2 SAMUEL 16:10 - KA BAIBL

¹⁰ Te u syiem u la ong, “Ngan rat donkam aïu bad phi, phi ki khun u Seruïah? Namar ba u tim noh, bad namar U Trai u la ong ïa u, ‘To tim ïa u Dabid’; uei uba nud ong, ‘Balei me la leh kumne?’ ”

Khasi CL Bible (BSI)

¹⁰ “Kane kam dei ka kam jong me,” u syiem u ong ïa u Abishai bad ïa u Joab, u para jong u. “Lada u tim ïa nga namar ba U Trai u la ong ïa u, mano ba don hok ban kylli balei u leh ïa ka?”

2 SAMUEL 16:10 ပူးပေါင်းရင်းမြစ်များ

JENESIS 50:20

Phi shisha, phi la lah thmu ïa ka basniew pyrshah ïa nga; hynrei U Blei u la thmu ïa ka, ïa ka ban pynbha, ïa ka ban pynlong ka lad, kumba ka long ha kane ka sngi, ïa ka ban pynim ïa ki paidbah babun.

2 SAMUEL 19:22

Te u Dabid u la ïathuh, “Nga donkam aïu bad phi, phi ki khun ka Seruïah, ba phin long ki nongïaleh pyrshah ïa nga ha kane ka sngi? hato yn pynïap ïa uno uno ha Israel ha kane ka sngi? namar nga tip ne em ba ha kane ka sngi nga long u syiem halor ki Israel?”

2 SAMUEL 19:23

Bad u syiem u la ong ha u Shimei, “Men ym ïap.” Bad u syiem u la smai ha u.

2 SAMUEL 3:39

Ma nga te la la thung syiem ruh ïa nga, nga long uba tlot ha kane ka sngi; bad kine ki rangbah, ki khun ka Seruïah ki kham eh ïa nga: to U Trai un ai nong ïa u nongleh sniew katba kum ka jingbymman jong u.”

1 SYIEM 17:18

Bad ka la ong ha u Elijah, “Nga dei aïu ïa me, A me u briew U Blei? pleng me la wan ha nga ban pynkynmaw ïa ka pop jong nga, bad ban pynïap ïa u khun jong nga!”

1 SYIEM 2:5

“Nalor kata ruh, me tip ïa kaei ba u Joab u khun ka Seruïah u la leh ïa nga, kaei ba u la leh keiñ ïa ki ar ngut ki rangbah ki paidïapom ki Israel, ïa u Abner u khun u Ner, bad ïa u Amasa u khun u Jether, kiba u la pynïap, bad u la pynmih ïa ka snam ka thma ha kaba suk, bad u la tah ka snam ka thma ha la ka jingpanpoh kaba ha ka syngkai jong u, bad ha la ki juti kiba ha ki sla'jat jong u.

2 SYIEM 18:25

Hato nga wan kiew khlem U Trai pyrshah ïa kane ka jaka ban pynduh ïa ka? U Trai u la ong ha nga, “Khie leit ïaleh ïa kane ka ri, bad pynduh ïa ka.” ’ ”

Ka Kitab U Job 9:12

Ha khmih, u kynrup ïa ka jinglute, uei uba lah ban khang ïa u? Uei u ban ong ha u, ‘Me leh aïu?’

SALM 39:9

Ngam shym lah ban kren, ngam shym ang la ka shyntur; namar me la leh ma me ïa kane.

EKLESIASTIS 8:4

Namar ka ktien u syiem ka don bor; bad uei u ban ong ha u, “Me leh aïu?”

SNGEWSYNEI 3:37

Uei uta uba ong, bad ka wan jia, haba U Trai um hukum ïa kata?

DANIEL 4:35

bad ïa ki briew baroh jong ka khyndew ym shym kheiñ ei ei: bad u leh katba u mon ha u paidbah jong ka bneng, bad hapdeng ki briew jong ka khyndew: bad ym don ba lah ban pynsangeh ïa ka kti jong u, lane ong ha u, ‘Me leh aïu?’

MATHAÏOS 16:23

Haba U la phai te U la ong ha u Petros, “Khie leit shadien jong nga, me u Soitan! Me long u mawjynthut ïa nga! naba mem ñiew ïa kiei kiei ki jong U Blei, hynrei, ïa kiei kiei ki jong ki briew.”

MATHAÏOS 8:29

Ha khmih ruh, ki la ïapyrta noh, ki da ong, “Me donkam aïu bad ngi, ko Jisu, U Khun U Blei? me la wan shane mynshuwa ka aïom ban pynkordit ïa ngi?”

ÏOANNIS 18:11

Ynda kumta, U Jisu u la ong ha u Petros, “To suh noh ïa kato ka waitlam jong me ha ka jingsop: ïa ka khuri kaba la ai U Kpa ha nga, ngan ym dih ïa ka?”

Ka Shithi U Paul Sha Ki Nong Rom 9:20

Ym kumta, hynrei, A u briew, me, me long uei ba me ïasaid pyrshah ïa U Blei? Hato in ong ita i dur ba la thaw ha uta uba thaw dur ïa i, “Balei me la thaw ïa nga kumne?”

1 PETROS 2:23

uba, haba la krenbeiñ ïa u, um ju krenbeiñ kylliang; haba u shah shitom, um ju byrngem; hynrei, u la ju aiti noh ha uta uba bishar hok:

1 SAMUEL 26:19

Namar kata te, nga kyrpad ïa me, ko syiem kynrad jong nga, to sngap ïa ki ktien u shakri jong me. Lada dei U Trai uba la pynkhih ïa me pyrshah ïa nga, to un pdiang ïa ka jingkñia: hynrei, lada ki dei ki khun ki briew, to kin long kiba la tim ha khmat U Trai; namar ki la beh noh ïa nga ha kane ka sngi ba ngam ïoh shongneh ha ka jingïoh kynti U Trai, ki ïa-ong, ‘Khie leit shakri ïa kiwei pat ki blei.’