem bad ki kulai bad ki kali shibun eh.

NONGBISHAR 20:1

Ynda kumta, ki khun Israel baroh ki la mih noh, bad u paidlang u la ïalum lang kum kawei, naduh Dan haduh Beer-sheba, lem bad ka ri Gilead, sha U Trai ha Mispah.

1 SAMUEL 13:5

Bad ki Philistia ki la ïalum lang ban ïaleh thma ïa ki Israel, laiphew hajar ki kali ïapom, bad hynriew hajar ki shipai bashong kulai, bad u paidbah byllien kat u shyiap uba harud ha duriaw: bad ki la wan kiew bad ki la ïasher dara ha Mikhmash, shaphang mihngi na Beth-aben.

1 SAMUEL 3:20

Te ki Israel baroh naduh Dan haduh Beer-sheba ki la tip ba la pynskhem ïa u Samuel ban long u nongïathuhlypa jong U Trai.