2 SAMUEL 16:7 - KA BAIBL

⁷ Bad u Shimei haba u tim u ong kumne, “Khie leit noh me, Khie leit noh me, u briew uba bit snam, me u briew u Belial:

Khasi CL Bible (BSI)

⁷ U Shimei u la tim ïa u bad u ong, “Phet noh! Phet noh! Me u nongpynïap briew! Me u nongkamsniew!

2 SAMUEL 16:7 ပူးပေါင်းရင်းမြစ်များ

2 SAMUEL 12:9

Balei te me la beiñ ïa ka ktien U Trai, ïa ka ban leh sniew ha khmat jong u? Ïa u Uriah u kynja Hit me la pynïap da ka waitlam, bad ïa ka tnga jong u me la shim ban long ka tnga jong me, bad me la pynïap ïa u da ka waitlam ki khun u Ammon.

2 SAMUEL 16:6

Bad u la shat maw ïa u Dabid, bad ha ki shakri u syiem Dabid baroh; te u paidbah baroh bad kita kiba shynrang ïapom baroh ki la don sha kamon bad sha kadiang jong u.

2 SAMUEL 19:21

Hynrei, u Abishai u khun ka Seruïah u la ïathuh bad u la ong, “Namar kane pleng yn ym pynïap ïa u Shimei, haba u la tim ïa uba la sleh jong U Trai?”

2 SAMUEL 20:1

Te la jia ba la don hangta u briew u Belial uba kyrteng “u Sheba”, u khun u Bikhri, u kynja Benjamin: une te u la put ïa ka ronsing, bad u la ong, “Ngi ngim don ka bynta ha u Dabid, lymne ngim don ka bynta ba hap ha u khun u Jesse: to uwei uwei baroh sha la ki ïingjaiñ, ko Israel.”

2 SAMUEL 3:37

Bad u paidbah baroh ki la sngewthuh ha kata ka sngi ba ym shym long na u syiem ba la pynïap ïa u Abner u khun u Ner.

1 SYIEM 21:10

bad buh ar ngut ki briew, ki khun u Belial, ha khmat jong u, bad to kin sakhi pyrshah ïa u, da kaba ong, ‘Me la tim ïa U Blei bad ïa u syiem.’ Bad hadien kata sa sei ïa u, bad phin lynthem maw ïa u, ba un ïap.”

1 SYIEM 21:13

Bad kita ar ngut ki briew, ki khun u Belial, ki la rung bad ki la shong ha khmat jong u: bad kita ki briew u Belial ki la sakhi pyrshah ïa u, ïa u Naboth keiñ, ha khmat uta u paidbah, ki da ong, “U Naboth u la tim ïa U Blei bad ïa u syiem.” Ynda kumta, ki la leit lam noh ïa u shabar ka shnong bad ki la lynthem ïa u da ki maw, ha ban da ïap.

SALM 3:2

Ki don shibun kiba ong shaphang ka mynsiem jong nga, “Ym don ka jingïarap ïa u ha U Blei.” Selah

SALM 5:6

Men pynjot ïa kita kiba kren lamler: U Trai u isaitmet ïa u briew uba bit snam bad uba shukor.

SALM 51:14

To pyllait ïa nga na ka jingbit snam, A U Blei, me U Blei ka jingpynim jong nga; te u thylliej jong nga un rwai jam shaphang ka hok jong me.

SALM 55:3

namar ka jingsawa u nongshun, namar ka jingbanbeiñ jong u bymman; namar ki shat ïa ka jingleh bymhok halor jong nga, bad ha ka jingbitar ki behbeiñ ïa nga.

SALM 55:4

Ka dohnud jong nga ka suhsat hapoh jong nga: bad ki jingshyrkhei ka jingïap ki la ngat ha nga.

DEUTERONOMI 13:13

‘Ba don ki briew, ki khun u Belial, ki la ïaleit mih noh napdeng jong phi, bad ki la ïa-pynkynriah noh ïa ki trai-shnong ka nongbah jong ki, da kaba ong, “Ïa ngin ïaleit shakri ïa kiwei pat ki blei,” ’ ïa kiba phim ju la ithuh keiñ;

1 SAMUEL 2:12

Te ki khun u Eli ki la long ki khun u Belial; kim ithuh ïa U Trai.

1 SAMUEL 25:17

Mynta te namar kata, to tip bad to pyrkhat ïa kaei ba phan sa leh; namar la thew ïa ka basniew ïa u kynrad jong ngi, bad ka ïing jong u baroh: naba u long u khun u Belial katta katta, katba ym lah ïakren shuh bad u.”