2 SAMUEL 16:1 - KA BAIBL

¹ Te haba u Dabid u la palat khyndiat ïa ka khlieh uta u lum, ha khmih, u Siba u shakri u Mephibosheth u la ïashem bad u, u da don ruh shi jur ki kadda ba la teh jin, bad halor kita la don arspah tylli ki kpu, bad shispah rynjup ki soh Khajur, bad shispah tylli ki soh lyiur, bad shi lywa ka Waiñ.

Khasi CL Bible (BSI)

¹ Haba u Dabid u la jam kham sha khmat na ka kliar lum, u la ïakynduh kynsan ïa u Siba, u shakri jong u Mephibosheth, uba la don bad u shi jur ki kada kiba kit arspah tylli ki kpu, shispah tylli ki rynjup soh kismis, shispah tylli ki rynjup soh ba dang shu kheit, bad kawei ka pla snieh ba-dap da ka waiñ.

2 SAMUEL 16:1 ပူးပေါင်းရင်းမြစ်များ

2 SAMUEL 15:30

Bad u Dabid u la leit kiew ïa u lum ki Olib, u da ïam ruh katba kiew artet; bad u la tapmoh ïa la ka khlieh, bad u la ïaid 'jat lyngkhuit ruh de: bad kita ki briew baroh kiba la don lem bad u ki la tapmoh uwei pa uwei ïa la ka khlieh, bad ki la leit artet, ki da ïam katba ki ïakiew.

2 SAMUEL 15:32

Bad haba u Dabid u la poi sha khlieh uta u lum, ha kaba la mane ruh ïa U Blei, ha khmih, u Hushai u nong Arkhi u la wan tan ïa u ba la kad ïa la ka barandi, bad u don ruh ka khyndew halor ka khlieh jong u:

2 SAMUEL 19:17

Bad ki la don lem bad u shi hajar ki rangbah Benjamin, bad u Siba ruh uta u shakri ka ïing u Saul, bad la ki khun shynrang khatsan ngut bad la ki shakri arphew ngut lem bad u; bad ki la leit sha shiliang ka Jordan ha khmat u syiem.

2 SAMUEL 19:32

Te u Barsillai u la tymmen eh, jin phraphew snem ka rta: bad u la long ma u uba la ai jingbam ïa u syiem mynba u la don ha Mahanaim; naba u la long u rangbah u bakhraw.

1 KHRONIKL 12:40

Nalor kata, kito kiba hajan ïa ki, wat haduh Issakhar bad Sabulon bad Naphtali, ki la wallam jingbam halor ki kadda, bad halor ki ut, bad halor ki khashor, bad halor ki masi dab, ki kynja jingbam kiba da u 'purew, ki 'pu soh Dumbur, bad ki rynjup soh Khajur, bad ka Waiñ, bad ka umphniang, bad ki masi dab, bad ki langbrot kyrhai: namar la don ka jingkmen ha Israel.

PROBERB 18:16

Ka jingai sngewbha u briew ka pynkylluid jaka ïa u, bad ka wallam ïa u ha khmat ki briew ki bakhraw.

JEREMAÏAH 40:10

Te shaphang jong nga, ha khmih, nga shong ha Mispah, ban ïeng ha khmat ki Khaldi, ki ban wan ha ngi: hynrei, ma phi, to ïalum Waiñ bad soh lyiur bad umphniang, bad buh ïa ki ha ki khiew jong phi, bad to ïashong ha ki nongbah jong phi kiba phi la shim.”

JEREMAÏAH 40:12

ynda kumta, ki Jiw baroh ki la ïawan phai na ki jaka baroh sha kiba la beh noh ïa ki, bad ki la ïawan sha ka ri Judah, sha u Gedalaïah, ha Mispah, bad ki la ïalum Waiñ bad ki soh lyiur shibun eh.

AMOS 8:1

Kumne U Trai U Blei u la pyni ha nga: te ha khmih, shi shang ki soh lyiur.

MIKAH 7:1

Kordit ïa nga! naba nga long kum haba ki la lum ïa ki soh lyiur, kum ki soh khyrdong jong ka brisoh Waiñ: ym don ki rynjup ban bam; ka mynsiem jong nga ka thrang ïa u soh Dumbur ba la ih nyngkong.

1 SAMUEL 10:3

Nangta te men nang leit, bad men poi sha u dieng Sning Tabor, bad hangta kin ïashem bad me lai ngut ki briew kiba leit kiew ha U Blei sha Bethel, uwei u da rah lai tylli ki khun blang, uwei pat u da rah lai tylli ki kpu, bad uwei pat u da rah shi lywa ka Waiñ:

1 SAMUEL 16:20

Te u Jesse u la shim shi khung u kpu, bad shi lywa ka Waiñ bad u khun blang, bad u la phah ïa ki ha u Dabid u khun jong u, sha u Saul.

1 SAMUEL 25:18

Ynda kumta, ka Abigail ka la pynkloi bad ka la shim arspah tylli ki kpu, bad ka Waiñ ar lywa, bad san tylli ki langbrot ba la khreh lypa, bad san shang u Kew ba la sdieh, bad shispah rynjup ki soh kismis, bad arspah tylli ki kpu stang u soh Dumbur, bad ka la buh ïa ki halor ki kadda.