2 SAMUEL 16:11 - KA BAIBL

¹¹ Bad u Dabid u la ong ha u Abishai, bad ha la ki shakri baroh, “Ha khmih, u khun jong nga, uba la mih na ka kpoh jong nga, u wad ïa ka jingim jong nga: sa katno tam te kumta une u kynja Benjamin? To iehnoh ïa u, un wat tim; naba U Trai u la hukum ïa u.

Khasi CL Bible (BSI)

¹¹ Bad u Dabid u ong ha u Abishai bad ha ki rangbah synshar jong u baroh, “U khun jong nga hi u pyrshang ban pynïap ïa nga, te balei phin lyngngoh ïa une u nong Benjamin? U Trai u la ong ïa u ban tim; kumta wat pynwit ïa u, ai un leh ïa ka.

2 SAMUEL 16:11 ပူးပေါင်းရင်းမြစ်များ

JENESIS 15:4

Bad ha khmih, ka ktien U Trai ka la wan kumne ha u, ka da ong, “Une un ym ïoh long u nongïoh pateng jong me; hynrei, uta u ban mih noh keiñ na ka kpoh jong me hi un long u nongïoh pateng jong me.”

JENESIS 45:5

Hynrei, mynta, wat ïasngewsih shuh, bad wat ïasngewbitar ïa lade ruh, namar ba phi la die noh ïa nga shane: naba ïa ka ban pynim ïa ki mynsiem, U Blei u la phah ïa nga sha shuwa jong phi.

2 SAMUEL 20:1

Te la jia ba la don hangta u briew u Belial uba kyrteng “u Sheba”, u khun u Bikhri, u kynja Benjamin: une te u la put ïa ka ronsing, bad u la ong, “Ngi ngim don ka bynta ha u Dabid, lymne ngim don ka bynta ba hap ha u khun u Jesse: to uwei uwei baroh sha la ki ïingjaiñ, ko Israel.”

2 SAMUEL 7:2

u syiem u la ong ha u Nathan u nongïathuhlypa, “Ha khmih mynta, nga, nga shong ha ka ïing dieng Kedar, hynrei, ka synduk U Blei ka shong hapoh ki jaiñ.”

2 SYIEM 19:37

Te haba u dang mane ha ka ïing u Nisrok u blei jong u, u Adrammelek bad u Shareser ki la pom ïap ïa u da ka waitlam: bad ki la phet ïap sha ka ri Ararat. Bad u Esarhaddon u khun jong u, u la synshar ha ka jaka jong u.

2 KHRONIKL 32:21

Te U Trai u la phah ïa u angel, uba la pynïap ïa ki riewshlur badonbor baroh, bad ïa ki nongïalam bad ki kaptan, ha ka jaka shong dara u syiem ka Assyria. Kumta, u la leit phai sha la ka ri da ka khmat balehrain. Te haba u la poi hapoh ka ïing u blei jong u, kita kiba la mih na ka kpoh jong u hi ki la pynïap ïa u hangta da ka waitlam.

SALM 109:28

Ieh kin mat tim, hynrei, to kyrkhu ma me: haba ki ïeng, kin lehrain, hynrei, u shakri jong me un leh kmen.

ESEKIEL 14:9

Bad lada la pynshoi ïa u nongïathuhlypa bad un kren ïa ka ktien, nga U Trai nga la pynshoi ïa uta u nongïathuhlypa, bad ngan kner la ka kti halor jong u, bad ngan pynduh noh ïa u napdeng ki briew jong nga ki Israel.

ESEKIEL 20:25

Nalor kata ruh, nga la ai ha ki, ïa ki aiñ ki bymbha bad ïa ki jingbishar ha kiba kim dei ban im;

MATHAÏOS 10:21

U para te un ai noh ïa la u para ïa ka ban ïap, u kpa ruh ïa la ki khun: ki khun ruh kin ïeng ïaleh ïa ki kmie ki kpa, bad kin ïa-pynïap ruh ïa ki.

1 SAMUEL 26:19

Namar kata te, nga kyrpad ïa me, ko syiem kynrad jong nga, to sngap ïa ki ktien u shakri jong me. Lada dei U Trai uba la pynkhih ïa me pyrshah ïa nga, to un pdiang ïa ka jingkñia: hynrei, lada ki dei ki khun ki briew, to kin long kiba la tim ha khmat U Trai; namar ki la beh noh ïa nga ha kane ka sngi ba ngam ïoh shongneh ha ka jingïoh kynti U Trai, ki ïa-ong, ‘Khie leit shakri ïa kiwei pat ki blei.’