2 SAMUEL 15:8 - KA BAIBL

⁸ Naba u shakri jong me u la kular ïa ka kular mynba nga la shong ha Geshur ha Syria, da kaba ong, ‘Lada shisha U Trai un wallam pat ïa nga sha Jerusalem, nga te ngan shakri ïa U Trai.’ ”

Khasi CL Bible (BSI)

⁸ Mynba nga dang sah ha Geshur kaba ha Syria, nga la kular ïa U Trai ba lada un ïalam biang ïa nga sha Jerusalem, ngan mane ïa u ha Hebron.”

2 SAMUEL 15:8 ပူးပေါင်းရင်းမြစ်များ

2 SAMUEL 14:23

Bad u Joab u la ïeng bad u la leit sha Geshur, bad u la wallam ïa u Absalom sha Jerusalem.

2 SAMUEL 14:32

U Absalom te u la ïathuh ha u Joab, “Ha khmih, nga la phah sha me, da kaba ong, ‘Ale shane, ba ngan ïoh phah ïa me sha u syiem, ïa ka ban ong, “Nga la wan noh na Geshur ïa ka ban lei? Ka la kham bha ïa nga ban sah hangto haduh mynta: mynta te, to ai ngan ïohi ïa ka khmat u syiem; bad lada don ka pop ha nga, to un pynïap ïa nga.” ’ ”

2 SAMUEL 15:9

Bad u syiem u la ong ha u, “To leit ha kaba suk.” Kumta u la ïeng, bad u la leit sha Hebron.

2 SAMUEL 3:3

bad u ba-ar jong u, u Khileab, na ka Abigail ka tnga u Nabal u nong Karmel; bad u balai, u Absalom, u khun ka Maakah kaba ka khun u Talmai u syiem ka Gesur;

SALM 56:12

Ki kular jong me ki halor jong nga, A U Blei; ngan ai ki jingainguh ha me.

EKLESIASTIS 5:4

Haba me smai ïa ka jingsmai ha U Blei, wat pyntud ban siew ïa ka; namar um don ka jingsngewbha ha ki babieit: siew noh ïa kata kaba me smai.

ISAÏAH 28:15

naba phi la ong, “Ngi la pynlong jutang bad ka jingïap, bad ka dujok ruh ngi don jingïakut; haba ka jingsympat bashlei kan ïaid lyngba, kan ym wan ha ngi; namar ngi la pynlong jaka rieh ïa ka jinglamler, bad hapoh ka jinglamler ngi la buhrieh ïa lade”:

JEREMAÏAH 42:20

Namar phi la leh shukor ïa la ki mynsiem hi; namar phi la phah ïa nga ha U Trai U Blei jong phi, phi da ong, “To duwai na ka bynta jong ngi ha U Trai U Blei jong ngi; bad ïa baroh katba U Trai U Blei jong ngi un ong, kumta to pynpaw ha ngi, bad ngin leh ïa kata:”

JOSHUA 24:15

Bad lada kam idei ïa phi ban shakri ïa U Trai, to jied phi ha kane ka sngi ïano phin shakri; ïa kita kiba ki kpa jong phi ki la shakri kiba la don sha shiliang kata ka Wah, lane ïa kita ki blei ki Amor, kiba phi shong ha ka ri jong ki: hynrei, ma nga bad ka ïing jong nga ngin shakri ïa U Trai.”

1 SAMUEL 1:11

Ka la smai da ka kular ruh, ka da ong, “A Trai ki paid, lada shisha men khmih ïa ka jingjynjar ka shakri jong me, bad men kynmaw ïa nga, men ym klet ruh ïa la ka shakri, hynrei, men da ai khun shynrang ha la ka shakri, te nga ruh ngan aiti ïa u ha U Trai baroh ki sngi ka rta jong u, bad ka syrti kan ym dei ïa ka khlieh jong u.”

1 SAMUEL 16:2

Te u Samuel u la ong, “Kumno ngan leit? Lada u Saul un ïohsngew, un pynïap ïa nga.” Bad U Trai u la ong, “To shim bad me da ka masi lud, bad ong, ‘Nga la wan ïa ka ban kñia ha U Trai.’