2 SAMUEL 16:23 - KA BAIBL

²³ Te ka jingpynibuit u Ahithophel, kaba u ju pyni buit ha kita ki sngi, ka la long kumjuh kumba la ïakylli na ka ktien U Blei: kumta keiñ, ka la long ka jingpynibuit u Ahithophel baroh, ha u Dabid ruh bad ha u Absalom de.

Khasi CL Bible (BSI)

²³ Ïa kano kano ka jingai jingmut ba u Ahithophel u la ai ha kito ki sngi, la pdiang kumba ka long hi ka ktien jong U Blei; u Dabid bad u Absalom baroh ar ngut ki bud ïa ka.

2 SAMUEL 16:23 ပူးပေါင်းရင်းမြစ်များ

2 SAMUEL 15:12

Bad u Absalom u la phah khot ïa u Ahithophel u nong Gilon, u myntri jong u Dabid, na la ka shnong, kata na Giloh, mynba u dang kñia ïa kita ki jingkñia. Te kata ka jingshetsylla ka la jur; naba u paidbah uba bad u Absalom u la nang bun nang bun.

2 SAMUEL 15:31

Te la don uba la ïathuh ha u Dabid, da kaba ong, u Ahithophel ruh u don hapdeng kita kiba ïashetsylla bad u Absalom. Bad u Dabid u la ong, “A Trai, nga kyrpad ïa me, to pynkylla jingbieit ïa ka buit sian u Ahithophel.”

2 SAMUEL 17:1

U Ahithophel u la ong ruh ha u Absalom, “To shah mynta ba ngan jied khat-ar hajar ki rangbah, bad ngan mih bad ngan beh nadien u Dabid ha kane hi ka miet:

2 SAMUEL 17:14

Bad u Absalom bad ki rangbah Israel baroh ki la ïa-ong, “Ban ïa ka jingpynibuit u Ahithophel lah ka jingpynibuit u Hushai u nong Arkhi.” Naba U Trai u la buh khnang ban pynduh noh ïa ka jingpynibuit ka babha u Ahithophel, khnang ba U Trai un ïoh pynwan ïa ka jingsniew halor u Absalom.

2 SAMUEL 17:23

Te haba u Ahithophel u la ïohi ba ym shym leh kumba u la pyni buit ma u, u la teh jin ha la ka kadda, bad u la ïeng, bad u la leit sha la ïing, ha ka shnong jong u, bad haba u la pynbeit ïa la ka ïing, u la phasi ïa lade; bad u la ïap, bad la tep ïa u ha u maw jingtep u kpa jong u.

Ka Kitab U Job 28:28

Bad ha u briew u la ong, ‘Ha khmih, ka jingsheptieng ïa U Trai, kata kaba long ka jingstad; bad kaba kynriah na ka jingsniew ka long ka jingshemphang.’ ”

Ka Kitab U Job 5:12

U pynduh ïa ki buit jong kiba sianti, ba kumta ki kti jong ki kim lah pyndep ïa la ka jingthmu.

SALM 19:7

Ka aiñ U Trai ka long kaba janai, kaba pynbha pat ïa ka mynsiem: ka jingphla U Trai ka long kaba skhem, kaba pynstad ïa uba shida.

SALM 28:2

To sngew ïa ka ktien ki jingkyrpad jong nga, haba nga pyrta ha me, haba nga rah ïa la ki kti sha ka orakl bakhuid jong me.

EKLESIASTIS 10:1

Ki skain baïap ki pyniwtung ïa ka jingsleh bakordor u nongshna jingiwbih: kumta, khyndiat ka jingbieit ka kham lah ïa ka jingstad bad ka burom.

JEREMAÏAH 4:22

“Naba ki briew jong nga ki la bieit, kim ithuh ïa nga; ki long ki khynnah ki babieit, kim don jingsngewthuh ei ei: ki long ki basian ïa ka ban leh sniew, hynrei, ïa ka ban leh bha kim tip ei ei.”

JEREMAÏAH 8:9

Ki briew ki bastad ki la lehrain, la pynkhaw-eit bad la kem ïa ki: ha khmih, ki la kyntait ïa ka ktien U Trai; te ka jingstad kaba kumno ka don ha ki?

JINGKHEIÑ 27:21

Te un ïeng ha khmat u Eleasar lyngdoh, u ban ïakylli na ka bynta jong u, katba kum ka jingbishar ki Urim ha khmat U Trai: da ka ktien jong u, kin ïamih noh shabar, bad da ka ktien jong u, kin ïawan shapoh, ma u, bad ki khun Israel baroh ryngkat bad u, bad u paidlang baroh ruh de.”

MATHAÏOS 11:25

Mynkata U Jisu u la ïathuh bad u la ong: “Nga nguh ïa me, ko Kpa, U Trai ka bneng bad ka khyndew, ba me la buhrieh ïa kine kiei kiei ruh na ki bastad bad ki basian, bad ba me la pynpaw ïa ki ha ki khunlung:

LOUKAS 16:8

Te u kynrad jong u, u la ïaroh ïa uta u sordar bymhok, namar ba u la leh sian; naba ki khun jong kane ka pyrthei ki kham sian ha la ka pateng bynriew hi, ban ïa ki khun ka jingshai.

Ka Shithi U Paul Sha Ki Nong Rom 1:22

Haba ki kren phlan duman ba ki long ki bastad, ki la man bieit noh pynban;

1 PETROS 4:11

Lada uno uno ruh u kren, un kren keiñ kum ki jingong U Blei; lada uno uno ruh u leh basan, to un leh kum na ka bor ba ai U Blei: ba ha kiei kiei baroh yn ïoh pyndonburom ïa U Blei da U Jisu Khrist, ha uba long ka burom bad ka jingsynshar sha ki bymjukut ki bymjukut: Amen.

1 SAMUEL 30:8

Te u Dabid u la kylli na U Trai, u da ong, “Lada ngan beh nadien une u paid, ngan lap ïa u ne em?” U ruh U la ïathuh ha u, “To beh; namar men lap shisha, bad da shisha men ïoh pat ïa kiei kiei baroh.”