2 SAMUEL 16:2 - KA BAIBL

² Bad u syiem u la ong ha u Siba, “Me mut aïu da kine?” Te u Siba u la ïathuh, “Kine ki kadda ki long ïa ki ba-ha-ïing u syiem ba kin shong halor jong ki; bad kine ki kpu bad ki soh lyiur ïa ki samla ba kin bam; bad kane ka Waiñ ïa kat kiba la thait ha ri khlaw ba kin ïoh dih.”

Khasi CL Bible (BSI)

² U Syiem Dabid u kylli ïa u, “Men leh aïu ïa kine katne katne?” U Siba u jubab, “Ki kada ki dei na ka bynta ki ba-ha-ïing jong u Syiem Kynrad ban shong, u kpu bad u soh ki dei na ka bynta ki rangbah jong phi ban bam, bad ka waiñ ka dei na ka bynta jong ki ban dih haba ki la thait ha ka ri khlaw.”

2 SAMUEL 16:2 ပူးပေါင်းရင်းမြစ်များ

JENESIS 21:29

Ynda kumta, u Abimelekh u la ong ha u Abraham, “Hato ïa-ei kine ki hynñiew tylli ki khun langbrot kynthei ïa kiba me la buh kyrpang?”

JENESIS 33:8

Bad u la kylli, “Ïa ka ban lei kane ka kynhun bah jong me baroh ïa kaba nga la ïashem?” Bad u Jakob u la ïathuh, “Ïa ka ban ïoh ïa ka jingmonbha keiñ ha khmat u kynrad jong nga.”

2 SAMUEL 15:1

Hadien kane te, u Absalom u la khreh ïa lade ki kali bad ki kulai, bad sanphew ngut ki briew ïa ka ban phet ha shuwa jong u.

2 SAMUEL 15:23

Bad kata ka ri baroh ka la ïam da ka ktien kaba jam, bad uta u paidbah baroh u la leit sha shiliang: u syiem hi ruh u la leit sha shiliang i wah Kidron, bad u paidbah baroh u la leit sha shiliang, shaphang ka lynti ka ri khlaw.

2 SAMUEL 17:29

bad ka ngap, bad ka makhon, bad ki langbrot, bad ka ktung dud masi, ha u Dabid bad ha uta u paidbah uba bad u, ba kin ïoh bam: naba ki la ong, “U paidbah u thngan bad u la thait, bad u sliang, ha kane ka ri khlaw.”

2 SAMUEL 19:26

U te u la ïathuh, “Ko syiem kynrad, u shakri jong nga u la shukor ïa nga: naba u shakri jong me u la ong, ‘Ngan sa teh jin ïa ka kadda, ba ngan shong halor jong ka, ba ngan dup leit bad u syiem,’ naba u shakri jong me u ba-dkoh.

ESEKIEL 37:18

Te haba ki khun ki briew jong me kin kren ha me, ki ïa-ong, ‘Men ym pynpaw ha ngi me mut aïu da kine?’

NONGBISHAR 10:4

Bad u la don laiphew ngut ki khun shynrang kiba shong halor laiphew tylli ki khun kadda, bad ki la don laiphew tylli ki shnong, ïa kiba la khot “Habboth-jair” haduh kane ka sngi, kiba don ha ri Gilead.

NONGBISHAR 5:10

“To ïalap phi, kiba shong halor ki kadda lieh, phi kiba shong halor ki stranji bakordor, bad phi kiba ïaid ha ka lynti.

1 SAMUEL 14:28

Te uwei na kita ki briew u la ïathuh, bad u la ong, “U kpa jong me u la hukum skhem ïa ki briew da ka jingsmai, u da ong, ‘Long ba la tim ïa uta u briew u ban bam jingbam ha kane ka sngi.’ Te ki briew ki la sngewlwait.”

1 SAMUEL 25:27

Te mynta kane ka jingai sngewbha kaba ka shakri jong me ka la wallam ïa u kynrad jong nga, to kan long ka jong kine ki samla kiba bud ïa u kynrad jong nga.