2 SAMUEL 16:4 - KA BAIBL

⁴ Ynda kumta, u syiem u la ong ha u Siba, “Ha khmih, kiei kiei baroh ki jong u Mephibosheth ki long ki jong me.” U Siba te u la ong, “Nga nguh kyrpad ïa me; to ai ngan shem sngewbha ha khmat jong me, ko syiem kynrad.”

Khasi CL Bible (BSI)

⁴ U syiem u ong ha u Siba, “Baroh kaba dei ka jong u Mephibosheth ka long ka jong me.” “Nga long u shakri jong phi,” u Siba u jubab. “Ai ba ngan ïai pynsngewbha ïa U Syiem Kynrad.”

2 SAMUEL 16:4 ပူးပေါင်းရင်းမြစ်များ

2 SAMUEL 14:22

Bad u Joab u la dem ngon la ka khmat, bad u la nguh, bad u la kyrkhu ïa u syiem. Bad u Joab u la ong, “Ha kane ka sngi, u shakri jong me u tip ba nga la shem ka jingsngewbha ha khmat jong me, ko syiem kynrad, namar ba u syiem u la leh ïa ka jingkyrpad u shakri jong u.”

2 SAMUEL 14:4

Te haba kata ka briew kaba na Tekoa ka la kren ha u syiem, ka la dem ngon la ka khmat haduh khyndew, bad ka la nguh de, bad ka la ong, “Ko syiem, to ïarap.”

2 SAMUEL 14:8

Te u syiem u la ong ha kata ka briew, “To khie leit sha la ïing, ngan sa pynmih hukum shaphang jong pha.”

2 SAMUEL 16:3

Te u syiem u la kylli, “Hynrei hangno uta u khun u kynrad jong me?” Bad u Siba u la ïathuh ha u syiem, “Ha khmih, u sah ha Jerusalem keiñ: naba u la ong, ‘Ha kane ka sngi ka ïing Israel kan aiti pat ha nga ïa ka hima u kpa jong nga.’ ”

2 SAMUEL 16:5

Te haba u syiem Dabid u la poi haduh Bahurim, ha khmih, la mih nangta uwei u briew uba na ka kur ka ïing u Saul, uba kyrteng “u Shimei”, u khun u Gera: une te u la wan mih, u da tim ïaïaid.

2 SAMUEL 19:27

Bad u la kren siar sniew ïa la u shakri ha u syiem kynrad jong nga; hynrei, u syiem kynrad jong nga u long kum u angel U Blei: namar kata, to leh ïa kaba ibit ha khmat jong me.

2 SAMUEL 9:6

Te haba u Mephibosheth, u khun u Jonathan, u khun u Saul, u la wan ha u Dabid, u la dem ngon, bad u la nguh de. Bad u Dabid u la ong, “Mephibosheth.” U ruh u la ïathuh, “Ha khmih u shakri jong me!”

2 SAMUEL 9:9

Ynda kumta, u syiem u la khot ïa u Siba, u shakri u Saul, bad u la ong ha u, “Ïa kita kiei kiei baroh kiba la dei ki jong u Saul bad ki jong ka ïing jong u baroh nga la aiti noh ha u khun u kynrad jong me.

EKSODOS 23:8

Wat bamsap: naba kaba bamsap ka pynmatlah ïa ki bastad, bad ka pynbakla ruh ïa ki ktien jong ki bahok.

PROBERB 18:13

Uba ai jubab haba um pat ïohsngew, ka long ka jingbieit bad ka jinglehrain ïa u.

PROBERB 18:17

Uta uba ïasaid shuwa ïa la ka kam, u imat hok; hynrei, u paramarjan jong u, u wan bad u khmih ïit ïa u.

PROBERB 19:2

Ruh, ba ka mynsiem ka long khlem jingtip kam long ka babha; bad uba pynkloi da la ki kjat u leh pop.

DEUTERONOMI 19:15

“Wat shah ïa u nongsakhi ba tang uwei, ban ïeng ïaleh pyrshah ïa u briew namar kano kano ruh ka jingpalat, lane namar kano kano ruh ka pop, ha kano kano ka pop baroh ba u leh pop: da ka shyntur ar ngut ki nongsakhi, lane da ka shyntur lai ngut ki nongsakhi, yn pynskhem ïa kata ka kam.